【校園】【微甜】三日兩夜生前死後的宿營: 生前(13): 散步的一夜

「阿條甘啱！」我向他揮手。
「你都食完飯啦？」
「嗯，你d朋友呢？」
「佢地走先。」
「係啊......」
小雅可能見到阿條所以都走先，正如他既朋友見到我就走一樣。
我明知故問：「你搵我有咩事？」
「我沒事唔可以搵你啊？」
絕句！
「唔係呢個意思……」

儘管如此, 他一定係有野想同我講，唔係一定話無事不登三寶殿，只係睇佢果樣應該係有野, 唔講原因, 所謂既直覺就係呢D?
「我地去果邊行下。」我指住更遠處的方向, 他牽著我的手慢慢行, 全程無出過聲, 只係聽到風聲, 仲有樹葉「沙沙」聲, 呢個時候我特別覺得大自然真係唔錯......
「嘿啾！」

不, 我都係覺得一D都唔係唔錯, 我樣衰衰攞紙巾，阿條見狀於是解開披在肩上外套放係我膊頭，抬起右手繞到我後面抱住我右臂：「真係啊，你又唔帶外套，小心凍親嘛。」他前胸緊緊貼著我背面，好暖……不，好熱！！

我心跳跳到二百血液係甘充上，全身熱到都快要出汗，加上阿條的體質容易發熱日日都好似暖爐，冬天當然無問題不過一到夏天就熱到唔想黏住他，依加我好似熱到都就快燒死自己，「我唔凍，你攞返走件野。」
我硬塞比他想話返宿舍先，他捉住我唔比我走：「想走去邊？？」
我低頭無答他，他突然好醒摸摸我前額，我想拍走他手都趕唔切：「喂，你發燒喎！」





「無無無無無無無d甘既事！！」
「連臉都紅哂！」
「唔……唔係發燒啊……」
他好似突然知道係咩事於是就緊緊抱住我：「你好得意啊。」
「要要要要要你多事！！」拍拖都過左成年我依然會為呢d緊密接觸而害羞真係無地自容，他撫摸著我出緊煙的頭，我的耳仔，我的後脖，輕輕托高我的頭唇對唇吻下去。

風真係好涼，我好快就變到無甘熱，最後都係被強制性披著阿條件外套，好有他的味道，嘻嘻嘻。我地愈行愈遠依然一句話無講，其實我等緊佢開口，睇得出佢猶豫緊應唔應該同我講，為左等佢儲夠勇氣，我企係樹下靠著它拿出手機登錄遊戲開始打機。

………




……………
我故意唔望向佢死瞪著手機扮咩事都唔知，其實眼角瞄到佢百感交集，好似唔想我打機但是如果阻止又怕我過唔關遷怒於佢想開口但是又驚我聽唔入腦打擾我究竟我應唔應該開口叫停佢，哈哈，我心裏暗笑。
佢微妙既表情全部無逃出我視線裏，最後你知唔知點？
他輕輕嘆氣從袋裏取出手機同我一樣登錄遊戲一齊打機，我幾乎想撞佢落樹，遲鈍到一個點，不過，打機好玩，我地兩人就默默按著手機。
終於過左一段時間，我都過左關三次之後，佢開口叫我：「小雪。」
「嗯？」
「你仲有無見過果個人？」
「邊個？」
「果個叫阿草既人。」

我唔小心一滑手，好險！差Ｄ就被人刺中失血！可想而知我幾甘動搖。
也難怪佢遲遲唔敢開口。
「過去食飯果陣有見到，不過我無理佢。」
「以後果個人再借故搵你就即刻打電話比我，知道嗎？」
「……嗯。」




「你真係知道? 小雪你唔好敷衍我。」
「真係知啊……呀! 唔好再嘈, 我就死啦! ! 快D幫我啦, 仲企你係度唔救我! ! !」差d以為佢見死不救啊，呢關好難過嘛！