[信不信由你] 青少年經歷: 17

屌你我以為佢帶我去邊 原來又係爺淋角   
我:「西餐 你都幾西」 
佢:「有刀有叉仲唔係西餐 反正你都無乜所謂架啦」 
我:「係咪博屌 你條撚樣愈黎愈狗」 
佢笑到勁甜唔出聲 

我地叫完野食果陣無啦啦有人拍我膊頭 
屌你原來係盒仔 
我:「你做乜撚係度」 
盒仔:「你梗係唔想我係度啦 同小莉撐檯腳」 




我:「戇鳩 我屋企無飯食佢陪我食咋嘛」 
盒仔:「咁你又慘d既 我都係同屋企人食咋嘛」 
我:「咁你過返去啦屌你 唔想聽你鳩up」 
盒仔:「我識做我識做 即刻死返過去」 

小莉佢老尷到耷低頭飲野唔出聲 又係面紅+沉默  

我:「你頭先做乜唔出聲既」 
佢:「咁你地傾計費事嘈住你地呀嘛」 
我:「有乜好嘈 你又唔係唔識佢」 




佢:「唔出聲都唔得 做人真係難」 
我:「做乜你今晚講野咁撚怪 好少聽你講野咁輕佻」 
佢:「幾時有呀 同你講野好難正經喎」 
我:「係咪杯杏霜有春藥」 
佢:「死啦你」 

跟住就食野啦 條友真係戇鳩 塊扒屌你我手掌都大過佢 
小莉條仆街竟然食唔晒 
我:「唔好係我面前扮細食喎屌你 快d食埋佢唔好晒野」 
佢:「真係食唔落啦 你唔覺好大塊好飽既咩」 




我:「食十塊都得 快d食埋佢」 
佢:「唔食啦....」 
我:「睇見你就炆」

跟住我食埋佢 真係唔好晒野 

佢:「你做乜食埋佢」 
我:「你上次話無性病咁我又唔想晒野咪食埋佢囉屌你」 
佢:「你好肚餓咩 一係我地陣間食糖水囉」 
我:「唔食啦 你條友又唔撚食得我食 唔怪得你咁撚瘦」 
佢:「我都唔想呀 不過成日都食少少就飽」 
我:「天生有得改既咩屌你 如果你要變首先變走雞仔聲好d」 
佢:「做乜咁唔鍾意我把聲 試過中三果陣有個女仔話我成日扮雞仔聲姣男仔 搞到我野都唔敢講多句」 
我:「咁撚仆街既佢 不過佢都錯唔晒 通常雞仔聲都係姣西 你都算係個奇蹟」 
佢:「明明我野都唔講多句 又唔會同男仔玩 咁都可以畀佢地話  」 




我:「你不滿既咪屌佢老母囉 何必係度講到想喊咁」 
佢:「我唔開心左好耐架你知嘛 乜都無做過都畀人罵 男仔朋友都係識左你之後先多d咋嘛....」 
我:「可能好快有人話你姣 無做野都畀人屌 有做咪畀人屌死」 
佢:「我畀人咁話你好開心咩...」 
我:「又唔會喎 無乜特別感覺 因為唔關我事」 
佢:「如果我把聲沉d就好啦 唔駛畀你地咁講」 
我:「我無話過你姣喎 乜撚你地 不過我知你唔係 如果係既應該鎚仔仲有abc果堆做你馬仔好耐」 
佢:「點解咁講 做咩關abc佢地事既」 
我:「成班人好似未撚見過女人咁 見到你雙眼噴精你睇唔到咩」 
佢:「有咩 我又唔覺喎」 
我:「你蠢呀嘛 咁都睇唔出你條柒頭真係蠢過菠菜蓮」 
佢:「咁你又唔係好過菠菜蓮好多咋喎」 
我:「戇鳩 埋單啦」 

