【校園】【微甜】三日兩夜生前死後的宿營: 生前(12): 好姊妹

我帶小雅去飯堂食飯，前腳剛踏入飯堂同班既人就一窩蜂衝過黎：「小雪，你走左去邊？轉頭就唔見左你，幾驚你行錯路！」
「小雅，有位啊！一齊坐啊。」
「我地出黎果陣好大風，搞到我個頭好亂。」
「唔好掛住玩手機，過黎幫下手！」
「喂，唔夠碗食野，搞咩啊？」

我自動請纓去攞碗, 於是小雅都陪我去, 成班女仔的確係好熱鬧, 不過她細細聲同我講：「班人真係好嘈。」
我苦笑：「算啦，你又唔係唔知佢地d性格點樣……話說，要攞幾多個碗？」
小雅指著櫃檯上剩下數個碗：「我諗果邊果堆都夠我地啦。」小雅以防萬一攞多幾雙筷子同我一齊返去，頭先個女仔，我心裏始終有d好奇，於是我問好友：「小雅，你頭先係跳舞室有無見過一個女仔辮馬尾白t黑褲既？」
「啊？我無咩印象喎。」





有緣自然會再見，我決定唔再深究，我地攞夠用具轉身走人，點知突然有個飯堂阿姨走出黎話我地：「阿妹，d碗後備用加，你地唔好攞走啊！」
「但係我地張枱唔夠碗筷用。」
「點會又唔夠？我數得好清楚，每張枱都一定夠用，每年都總會有幾次d碗筷收番黎唔齊數，真係奇怪。」

我同小雅面面相覷，我地都覺得邊個甘無聊收起人地d癈膠爛碗，但無論點都唔會係我地做，返到位之後班人又繼續七嘴八舌，我見到好多人都聚向我好友旁，但係她只需一句：「乖乖地安靜食飯既都係我既好朋友。」
旁邊既蒼蠅立即東奔西走搵個空位坐下，我成日覺得她唔做學生會會長真係浪費，人又好又開朗，交際能力又強，我打賭學校有一半人都識小雅，係果種我識你你唔識我的認識，係我面前她就係甘閃閃發光，甘樣既女仔如果係男女校一定好受男仔歡迎，小雅甚至收過女仔告白，完全係嚇死她。

我仲記得有日放學她突然臉色蒼白跑過緊緊抱著我，一開始我以為發生咩事連連安慰她，後來她話比女仔追問我點算。
果陣我先怔著，之後好壞心地捧腹大笑，當我笑夠之後見她認真為呢件事煩惱緊，我輕輕拍下她，然後故意極親暱貼近她又抱又摸，最後我講左句超爆炸驚人發言：「小雅你係我既，邊個都唔可以搶走你！」





就算係放學時間, 當時仲剩下唔少人, 班裏的同學全都好似化石不動，然後一瞬間雞飛狗跳，不到聽日就傳到幾乎全校都知道, 當有人問起, 我只是輕鬆回道: 「無, 我地開玩笑, 唔使甘在意。」
反而小雅急問我: 「小雪, 你係度搞咩?」
我安慰她: 「唔使驚, 學校既人鍾意就係小事化大, 當D人知道你有我，甘咪無人再敢追你。」

雖然我只是賭一把，還真係無人再敢纏著她，為了我既好朋友，呢d小事算得上什麼！
之前我仲未認識小雅既時候她幫左我好大忙, 果陣時......

呃, 唔小心諗番D陳年舊事, 都係唔好提, 哈哈。總之成件事就不了了之, 我同小雅都是一樣甘親密, 老實講, 唔係只有男朋友同得多兄弟女朋友會吃醋, 連女朋友近得多好姊妹男朋友都會吃醋， 阿條他真係好有趣。
我地草草用過晚飯，我同小雅點齊數同阿姨報告，收拾之後便到外面散步，因為仲未夠時間玩晚間活動，而且活動仲要係不知名，話係驚喜，學生會又唔知係度諗咩，不過他們既內定活動都唔差，我就期待一下吧！





我地有本來有傾有講，點知行唔夠兩步小雅就話走先返宿舍追都追唔切，後來我轉頭，原來係阿條黎左，啱啱好就係我後面。