【校園】【微甜】三日兩夜生前死後的宿營: 生前(11): 疑點多多的女仔

不過當她開口問我：「活動已經完左，你留低左野所以返黎攞？」
我就覺得自己好失禮，亦都好奇怪自己有甘既錯覺，明明眼前的女仔係活生生既人……
為了解開自己尷尬，我都開口答她：「唔係啊，我黎搵人，不過她好似已經走左。」
她側頭道：「活動完左之後d人已經走哂，呢度已經無人，或者你打比她問下好d。」

如果我打得通她電話就好，不過小雅唔係度既話我都無必要係室裏，於是我同女仔道謝順便提她：「唔該哂你，啊，就快都食飯，你記得準時去！」
她睜眼瞪著我，好似想睇穿我內心甘，嚇到我個心離一離，最後搖頭苦笑話：「我已經唔記得餓既感覺係點……」
……甘姐係話她平時食得好飽？我唔係好明，但是有股衝動就講左出來：「就算唔餓都要食，等陣玩玩下無力就唔好。」

個女仔驚訝望著我，然後哈哈大笑出來，我講左d咩甘好笑既野？




好彩她都係笑左一陣：「真有趣, 好奈無試過甘開心，哈哈……多謝你啊！」
「？唔使客氣。」其實我都唔知客氣d咩。
「既然係甘我都好心提下你，『小心XXXXX。』」突然間音樂播放器失靈，有一大堆音樂超大聲播出來，嚇到我即刻掩耳，但是耳仔都仲覺得有d刺痛。
她用眼角銳利盯住播放器，它就好似有心靈感應停止嘈音。

結果，她究竟想講咩？但她之後就沒再望向我，我揮手向她道別，邊行邊心想：「好奇怪的女仔。」
既然我走左，就自然聽唔到她喃喃自語：「唔知今次可唔可以順利度過……」

我離開跳舞室後住後面草地睇下小雅會不會係度，突然我電話就響起：「小雪，你搞咩打比我甘多次？唔識路啊？」
小雅！你終於肯接我電話啦！




「我係跳舞室附近，諗住搵埋你一齊食飯，嘿啾！」
我體質幾時變得甘差？
「小雪，你又唔記得穿外套？叫我地班d人攞比你啦。」
「但……都呢個鐘數，大家都應該走哂……」
「你係跳舞室？我過黎搵你啊，你企係度唔好動。」
之後她就掛線，於是我又行返去跳舞室門口，d燈無關到，不過頭先個女仔已經唔見左，睇黎她都去左大堂等食野。

雖然我認人唔係好厲害，不過同級既人點都會望過幾眼，她個樣很生面所以應該係阿草間學校，即係男女校，她既然係跳舞室裏甘小雅應該對她有印象，唔知她跳舞點樣？不過我都好少見小雅跳舞，就連體育堂都只係跳社交民族舞，完全沒見識過她特別的舞技，就算有d咩表演比賽她又死都唔參加，真是皇上唔急太監急都就死！

就係我胡思亂想既時候，小雅就出現係我面前：「唔係話係飯堂等咩？做咩甘急要搵我一齊啊？」




我收起一堆思緒答她：「見你無上線有點擔心你，不過我多心你無事。」
小雅笑起來：「嘻，我會有咩事喎，行啦餓啦！」

她見到跳舞室開左, 於是她就關燈,不過她講左奇怪的說話: 「小雪你搵我唔到都唔使借鎖匙開門開哂d燈搵我啦，我又唔一定係跳舞室。」
「……我無開門開燈？」
「但是甘對門開左？我地走果陣我見住個職員鎖門關燈。」
「我頭先見到個女仔係裏面，話唔定係她開呢。」
「……不過甘喎小雪，」小雅側頭諗左陣，突然間好嚴肅：「你話搵我唔到借鎖匙人地職員勉強都肯開門比你睇下，無論點都一定唔會借甘貴重鎖匙比你，甘你見到個女仔旁邊有無職員陪？」
我搖頭，一定無啦，間房甘空一眼就睇哂啦！
「既然係甘，個女仔點入黎？」

突然我地覺得空氣急下降，風聲呼呼大響，吹亂我地的頭髮，讓我地睇唔到前面的方向……
好凍! 最後我因為肚餓冰冷而放棄思考同小雅去飯堂食野。

好奈之後，我先知道如果我唔放棄思考就會得到一個理所當然的答案……