跟住埋完單就去盒仔果邊say個bye就走啦 




不過佢老母 (盒媽) 話:「阿腳你女朋友好靚喎 做乜唔叫佢過黎打個招呼呀」 
我:「盒媽你完全誤會晒 我同佢係普通過杯水既朋友」 
盒仔:「我見到小莉餵你食野喎」 
我:「唔係喎 果個李嘉欣黎架喎 小莉一早走左 就係怕阻住我同李嘉欣」 
盒仔:「得啦唔好再畀我視線範圍見到你 快d躝」 
我:「得啦唔阻你天倫樂 bye」 
佢:「邊個阻邊個都未知啦」 
我:「得啦收嗲 係咁啦」 

跟住我就同小莉走左啦 
返屋企都有小插曲

果晚又同小莉返屋企 其實都唔知點解成日送佢兩個返去自己先返去 
可能我果邊比較雜掛 一大班mk仔 
行行下小莉無啦啦問:「阿腳你大個左之後有無諗過做咩呀」 




我:「我... 話有就肯定呃鳩你啦 話無又唔係無既」 
佢:「咁即係做咩呀」 
我:「做乜都得 都係想賺多d錢屋企人可以住得舒服d 同埋可以睇海景」 
佢:「哈 估唔到你都有咁認真既時候」 
我:「幾時都咁認真啦屌你 咁你呢 大個係咪諗住嫁個就死既有錢老坑等收遺產」 
佢:「痴線 我呀...」 
我:「我乜撚」 
佢:「講...講出黎 你唔...唔好笑...笑我喎」 
我:「得啦屌你 講乜講唔講入冷巷」 
佢成塊面紅晒 

佢:「我想同鍾意既人結婚生仔呀」 
我:「 好撚無聊 有邊個會唔結婚唔生仔懵撚」 
佢:「又講粗口 其...其實...」 
我:「其實」 




佢:「其...其實我想要既好簡單架咋 有一個對我好既人就夠 窮同有錢都唔緊要」 
我:「話你未見過世面真係無講錯 有錢就穿洲過省 無錢就寸步難行呀小莉姐」 
佢:「同個鍾意既人簡單咁過生活就夠啦 我可以煮飯等佢返黎食 熱氣就煲湯畀佢飲」 
我:「你煮野食 算鳩數啦 你煮野食真係麻撚麻」 
佢:「可以學架嘛 唔會畀你睇死架」 
我:「好好好 期待你未來老公可以身體健康唔駛人幫」 
佢:「傻人 到啦 多謝你成日送我返黎 返去小心啦 byebye」 
我:「係咁先」 

跟住我就返屋企啦 
行返去果陣諗 女仔咁易就滿足 不過小莉又係既 
成日戇鳩鳩咁過日晨 做野懵盛盛 
不過佢今晚做乜咁怪既 算啦 返去打機 
以上就係我果陣聽完小莉講既野既諗法 

佢真係一個好易滿足既女仔 

仲有一個禮拜先串字比賽 (小莉寫左一齊加油呀阿腳係果日既手冊度) 
所以都係可以悠閒咁過既 
肥影罵左我好耐做乜畀支筆小莉 
我:「你真係好撚孤寒 小莉平時文具任用你都係咁 真係...」 
肥影:「咩呀 我係唔撚抵得你自己送畀小莉咋嘛 支筆我都有份贏返黎架」 
小莉:「多謝阿影 支筆好靚呀 多謝」 
肥影:「唔駛 其實都係個柒頭玩推銀多」 
我:「知既就咪撚亂吠啦」


跟住我以為會算數 點知果晚肥影打黎 

佢:「你當我死架仆街 將我講既野當耳邊風」 
我:「又點呀屌你 晚晚打黎就係講廢話」 
佢:「廢得過你 禮拜六去睇戲啦」 
我:「睇戲好高消費喎屌你 可唔可以唔睇+唔同你個仆街睇」 
佢:「你試下 總之你唔准約人啦」 
我:「屌你真係野蠻到嘔 其實你約鎚仔佢一定去 做乜約我 坐你隔籬仲唔夠辛苦咩」 
佢:「你理得我 我係鍾意約你呀仆街 係咁啦」 

