【校園】【微甜】三日兩夜生前死後的宿營: 生前(9): 只有人為的意外
終於排到我！阿條佢排我後面，我一綁上安全帶就興沖沖地爬過去，每一個關卡尾都有一個安全指導人員睇住我地，所以我都唔怕危險，過五關斬六將，玩過一次後我仲未過癮，於是我重新排隊等玩下次。
今次阿條好慢他居然仲係中間卡住，我抬高頭望住他係中間唔前唔後忍不住偷笑，想攞手機拍低佢，我伸手入褲袋咩都搵唔到，先想起手機被人收起左，於是我返去攞手機，因為太過想捕捉呢一刻，導致我衝得太快落斜路唔小心踏空，差點黎個360度前空翻，好彩我反應快，乘勢衝落去，其實條斜路好短，話好快我就去到放手機果堆袋度，我蹲下來搵搵我個袋，點知我聽到有人大叫：「讓開啊！！」
話音未完身後就傳來好大聲「卡啪噹啦」，聲音仲要由遠至近，向緊我果方向黎緊！
我連頭都唔回, 二話不話向左邊空地一跳, 之後向一路向左跑再轉彎打算跑返上山，然後無啦啦有人，我都唔知點解有人，捉住我手一路前奔，被人突然間甘捉住係嚇一跳，唔，果個人仲要一d都唔陌生，是阿草。
我正打算開口問佢嘅出現，突然後面「啪嗒」一聲，我扭頭一看，嘩！有四五條好粗嘅竹條，每條都差不多有兩米長，不倚不仗就堆哂係我搵電話果位。睇黎頭先有兩個壯士抬著果堆竹想搬走，點知有人無啦啦鬆手攞唔好就全部滾落黎，剛剛好係我後面由山上滾落黎，依加就跌左係電話堆上面。
「啊，我個電話呀！」我不禁悲傷叫出來，有一股衝動想跑返去搵返電話出來。
「你唔係應該慶幸自己避過一劫？」阿草好似看穿我意圖甘輕輕拉住我，又微微責怪我唔分輕重，居然先擔心電話。
我細心諗諗又好似係，雖然未打得死我不過最嚴重都會骨折，最起碼唔會無傷無痛，都算係死裡逃生，至少我唔想之後宿營要訓足三日，諗到呢度之後我就覺得自己好好彩，雖然阿草唔衝落黎拉走我, 我都有信心可以避開竹條, 不過既然佢都算係拉走我, 至少都應該道謝下，於是我微笑向阿草話：「又係喎，哈哈，唔該你。」
阿草見到我笑塊面即刻紅哂，呢個時候我先留意到，佢仲捉住我手臂，於是我搖一搖隻手就放開左，那兩個壯士跑過來關心我，見我真係無傷無痛無事先大大鬆一口氣再走番轉頭收拾殘局，其中一個壯士可能見到阿草拉走我，臨走前對我講左句：「呢個男仔跑得好快，叫住佢話危險，係都要跑落黎救你。」
如果只有我聽到而又當成無聽到既話即刻跑開左，事情會就甘完左……
頭先意外產生嘅聲音實在很大，好多人聽到巨響都跑過來湊熱鬧，剛好阿草嘅熟人又走過黎搵佢，應該係聽到壯士講既野，搭住阿草膊頭開玩家笑：「原來係英雄救美啊……你地幾時係埋一齊？」
過來湊熱鬧的人又對住我地偷笑，嚇到我連忙急忙澄清極力否認, 為左避開佢又趕住跑走返上山去繩網果個位，阿草想叫停我問道：「小雪，你沒事……」
「小雪，你沒事嗎？」
比起阿草更大聲叫住我既，唔係別人，正是阿條。阿條佢係小山腰果位, 我即刻衝過去搵阿條問佢：「你玩完啦？係咪聽到聲所以落左黎？」
「玩完啦，甘大聲點會聽唔到? 頭先仲要有人同我講話我唔理危險救左個女仔，問我果個係咪我女朋友。」佢一邊摸著我既頭一邊講，可是我感覺佢沒有全神留意著我，反而把視線冷冷投射我身後，他那種想葬送他人於地獄的眼神令我覺得好可怕。
雖然阿條有時笨笨地呆下呆下，但是呢個時刻佢就會變得好敏銳, 當有人以為救我既人係阿條，但其實唔係係佢，反而係同佢好似樣既另一個人，佢就百分之百肯定救我既人係阿草。
我知道佢視線緊緊瞪住阿草唔放，我不禁捉住阿條既手想佢冷靜唔好衝動，可是我隻手不自覺因為佢冰冷的眼神而感到害怕顫抖，令我覺得自己好尷尬，阿條以為我驚魂未定，於佢收起各種惡意的眼神，好溫柔望住我輕輕甘抱著安慰我：「你一定嚇親啦……我下次會好好睇實你唔比你有事。」
雖然我唔係因為死裡逃生而嚇壞，不過我見到阿條能夠克制自己我就鬆一口氣，繃緊的神經呢個時候先真正放鬆落黎，佢見我身子軟軟靠在佢身上就不禁壞心眼，冷不防抬起我下巴係我嘴唇上蜻蜓點水，然後假惺惺牽起我隻手往繩網那方向去，搞到我一時間唔知應該係臉紅定係拍佢頭好, 不過至少肯定我係笑住被佢牽走。
阿條邊行邊問我：「你唔係排隊玩第二次咩？做咩跑左落黎？」
我答：「我果陣見到你係上面幫你影張相，跟住想起手機收起左所以想落黎搵番，不過唔知依加手機有無爛到……」
我打算回頭望一望山下，點知阿條無啦啦急步拉我行快d並且開玩笑講：「哈，你甘快想換手機？明明上星期先有人同我講佢無錢喎？」
佢仲要故意望著我暗示講緊我，我感到不忿緊緊捉住佢隻手蹲下來，正當佢疑惑我做緊咩既時候，我除了其中一隻鞋握係手裏然後打落佢背脊，等佢唔好再數落我，捉住佢隻手就是為左唔比佢走，點知我打左無兩下之後佢居然鬆手逃走避開我，仲要跑得超快, 跑到幾十米之後又故意停低轉身對住我做鬼臉, 我趕快著返好隻鞋追住佢, 唔比佢走遠。
只是我無諗過自己又粗心大意, 又太天真爛漫，留意唔到阿草竟然正同緊抬竹條的兩個壯士搭膊頭傾計，甚至取出銀包裏面的錢進行某種金錢交易，而阿條若無其事引開我既注意力同時, 把一切收盡眼簾裏。