[信不信由你] 青少年經歷: 13

我:「小莉姐你再唔開始溫書真係無得食涼粉啦 仲唔死去溫書」 
老母:「作死呀你 咪以為我唔知你講乜 xxx食涼粉呀嘛 做乜唔講埋上半句 小莉唔係盒仔呀 佢係女仔黎架 成日講衰野」 
我:「我當佢係男仔多過女仔」 
老母:「小莉講野細細聲 人又瘦又白又靚 邊度似男仔呀」 
小莉:「邊...邊度係喎 佢成日都係咁 你唔好話佢啦 我慣左」 
我:「聽到未 唔好幫住佢 我先係你個仔」 
老母:「小莉唔好理佢 你快d溫書 我同老豆會細細聲睇電視 你去阿腳房溫書啦」 
小莉塊面紅過關公屎忽loan 

我:「我諗住係廳溫喎 地方大方便我亂擺野」 




老母:「你間房都有位架 成日亂咁放d野 執好佢同小莉入去溫書」 
小莉:「我幫你囉」 
我:「唔好亂放我d野 是但拎張凳入黎就得啦」 
小莉:「好啦」 

跟住我同小莉就入房溫書啦 
大家係咪覺得我好戇鳩呢 
有個女仔入黎自己房都唔啪啪啪啪啪 
但係肥影都無 小莉又點會有呢 
不過中間發生左少少甜野 





呢一下係我第二次掂女仔 
因為第一次係肥西影... 

佢坐左係書檯既右手邊 我坐係左手邊咁教佢 
但係有題數佢真係戇鳩到電腦大爆炸 
有條題目係大約問你直角既三分一左右 (我都唔係好記得 不過差唔多) 
正常人都會係90/3=30度啦 
佢個撚樣用量角器去度 我見佢好撚認真咁寫左個數字上去真係拍檯笑到仆晒街x無限 





我一路笑一路講:「小莉 你真係戇鳩鳩聽天收 咁撚樣既答案都寫得出 阿sir即刻係你面前自殺再叫你鞭鳩佢條屍啦 竟然教到個學生咁叻」 
佢:「乜..乜有錯咩 但係你駛唔駛笑成咁呀... 我都唔想架...」 
我:「屌你畀你整到我眼水都出 出去飲杯水先」 

點知一轉身個手"月爭"一野撞左落佢個波度 
唔好問我咩feel 唔撚記得 
只係好似撞左落一舊肉度咁 
小莉即係叫左聲出黎 

老母:「做咩事呀 阿腳頭先笑到咁 係咪佢又罵你呀」 
我:「關我咩事 我唔小心整到佢咋嘛」 
小莉:「無野呀 我畀佢嚇親咋嘛 佢一野整落黎好痛....」 (咪撚諗破處/啪啪/中出/抽插等等) 
老母:「你正衰仔黎 人地女仔黎架 唔好成日粗手粗腳得唔得呀 小莉整親邊度呀 痛唔痛呀」 
小莉:「唔..唔痛呀 不過畀佢嚇一嚇咋嘛... 阿腳你飲完水快d返黎溫書呀」 
我:「得啦煩 叫人教仲咁多要求」 





飲完水返房 小莉面紅到好似我房個郵筒仔咁 (儲錢果d) 
我問佢係咪好熱 要既開大d窗咁我:「又話溫書 做乜停撚晒手腳」 
佢:「你...你頭先整...整到我呀」 
我:「唔好意思 咁得未 本來想我道歉 不過真係唔小心 陣間你以為我好似肥西影果次咁特登就真係變左淫蟲啦屌」 
佢:「我知你唔係特登 但係...你...」 
我:「好撚煩 唔想聽 溫書 」 
佢:「又唔想聽 算啦 等我可以一口氣同你講先講啦」 
我:「你話架 咪撚又要分開幾次」 
佢:「得啦腳哥 快d教我啦」 

跟住就無乜野發生鳥 
不過之後真係一口氣同我講晒 好撚勁 
我老母覺得小莉係一個好好好好好既女仔 就算而家都係 成撚日提佢 
反而我估唔到小莉咁瘦都有波就真 真係畀佢外表呃左 




