【校園】【微甜】三日兩夜生前死後的宿營: 生前(10): 跳舞室

由於頭先意外的關係搞到我無左少時間，最後我都只係玩多一次大繩網，其餘時間我都留係細繩網玩，反而係阿條佢睇住我玩自己無過黎，我玩到夠鐘之後差不多要返宿舍想沖個涼先，玩到成身都係汗好唔舒服，好彩我有帶多幾件衫黎換。

玩後大繩網之後我地既隨身物品已經還返比我地，不過玩細繩網既時候我隨手交左比阿條保管就自己去玩，我返宿舍之前跟阿條攞返個電話……係啊，我個電話，好好彩最後咩事都無完整無缺（阿條笑我話無得換電話真可惜，我即刻醒個暴栗比佢），攞返電話後我打比小雅睇下佢返左宿舍定仲係跳舞室，電話接通啦！

「小雅，我返緊宿舍，要不要同我一齊返？」
唔知點解電話另一頭久久不作聲，「喂？」我忍唔住出聲叫她，她好似呢個時候先發現我同她傾緊電話：「小雪，你返去先，我……我有d野要整，到時直接係飯堂見，掰！」
然後超快就掛線，唔知她搞咩呢？咁我自己返宿舍沖涼換衫先。話說頭先阿條話要送我返宿舍，我覺得唔好意思就推左佢到時再聯繫。

話說依加黃昏個景都幾靚，我叫左幾個同班一齊影相留念，但是唔知點解一按快門就成日都好大風弄到個頭吹亂哂，沒辦法好好影相，唔係呢個頭影唔到就係果個頭髮亂到要暫停，結果就放棄影人，我就對住咸蛋黃影一張，然後自拍左一張諗住放上ig, 點知睇番張相左邊邊有團黑影唔知咩黎好搶眼，本來想剪裁一下但係甘樣既話個咸蛋黃就會剪走左少少唔靚，最後我凈係放左張風景圖上ig, 唔……留言寫咩好呢？





「小雪，你企係度搞咩，快d番去啦！」唉呀，被人叫，我急急忙忙收起手機追上班同學一齊返宿舍，跟住佢地返到後就話要send番d相比對方，不過我無理佢地，我先換返件衫, 唔係轉頭又無時間，之後再send左個短訊連日落張圖比小雅，問下佢寫咩好，但係她少有甘下線，真係好少有啊！

搞到我都有d擔心，平時她好似都瘋瘋癲癲，不過其實她好認真好聰明，早知頭先死都唔比她掛線……
越諗越唔放心，於是我攞走手機銀包就甘離開左宿舍，諗住返大禮堂果邊的跳舞室，因為大禮堂附近都係飯堂的位置，我當然唔會又再行多趟所以就攞住銀包食完飯買d零食之類夜d食，食完飯又有活動不過唔知係咩活動，我怕之後會肚餓，買定d零食傍身都好正常啊。

我依靠手機影落黎的地圖向跳舞室去。話說無論晏就幾熱，係郊野地區一到夜晚就一定好涼，甚至會有d凍，然後就係……我唔記得呢條定律，所以係有預料情況之下我就好失禮打左大噴嚏：「嘿……嘿啾！嘿啾！嘿啾！！！」

連續三個真係要命……好彩周圍都無人，我快速攞張紙巾，為左自己身體暖少少決定慢跑去但是一時間一呼一吸太急速搞到我換氣好辛苦我只好停低，一停低又覺得凍，一時間進退兩難……
「嘿啾！」
嗚，我條件反射的動作未免太大太誇張？！

我幾乎90度向前彎腰，假如被人睇到就一定好樣衰，就算平時無咩形象都唔使甘啊……

「小雪同學真巧，又會見到你！」
真係烏鴉嘴，呢個時候真係有人係呢度附近！仲要係我識加，果個人叫我個名……唔？
「你去邊啊？」我側側頭, 唔得了, 竟然係阿草!

今次認得佢係因為佢叫我「小雪同學」, 連班上的同學都稱我「小雪」, 唔知佢係客氣定規矩, 但是我依加甘樣真唔想比佢見到, 我想避開佢, 見到他比見到阿條更尷尬，不過他應該係頭先見到我打噴嚏，他除左身上的外套蓋再我臂上仲關心問道：「夜左天氣凍啊，你要小心唔好病。」

雖然我心頭一暖，可是要拒絕的時候就要拒絕，我雙手除下他比我外套還返比他：「我唔緊要，跑過去好快就唔凍。」
但係他唔願意攞番件外套，我只好強行還比他，忍住打噴嚏的衝動就掉頭走，我愈來愈唔知佢想點，所以避得就避, 都唔敢回頭望佢。





當我跑到去跳舞室搵小雅，發現裏面雖然燈火通明，但是無人……
啊! 仲有一個女仔企左係中間，唔知點解怔怔望住全身大鏡動也不動，我以為她可能做緊d練習，不過她突然轉頭望著我，一瞬間，我覺得身邊的氣溫急降，有股寒氣係我周圍緊緊包圍著我，但是一點都唔想打噴嚏，反而係自己想出聲叫又叫唔到，想轉身離開又做唔到，全身動彈不得，就甘不受控制企左係度，身體好似不再屬於自己。

更重要既係我覺得對面的女仔唔係屬於呢個既世界，應該話，我感覺唔到她有人既氣息，老實講，好可怕！！！