【校園】【微甜】三日兩夜生前死後的宿營: 生前(8): 活動開始前

儘管今日一直都被一大堆野煩住，不過一講可以玩我就咩都拋在腦後，有咩煩惱之後先算啦，要好好享受現在啊！人生甘短，當然要好好活在當下啦！我一馬當先跑到小型繩網直接爬上去，阿條見狀也跟著我爬起來，與我保持一段唔長唔短的距離方便移動。

我輕鬆過了頭三關，然後因為有d無力速度稍微下降，不過要是我唔繼續行，後面d人就會被我塞住，於是我決定速戰速決，加速直接爬過兩關過去，就快到最後一關果陣我居然叉錯腳絆到自己，好彩我緊緊抓住繩網未至於整個人訓身掉地，不過腳就碰到地下要重新走過，雖然無白底黑字話一定要重新由頭開始，不過既然我都無咩氣不如就歇會兒, 阿條見我唔玩, 於是佢都放手跟我走到無太陽一角休息, 我靠落其中一棵樹歇息，他唔知係邊到搵到把迷你風扇遞比我一齊吹。
有風扇，再加上係陰涼嘅地方， 好涼......好舒服.....

……………

「......雪......學……」呼……呼...…
「……小雪……學……你……事……」
唔？好似有人拍我問緊我野，但係點解我聽得唔清唔楚? 我半瞇起眼，迷迷糊糊見到阿條的面型, 於是一手拍向佢，對方立即叫痛，我抱怨道：「做咩阿條？唔好阻住我瞓覺……」




突然間我全身細胞毛孔都豎起,，因為我意識到自己居然係玩嘅時候唔小心瞓著左，嚇到我成個人即刻坐起身, 阿條都立刻後退兩步, 我瞪大眼望著他，發現異狀：「……阿草？呃……」
迷迷糊糊我把兩個人搞亂左！頭先好似仲要用力打左佢一下……算啦，我完全唔知點同佢講野，於是我決定先站起來，拿著風扇……
咦？風扇呢？

我左搵右搵都見唔到，當然啦，我身邊本來就咩都無，自轉一周已經望到風扇唔見左，我唯有問下眼前的人：「阿草，你有無見過我個風扇？」
「……無啊，我黎到呢度就凈係到你一個，我仲以為你中暑暈左。」
佢搖頭，不過佢講左句我好在意的話，如果阿草一開始凈係見到我，甘……阿條去左邊？

我係口袋裏拿出手機打比阿條，一陣之後佢接左，佢唔似我甘緊張，反而聽到我電話好興奮：「小雪，你打得黎岩岩好，夠鐘到我地玩啦，你快d過黎啦！我就係大繩網前面，因為要放低手機啊，所以你快d過黎啊！」
我得知可以玩後都顧不上累，直跑向大繩網方向，點知阿草跟係我後面，唔通佢同我同一時段？太巧合啦！





不過我真是唔想同佢講野，於是裝作無留意到佢直接搵阿條，剛好見到佢放低隨身物品，我又跟過去攞個袋裝起自己d野後同阿條一齊排隊，同班有幾個都同我一樣時間玩，佢地見到我同阿條排埋一齊就攞出手機叫我：「小雪，望過黎啊！」
我聽到呼喚聲就不由自主望向那方，結果「㗎嚓」被佢地影左相，我仲要係一副傻樣，我即刻叫佢地刪左去，但係佢地榨住手機唔放，結果阿條走過來請求佢地，我本身以為係幫口叫佢地刪除張相，點知佢話：「你要send番比小雪啊。」

我先唔要呢類相！差點被佢氣暈……不過佢跟住同果個女仔竊竊私語，果女仔就唔知點解走過來我度面帶歉意話：「 sor小雪，張相send番比你之後我就刪左去……」
然後又跑開左，我不禁胡思亂想，本來我都有少少呷醋佢同其他女仔私語，但係見到她突然甘老實又覺得好怪，於是我問阿條：「你同佢講左咩？？」
阿條複述：「我話，『小雪好性感所以唔希望佢留在任何人手機裏面』囉。」
黏線！ 一聽就知係大話，我都費事理佢。

不過我突然想起有另一件在意嘅事：「你唔知係邊到借嘅風扇呢, 唔係我度，係你度？」




「嗯，果把野我借fd加，我頭先見到佢已經還左啦。」甘都好多d，我仲以為整唔見左。

可惜，後來有個人跑過來搵阿條，我認得係佢嘅fd, 佢手上拿著風扇大叫道：「阿條！你做咩用哂我風扇d電？！」
……睇黎頭先我地用哂d電所以阿條先還番比佢。
……我就知佢唔會老早就還番d野比人！

正式玩之前都已經發生左好事，睇黎跟住之後會有好多古靈精怪野發生……