普通人覺得佢得a或者b 我估佢有大b或者細c都唔出奇 
最後佢溫到十一點幾我送埋佢走就無啦 

果晚唔小心掂到小莉之後我送佢返屋企大家都無提過呢件事 
就算佢提我都唔會老尷 因為我唔小心又唔撚係特登 
反而我驚撞到佢痛多d 坐果d識轉既凳個力好大 

開考前幾日都係不停咁陪小莉溫書 
間唔中肥影都有打黎既 不過都係嗲兩句就收線 
比較有印象既係肥影同我講:「加油啦阿腳 其實你唔蠢既 教識小莉數學都好 起碼佢唔駛咁撚淆」 
我:「又食撚錯野 平時都係講屌你仆街等等 今次叫我加油係咪叫我加油去仆街」 
佢:「屌你 係咁啦 我都溫書啦 bye」 
跟住就收左我線 

屌你果下淨係陪佢我自己都無乜溫過其他科 係佢休息果陣會教下我英文 




考試期間唔講咁多啦 費事悶 
到考完晒試最尾一日 

成班係咁諗去邊去邊玩 
我都諗定左 就係叫晒成班粉腸返屋企換衫食飯打機 
因為最尾一科係禮堂考 考完小莉同肥影就行埋黎拍我張檯 
肥影:「仆街去食野囉 考完試好舒服呀 無晒壓力」 
我:「唔得 我要去換衫食飯打機」 
小莉:「仲諗住考完請你食餐飯添」 

講講下鎚仔行埋黎問肥影:「阿影小莉你地去唔去唱k呀 我地成班去唱k呀 一齊啦」 
肥影個仆街真係好撚狗咁答:「你地去咁我唔去啦 」 
小莉:「咁...咁我都唔去啦... 唔好意思呀」 
我:「你唔叫我既屌你」 
鎚仔:「你肯定唔去啦 我買一百萬你去搵盒仔佢地打機」 




我:「唔好意思無得賠畀你」 
鎚仔:「咁你地下次再黎啦」 
肥影:「下次都唔撚去 唔好煩我」 
鎚仔個表情仲慘過打靶 似係無奈咁畀狼狗輪姦咁

盒仔行埋黎同我講:「喂 陣間點半我果邊等喎 咪撚遲」 
我:「遲到我爬過去機鋪都仲得呀」 
小莉:「咁阿影我地去食野囉....」 
肥影:「盒仔 佢今日唔得閒呀 禮拜六日再同你打過」 
我:「大撚把時間呀唔得閒 你收皮啦」 
盒仔:「唉 怕撚左你地 去就去唔去就算啦 慢慢呀腳哥」 
跟住就好撚快咁行過去班友仔度集合 

我:「屌 又點呀 小莉我陪你溫左咁多日書 肥影你可以放過我嘛 至多返學畀你屌到夠皮」 
肥影又整呢個樣:「咁我好耐無見你呀嘛...」 
屌你真係.... 

我:「唉 拿拿聲食完飯畀我打下機啦好無 唔撚想夜晚打完機返屋企咁撚慘呀 又凍又肚餓」 
小莉:「好啦 食完我同阿影行下街」 
肥影:「屌 一早估到佢會心軟 去食好d囉」 
我:「屌你咪食咁貴 我要留返d錢打機」 

跟住我地去左Euro Go Go食 
我去到見到野食其實都唔係好岩食 不過佢地要食無辦法 

我:「唉... 又貴又唔好食 食個意粉算啦 飲熱檸水啦」 
肥影又串柒柒咁話:「死大陸西 食意粉邊有人飲熱檸水架 完全唔岩味 戇鳩鳩正渣兜」 
我:「屌你咁都關事 唔好因為屌我而屌喎」 
小莉:「不過真係唔岩味喎 你飲熱朱古力好d 你成日飲酸野好傷胃架」 
我:「咁你幫我叫熱朱古力啦 我坐左係度唔撚飲架啦」 
小莉:「係啦大食懶」 
肥影:「係廁所倒杯尿畀佢就得 小莉你唔好咁就佢啦....」 
小莉:「順便咋嘛 無所謂啦」 
阿影:「真係....」 
跟住肥影個撚樣一野meet落黎 條撚樣真係有病 

食野果陣都係吹下水屌兩咀 

跟住就食野準備返去啦 
屌你點知肥影個撚樣又問我借電話 
小莉:「條..條電話繩幾...幾好睇呀」 
肥影:「一般啦 個柒頭揀埋d完全無花紋」 
我:「咪又係普通繩一條 揀條平既又係咁用 貴既咪又撚係咁用 咁買咁貴做乜」 