不如我地就跳去講禮拜六啦 

我:「睇乜戲呀肥影 講明先唔睇文藝片愛情片」 
佢:「屌你真係麻煩 就黎情人節唔通有鬼片咩」 
我:「不過話時話 你做乜著到鬼火咁靚就真 搞到我又好似著左睡衣」 

佢果日著左件黑色有少少公主袖既闊領衫+裙+黑絲+頸巾 
點解我身邊既人都咁鍾意盛裝出席無聊場合 

佢:「咦 柒腳你讚我呀 多謝」 
我:「我由頭到尾都無話過你樣衰 不過係你格衰」 
佢:「屌 狗口長不出象牙」 
我:「有象牙晨早發撚左達啦 駛撚同你係度鳩up咩」 
佢:「揀戲啦仆街 多要求又唔撚行動」 
我:「是但你啦 揀愛情片咪當入去坐下囉」 
佢:「成日做人咁撚無原則 咁我揀愛情片啦」 
我:「你買住先 後數」 
佢「狗西」 

我有畀返佢既 不過費事拎出黎 食野果陣畀咪仲好 

入到去都係睇下戲咁 
不過期間肥西影好似脂肪保唔到暖 聽到佢sit sit聲 
我細細聲:「你凍呀肥西」 
佢:「呢到無肥西 睇戲咪撚講野 快d睇」 
我:「凍就凍啦屌你 抵撚死 愛靚唔愛命 抵你成日病」 
佢:「你就成日病 不過呢度真係好似殮房咁凍 」 
我:「你入過 果度係你睡房」 
佢:「死臭口 睇戲啦」 
我:「套戲好悶呀....」 

講完就畀人薯我 

再睇多陣聽到肥影係咁打乞痴 
我係果陣真係忍唔住咁借件jacket畀佢著 因為佢好撚嘈同埋唔好傳染我 
係我除衫果陣佢就問:「你做咩呀」 
我:「你係咁打乞痴好撚煩呀 著住啦仆街 咪撚病左周圍惹人」 
佢:  ---> 
佢:「唔..唔該 但係你唔凍咩」 
我:「得啦麻煩友 套戲我諗就完啦」 
佢:「無你修 黎啦 明明係弱雞又扮大隻」 
跟住佢就披住件jacket圈住我隻手

我:「你做乜撚野痴咁埋 想抽我水」 
佢:「係呀 鬼叫你咁好人明明自己怕凍又畀件衫我著咩」 
我:「不過真係幾撚凍 睇完拿拿聲食個麵先」 
佢:「柒腳 其實你...都好...柔....」 
我:「你講乜撚... 我塊面好油咩 無理由喎 而家仲係冬天」 
佢:「無野啦 睇戲啦」 
跟住肥影直頭個頭都挨埋落黎 

睇完戲之後痾完尿真係跑出去 有陣時戲院真係好撚凍 
肥影就繼續披住我件jacket 我就著住厚厚地既恤衫 (唔係肥影果件) 

果陣我真係聽唔到佢講乜撚好柔 佢之後先同我講返... 
「柒腳 其實你有陣時都好溫柔」 
不過都係之後既事 我果陣仲諗我塊面真係好油咩 

同肥影睇完戲就梗係食返d野暖下身啦 
佢:「你想食乜」 
我:「食車仔麵啦肥影 大件夾抵食 加多罐冰極」 
佢:「死戇鳩 係食就拿拿臨啦 我都有d肚餓...」 
我:「行啦仆街 食埋野就返去 今日有d累」 
佢:「你條廢人做乜有建樹既野咁巴閉呀 咪畀我批死你 尋晚唔係打機我倒立行都得」 
我:「屌你咁你倒立行都得啦仆街 我尋晚鼻塞呀屌你 訓得唔係幾好」 
佢:「 咁你跟我黎買少少野先食野」 
我:「買乜鳩咁巴閉仲緊要過醫肚呀屌你」 
佢:「行就行啦嘈乜鳩 係咪要我打先識郁呀」 
我:「屌你咪郁手郁腳 我自己有腳行」 
佢:「咁就乖啦」 

