【校園】【微甜】三日兩夜生前死後的宿營: 生前(15): 恐怖微電影

畫面轉變，攞住手機既人一係手震一係跑緊，事實上就係兩樣都有, 因為畫面不停震盪, 老實講咩都睇唔清, 只有鏡頭前面既閃光燈不停左搖右擺，睇到我都就快頭暈，跟住又聽到畫面裏既人尖叫：「唔......唔好行過來.......求你......求你放過我......啊！！！！！」
畫面突變, 鏡頭對著天空，睇黎係手機跌落地下然後無聲，正確黎講仲有好嘈既昆蟲聲，跟住聽到另外有把陰聲細氣既女聲：「帶走左佢？」另一個人好憂鬱半斷氣應她：「帶左啦，下一個邊個好？」然後其中一個人發現地下有部手機於是撿起，畫面又一震，然後……

「啊！！！」我一睇到畫面即刻嚇到尖叫，雙眼閉緊同埋摟住小雅，因為我睇到一個超恐怖大特寫，拖地而長頭髮，素白臉眼睛起紅根流血淚成個嘴唇旁邊一條條錯亂刀血痕，超怪異對住鏡頭甘壞笑，重點是，我只係見到她既頭，脖下面的身體無加！！小雅一直瞪住個銀幕，喃喃自語：「d化妝同CG都可以接受。」

原來有用到CG，我都睇唔出，甘當然啦我只不過係一瞬間係甘而望到半眼，點鬼知發生咩事！微電影繼續但係我已經無心情再睇，我背住銀幕小雅對住屏幕幫我睇埋，真係唔該哂，仲有時聽到她話呢個做得唔錯，嘩，呢個d演技好差。
我周不時都見到有女仔嚇到唔敢睇，有d一開始同我一樣無睇到，望下阿條果邊，睇黎都有唔少男仔係怕鬼，有d都無睇到，照甘睇黎甘次學生會既製作總算有反d睇頭，不過我真係唔敢睇，抱歉，所以小雅她真係好厲害，原來她唔怕恐怖野，不過我知她係怕小強，哈哈。

睇黎就快完結，因為我聽到最開頭有d同學討論既聲，應該係憶述完畢，突然間我感到冷氣被人教到極低，d風超凍，至少低於十度，唔使做甘足啊？唔係好多人受得甘凍，而且呢種凍到上脖既感覺令到我好唔舒服，好似有野係我條脖後擦過，簡直就是由心而發既寒慄，小雅都覺得有點唔對路，某部分既同學都覺得有問題，於是鼓譟叫學生會教返暖d，但係台上既人好似都一頭霧水，折返來回都搵唔到原因，微電影繼續對話：「果個發咗癲既師姐口裏面成日都講一句話，『【裂縫世界】……快d跟我黎……』，後來失蹤唔見左最後無人知結果…… 」





屏幕一黑，成個禮堂就一線光都無哂，但係冷氣無調整番好依然都係甘凍，「邊有甘誇張，明明就係車禍唔小心撞死左，同我地一d關係都無……」
咦？我聽到附近有人喃喃自語，把聲我記得最近係邊度聽過……

突然主持開始講野，於是我既注意力集中係台上：「各位同學，感謝大家細心欣賞！依加我地將抽籤為大家分組進行活動，我地呢個活動稱為『試膽大會』！」
由播條片開始我就知道接落黎既活動一定又係同d神神鬼鬼有關，天啊！我最討厭呢d野，所以我從來都唔睇恐怖片,雖然我係玩尖叫系但是我對呢類野特別可怕，而且仲話要抽籤分組，唔好講笑啦！我同唔識既人一齊咪仲大鑊？！

小雅好似睇穿左我諗咩，她細細聲安慰我：「放心啦，就算抽籤唔係同你一組都無人知，我地班裏面既人傾下咪交換位應該無問題。」
於是我就捉到小雅實一實，無論點我都唔想離開她，突然我手機有短訊，打開睇係阿條搵我：「呢個活動你玩唔玩？」
我都知我係怕呢類野，不過我都覆佢：「嗯，小雅話陪我一齊玩。」
佢回翻一個「OK」既手勢比我，仲叫我小心d玩，有咩事就打比佢。





活動規矩係甘，八至十人一組，男女比例五五或者四六，女校多人d所以只好甘分，抽籤以學號分組，根據指示前住指定既路線，而學號最前既人帶頭以火車頭方式膊頭疊膊頭行動，帶頭既人可以有一支手電筒，中途成隊人不得分開，順利去到終點依然係甘多人無人走開脫隊就有禮物送。

不過我無論點都係同小雅一組就無理分組結果，我對禮物無咩興趣，只求順利走完成程路，小雅隨便搵左一個同班同學交換左號碼之後就同我一齊行動，然後我好不幸發現，阿草竟然同我一組！