跟住肥影就打電話啦 
我 --->  
死肥影竟然又亂打畀人 

肥影:「盒仔呀 阿腳佢話唔舒服唔黎啦 你地玩得開心d啦 我幫佢講句唔好意思 byebye」 
我:「唔係呀 無呢回事 我而家走啦」 
個臭西就cut左線 

肥影:「陪我地行一陣囉 女仔買野有男仔畀下意見都好呀」 
我:「屌你ass啦 我而家返去啦 係咁」 
跟住小莉又用好耐無出既寒冰掌捉住我 

我  ---> 

我:「做乜撚呀 唔係唔知自己隻手凍冰冰捉人凍到痛掛 又點呀」 
小莉:「諗住大家考完試輕鬆下囉 」 
我:「同你地行就真係無得輕鬆啦 放我走啦小莉姐」 
肥影:「你睇下鎚仔佢地約我地我望都無望佢呀屌 而家約你又乜又柒咁想點呀 」 
我:「咁你約佢啦 你叫佢畀貨車撞兩下佢都制 我話既」 
肥影:「挑 有撚用咩 我地約你咋嘛 佢畀飛機撞廿下都唔關我事」 
屌你仲要笑到勁甜咁講 畀鎚仔見到真係... 我係男人都覺得sad 

跟住畀佢地兩個一句一句咁就屈服左啦.... 

諗返起覺得著校服行街去玩真係好正 
好似好近又好遠咁... 
諗返起好似前幾日咁 但係自己已經出左黎做野 
好似中秋要約人出黎食餐飯都難... 
永遠都要睇下有無時間先.... 
不過有呢d回憶都好既 起碼識得珍惜同班契弟相處既時間 

同佢地行既野同之前差唔多 費事講咁多差唔多既野大家悶啦 
又係行行行 跟住我同小莉送肥影返屋企再同埋小莉返屋企跟住就返屋企打aoc 

跟住又返學 

今次我要同大家講既係歌唱比賽 其實係咪咁撚多人咁鍾意唱歌定純粹要型下 
有好撚多傻西真係日日走去唱k練歌 唔駛錢咩屌你 
不喜勿屌 

我同小莉不嬲都唔係好鍾意參加呢d活動 
但係肥影就好撚鍾意 
話乜撚人一世物一世乜撚都試 
計我話 人一世物一世毒死為止就真 
入正題 

果期真係個個都參加super voice咁 
由平時見到既熱朱古力呀 熱維他奶等等 
全部變撚晒蜜糖水呀 枇杷露等等戇鳩野 
唯獨我仍然係熱維他奶 

小莉:「你地睇下 成班都好似好想參加咁喎」 
我:「戇鳩鳩 唱得好又唔係有得做歌星」 
肥影:「死戇鳩仔講乜撚野 我都參加呀」 

我同小莉  --->  

果陣唔知佢係咁熱衷呢d活動 以為佢都係我同小莉果類人 

我:「點解要上去獻醜」 
肥影:「獻乜醜 你覺得佢班柒頭贏到我咩」 
小莉:「你唱歌咁勁 我覺得你贏梗」 
我:「係囉 好撚勁喎影姐 可唔可以幫我簽個名」 
肥影:「得呀 拎塊面黎」 
我:「屌你」


跟住就睇佢填form啦 
無幾耐鎚仔同幾個男仔行埋黎我位 

鎚仔:「阿影你一唔一齊唱合唱歌呀 (佢想唱果首我唔撚記得左)」 
肥影:「唔啦 你一定會累鳩我輸 自己唱就ok」 
男仔a b c (係三個人) :「小莉你呢 唱唔唱歌呀」 
小莉:「我...我唔唱架... 唔好意思呀」 
我:「屌你班人做乜唔問下我既 同你地唱瘋猙乳瘋都得喎」 
佢地:「你識唱歌咩 你唱紅河谷都走音喎」 

屌你我真係唔識唱歌 

我:「玩下咋嘛 一齊啦」 
佢地:「唔得 小莉同阿影唔唱就算啦 不過記得支持喎」 
我:「屌你又唔叫我支持 」 
佢地:「唔駛」 

跟住佢地就散左開始上堂啦 

我:「肥影你唱乜歌」 
肥影:「關你鳩事咩問問問」 
我:「屌你咁撚串做乜」 
小莉:「咁你話畀我知啦」 
肥影:「你地到時咪知囉」 
我:「懶神秘 到時我地咪又係知 做乜而家唔講」 
肥影:「咁你地到時咪知囉」 