我果陣諗佢係咪有精神分裂 有乜理由會咁大分別 
一時就屌老母 一時就如珠如寶 

去到曼鈴 肥影一野衝左去賣潤唇膏果邊 
我:「肥影你個咀好乾咩 乾到野都唔食要買潤唇膏」 
佢:「收嗲啦仆街 你把聲好煩呀」 
跟住我把撚火走左出去等佢   

等左幾分鐘佢出到黎 見佢神神秘秘咁唔知做乜鳩 

我:「買完就行啦肥西 我真係好撚肚餓」 
佢:「你唔好郁企係度」 
我見佢咁認真就唔敢郁 

點知佢拎左盒萬獸累噸出黎 仲要幫我搽    
我自然反應即縮後左幾步 

我:「你做咩呀」 
佢:「有人話鼻塞呀嘛 見佢頭先咁好人咪幫個柒頭搽下囉」 
我:「嚇撚死人咩 下次你講自己郁手就得 咪撚扮好人」 
佢:「今日唔同你呢個賤骨頭計 搽左係咪舒服好多呢 袋住啦柒頭」 
我:「做乜你今日咁撚怪既 食錯野定發乜鳩癲」 
佢:「無野呀無野呀 行啦」 

跟住我就同佢食野啦
我地去到車仔麵檔果陣 肥影無啦啦問:「我地真係食呢d」 
我:「咩呢d 唔係一早講左食車仔麵既咩 你唔想食」 
佢:「不如我地今晚食好d好無呀」 
我:「唔好 食咁好做乜 又唔撚係你請」 
佢:「仆你個街咁我請得未呀」 
我:「唔得 無啦啦做乜請我食飯 頭先盒野都未畀返錢你」 
佢:「成撚日都係咁 唔怪得你得數學好啦 成日計計計 咁你陪我食餐好少少既飯都得掛」 
我:「請埋你飲野都得呀肥西 咁盒野就無拖無欠」 
佢:「是但你 咁我地去食西餐啦」 
我:「唔撚係爺淋角呀 上次小莉個木咀話同我食西餐 點知有刀有叉就係西餐」 
佢:「做乜唔同我講呀 想死呀你仆街」 
我:「點解要同你講 你都無問 咁我地食乜鳩」 
佢:「唔食西餐呀仆街」 
我:「頭先你先話食而家又唔食 係咪咁撚麻煩呀你」 
佢:「總之唔食西餐啦」 
我:「唔食咪唔食囉 打靶咁既面口做乜鳩 食韓燒囉好未 好撚貴」 
佢:「咁熱氣你想我生粒粒呀仆街 諗過啦」 
我:「屌你老母你自己諗 唔諗就食車仔麵」 
佢:「屌 食日本野得未呀」 
我:「好撚貴喎老友 我又唔係好食生野...」 
佢:「陪我食一次啦好無 我知你好好人」 

屌佢除左呢個樣之外 另外呢個樣都係我永遠無得say no 

我:「好好好 一次咋屌你肥影 周身都係肉 食河豚中毒」 
佢:「乜我真係好肥咩 定係你既標準係小莉先叫瘦」 
我:「講下無啦啦又咁撚認真做乜 小莉係瘦過頭 你就岩岩好」 
佢:「咁就咪撚成日叫我肥影啦仆街」 
我:「順口咋嘛都係一句 咁撚介意做乜」 
佢:「因為我呢個冬天好似肥左 係咁食野」 
我:「屌你我係咁食野又唔見我肥 咪撚賴冬天啦」 
佢:「你有暗病點同呀 有暗病先唔識肥 仲要食好多都唔識呀腳哥 你有無年年驗身呀」 
我:「收嗲 你把聲好難聽 行啦」 

跟住我聽到佢話:「都唔知邊個上次先話我唱歌好聽」 
我無理佢繼續行 

去到禾聞 見到好多人排晒隊 果日仲要好撚多情侶 唔知關唔關就黎情人節事 
跟住去拎飛果陣有單野我到而家都覺得好戇鳩 

知客 (我係咁叫) :「先生幾多位」 
我:「兩位」 
知客:「先生你介唔介意大檯呀 因為卡位未有住 如果唔介意而家就入得」 
我:「唔介...」 

跟住肥影快過光速咁過黎話:「唔好意思咁我地等下先啦 唔該晒」 
跟住佢就甜笑左一下