【校園】【微甜】三日兩夜生前死後的宿營: 生前(7): 第一個活動
之前報左名參加三個活動，依加就開始分頭自由活動，至於我玩咩呢……
「我唔係好記得，我要問問阿條先。」我先向小雅道歉。
她瞪大眼望住我:「下？你連揀左咩自己都唔記得？」
「因為主要唔係我揀，我只係記得我都幾鍾意幾想玩，所以諗都無諗就跟左阿條的選擇。」雖然我自己講完都有D慚愧, 不過的確係事實, 我都唯有係甘解釋......
她白了眼:「……真係傻人有傻褔，甘你問清楚先啦，我去果邊集合，電聯啊! 」
她似乎係參加室內活動, 因為她向大禮堂果邊跑過去, 果度......好似有跳舞室玩, 都難怪她會跟我分道揚鑣!
我同她分開後, 我左顧右盼都見唔到阿條, 於是想打電話比佢，點知佢已經早一步 send短訊比我：「係繩網陣集合，識去？沿住大禮堂反方向直行上小山就係，已到等你。」
真係唔該哂！因為我無睇過地圖，加上我有路癡（其實阿條都係，不過佢死都唔肯認），於是我就照佢指示上小山。青年新村都唔係平地一片有斜坡落坡，阿條所謂的小山就係大禮堂後面有條好斜的斜路，好似一座山甘，於是我就慢慢向上走，行行下跑到我前面：「小雪同學，你掉左野啊！」
我見到佢手上果包紙巾，同佢：「啊！阿草！呃……唔該。」
果包紙巾得番一張，就算唔小心掉左都唔可惜，我只是以防萬一先帶係身，偏偏掉左仲要被阿草撿到，我想起剛才午膳的時候，覺得好尷尬，雖然掉左唔可惜，但是人地都撿起比我，唔攞又好奇怪，我只好伸手取然後快步離開，誰知佢好似捉到救命草跟住我唔走：「你知道繩網陣係邊？我搵極都搵唔到。」
原來我地同一個方向，但是我唔係好想佢跟著我，只好同佢講：「係果邊上去就係，我走先。」
然後跑開去，一直跑無停過，直到見到繩網陣先停下來，我已經汗流浹背，企係不停回氣，路程比我想像長所以跑到無氣，阿條見我上氣不接下氣，開玩笑問道：「雖然我話等你，但是你已經甘唔捨得我要衝過來見我啊？」
……如果我有氣我一定打佢一拳，可惜我無氣，加上得我聽到他講就暫時放佢一馬，他玩笑歸玩笑，都有遞支水比我，我連忙接過大口大口飲左大半。
不過糟糕的是，我無留意支水係他，而唔係我，不過唔怪得我，因為平常出街約會習慣左互飲對方的飲料，所以他比野飲我就好自然接過黎飲，然後呢個無心之舉……比人見到！
見到果堆人輕吹口哨，嚇到我幾乎噴水然後急急忙忙還番支水跑到報到。待我點完名，我本來想走過去我校同學果邊，我諗住女孩子要互相照顧都方便，但阿條大搖大擺走過黎拉住我隻手然後讓我同他嘅朋友一齊企，顯得我特別外眼，大班男仔裏面得我一個女仔，我仲要睇落去唔係好男仔果類女仔，好彩我唔係好高大，仲有好多人唔為意我。
我輕輕鬆一口氣，悄悄問阿條：「做咩拉我入黎啊？反正等陣活動都一齊玩啦。」
佢理直氣壯道:「我擔心你受傷啊。」我白了一眼，自己都未驚佢先怕。
佢嘅朋友一見到我就打招呼，問題是佢地好鍾意甘稱呼我：「阿嫂你好！」「阿嫂又見啦！」
害到我又不自覺面紅，但是阿條次次見到呢個場面都唔會阻止佢地，弄得我只好硬著頭皮回應他們。
過左一陣（省略安全守則和開場白），我地分配幾組先後上繩網，因為繩網最高離地有十米，而安全繩唔夠甘多人一過玩，仲有d安全指導唔夠人睇住甘大班學生，我同阿條就係三批，剛剛係中間，至於未到我地嘅時候可以在旁邊離地都無半米的小型繩網打發時間同熱身。