都唔知佢發乜撚姣 講果陣個死人樣到而家都記得 

差唔多挑選果期佢真係係咁飲蜜糖水 
其實真係有效既咩 
我問小莉:「你做乜唔去唱既 肥影話人一世物一世乜撚都試喎」 
小莉:「咁你呢 你咪又係坐係度」 
我:「戇鳩 我都唔識唱歌同埋唔鍾意呢d活動」 
小莉:「咁咪係囉 你覺得我好鍾意咩」 
我:「你把雞仔聲唱可能唔好聽 你都係唔好參加啦」 
小莉:「你估我想既咩.... 生到咁有乜辦法 我都想好似阿影咁把聲咁好聽」 
我:「咪又係差唔多 你估佢唱乜歌」 
小莉:「唔知呀... 到時我地去睇下囉 佢一定入啦」 
我:「但係我想返屋企打機喎」 
小莉一野拍落黎 跟住講:「你真係好衰 阿影唱歌都唔支持」 
我:「又發乜撚癲 睇咪睇囉」 

我搵埋盒仔佢地睇 
因為多d人睇好似有氣氛d 同埋挑選果下都係得少少人睇 
我同小莉盒仔佢地坐左係度睇 成班傻西好似super voice咁坐晒係度 
小莉:「加油呀阿影 加油」 

我同盒仔佢地  --->  

估唔到小莉都有咁撚熱情既一面 果下睇到佢同阿影真係好fd 
小莉本身朋友唔多 黎黎去去都係得果幾個 不過同我同肥影熟左之後就有我地同盒仔佢地一齊玩 
都幾好既 起碼開朗d 

唱左幾個戇鳩仔之後就到阿影啦 

班學生撚樣咁望到肥影眼甘甘 
好似未見過女人咁

我同盒仔講:「你睇下班撚樣望到肥影眼都唔眨 未撚見過女人咁」 
盒仔:「關你鳩事咩 頭先夠有人望小莉望到走音啦 我估佢一定入唔到」 
小莉面紅mode:「幾..幾時有呀 我都唔覺」 
跟住見佢即刻拎塊鏡出黎照下 

我:「佢可能望完你諗 屌你做乜有個人面青青得黎好得人驚既女人坐係度既 嚇撚死嚇撚死 其實佢係畀你嚇到走音」 
小莉:「你死啦 我係女仔唔係女人 不過班人肯定望阿影望到眼都唔眨啦 佢真係好靚」 
盒仔:「你唔好理佢啦 佢講野有邊句唔戇鳩 唔駛理佢」 
我:「收皮啦你」 

屌你點知大聲左畀人話:「同學靜少少 我地而家開始啦」 
真係柒頭核爆 

跟住就全部人靜撚晒咁 

我果陣心諗 做乜d音樂咁撚熟既 係邊度聽過呢 真係好撚熟 
應該係邊度聽過 奇怪.... 

等肥影開口唱果下我先知原來係上次係海旁聽果首 
我覺得佢真係好鍾意首歌 比賽又揀佢 鈴聲又用佢 聽又要聽佢 
不過佢唱得幾好聽既 有d人天生真係唱歌 有d人天生係要坐係度聽歌 

佢唱完之後真係成班陷家產拍爛手掌鬼咁響 真係好戇鳩 
盒仔係咁用既眼神望住我 我問佢:「做乜撚野聽完歌就望住我」 
小莉就便秘mode咁問:「你...你無感覺咩....」 
我:「有乜感覺 都幾好聽既 我覺得佢真係有機會拎獎 點解佢平時柒下柒下唱歌會咁好聽既」 
盒仔:「小莉你問佢晒氣啦 坐下睇下人唱歌好過啦」 
我:「屌你咩 我又得罪你」 
盒仔個樣係 x無限 

完左肥影行埋黎問我地:「點呀 ok唔ok先」 
我:「對手太弱 我出去你收得皮」 
肥影:「咁你唔出戇鳩仔」 
盒仔:「好好聽」 
小莉:「我...我都覺得好好聽呀」 
肥影:「多謝多謝 希望入到圍啦」 
我:「屌你入梗啦 你咁屈機」 
肥影:「第一次讚我喎 多謝」 

跟住我地就走左啦 

果次之後小莉好似成日都悶悶不樂咁 
即係成撚日呢d樣 
都唔知佢搞乜 

話時話 我老母而家都仲好鍾意小莉 
有陣時我同老母買下野撞到佢 我老母都對佢熱情到不得了 
以前就成日叫佢上黎食飯 而家係得閒出黎飲茶 
不過小莉都少左好多上黎 可能怕我而家個女友嬲掛 

再講下果陣我對中學同學既睇法先 
其實我知有好多男仔想追佢兩個 周不時送下野呀 DT堂完左之後又特登用木整D無聊野咁 
不過佢兩個真係成碌木咁完全無反應 見到都覺得佢地慘 
所以我果下成日畀人屌+打 (梗係玩果隻啦) 話我積落唔少福先畀佢兩個夾住 
屌你 我梗係壽與天齊啦