[信不信由你] 青少年經歷: 14

我間學校唔知點解冬天先多活動搞 
籃球/排球/足球/象棋比賽等等..... 
不過我只鍾意睇唔會參加 
上次既歌唱比賽係要等多排先出入選名單 
所以肥影都係未有消息 

平時既無聊野唔多講啦 我今次想講既唔係我 而係小莉同肥兔 
肥兔佢打波好撚勁 基本上佢係可以輕鬆過兩個人 (可能我同盒仔廢啦) 
所以佢一定會參加籃球比賽 可以test自己打波去到邊個level 
我同盒仔梗係睇表演啦 鴨蛋就會一齊落場 因為肥兔嫌我同盒仔廢 




肥兔+鴨蛋其實都算幾屈機 勁撚有默契 有好多高form都收皮 
果日放左學係初賽 見到佢地三個對隔籬班既鳩隊 
屌你仲矮過我點會贏到佢兩條粉腸先得架.... 

放學果下小莉肥影問我去唔去食野 我話睇肥兔打波 
屌你佢兩個又跟埋黎睇 話想睇下肥兔有幾勁 

我地坐低係長凳食下野飲下水就開始啦 

見到肥兔一開波果下真係 




仆你個街輕鬆過左人就走籃 有陣時都幾葡萄佢打波咁撚勁 
小莉同肥影  ---->  

肥影:「點解肥兔打波咁撚勁既」 
小莉:「係囉 完全估佢唔到 真人不露相」 
盒仔:「見到佢兩個都自卑」 
我:「係囉 我仲高過肥兔 但係佢個撚樣真係好似風咁快就過左我」 
肥影:「柒腳你實收皮啦 平時行兩步都話累 更何況打波」 
我:「屌你唔好講啦 我夠想可以唱歌好聽啦屌」 
小莉:「唔係既 阿腳你都有你既長處 我覺得你記性幾好 成日默書睇兩睇都有八十幾九十分」 




我:「有撚用咩 要好似而家呢d場合有得晒下命先有用架嘛」 
小莉:「我地知咪得囉」 
盒仔:「衰在條友連中一二人地既柒野都記得 仲要拎返出黎講果下真係」 
肥影:「阿腳既柒野就聽得多 盒仔就真係好少聽喎」 
我:「屌你 等我講個經典野畀你聽啦」 
盒仔:「屌你咪撚講」 

中二果陣我同盒仔都唔算好熟 
有次佢上常識堂訓著左 個miss係出名麻撚煩 
佢個仆街竟然訓到有聲 (我坐佢附近) 
個miss一野敲落佢張檯度 條友直情嚇到跌撚左落地 笑到我地成班仆街 
可能你地覺得好無聊 但係見到果刻真係 

我講下扮埋出黎 佢兩個見到都笑到傻左 
盒仔就露出一個柒樣





傾傾下話咁快就打完 肥兔佢地抄人地21:4 
肥影:「喂 你地好勁呀 又唔見阿腳佢識打波既」 
肥兔:「條友成日郁d就嗌累 打一兩場就休息 想勁都難啦」 
我:「屌你咪撚踩我好喎 不過你真係好勁」 
小莉:「你得閒打下波啦阿腳 身體都好d 好似肥兔咁大隻」 
我:「呢世都唔會啦屌 你隻手瓜係我既3.14倍呀大佬」 
小莉:「肯又點會唔得呢 至多我陪你一齊做運動啦」 
盒仔:「算啦 佢條柒頭係屋企訓下覺打下機唔好 點會同你做運動」 
我:「咁又係呀 上完pe堂都累到仆街啦 而家又凍 點做呀大佬」 
小莉:「黎啦黎啦」 
我:「唉 怕撚左你 一係你睇下我地打波囉 見到我有做運動你就好收皮」 
肥影:「屌你好喎 睇你點出醜」 
盒仔:「佢拉埋肥兔一隊咪唔出醜囉 係咪呀腳哥」 
我:「屌你咁都知 係咪咁撚勁」 




肥兔:「一定唔會同你一隊 等畀我抄啦你」 
我:「屌 我等畀你抄啦」 

跟住聽日我地放左學就去左打波啦 

我叫埋肥影同小莉去睇肥兔打波 
其實我覺得有女仔睇打波都幾mk 班女又唔知坐係度做乜鳩 自己又累到死又多汗 
果日打波既人有我地六條仔+兩條女 
另外兩個係故事無出現過 所以當路人甲乙得啦 

我記得果陣小莉特登買左支水同個蛋糕畀我 話打完波一定要食少少野頂下個胃 
最撚仆街係肥影個撚樣帶左兩塊膠布畀我  
話我一定畀肥兔撞散 帶定有著數 

咁一路行一路傾就到左球場啦 




我都幾鍾意冬天打波 個天陰陰地唔駛晒 又唔會太熱 

肥兔果陣做左件好有風度既野 竟然拎本書畀佢地墊住黎坐 
我:「屌你 你真係風度王 我諗都無諗過你會有呢一面」 
盒仔:「係囉 我地平時打波又唔撚見你拎本書出黎」 
鴨蛋:「可唔可以借多本書畀我」 
小莉:「你地真係 咁都可以講一餐」 
肥影:「咪係囉 特別係阿腳你個仆街 自己做唔到唔好諗個個都係咁啦」 
我:「屌你 睇我表演啦」 
小莉:「加油呀阿腳」 
我:「我表演畀肥兔抄 你仲叫我加油即係叫我唔好郁啦」 
小莉:「你成日都係咁 做乜唔可以畀人睇下你正經既一面」 
我:「我打機果陣好正經好認真 講打機我就有信心抄肥兔啦」 
肥影:「開波啦廢柴 等你仆街等到頸都長」 
我:「屌你收皮啦肥西影」






跟住我地就除晒tie開波啦 
屌你打果陣又不自覺去返果陣啦 
諗起佢地幾個木咀係度跑黎跑去個戇鳩樣 
打完波坐低飲下野吹下水 
做乜而家約出黎見個面都咁難 唉 
入正題 

我果陣係同鴨蛋+a 盒仔+肥兔+b 
咁樣實力平均d 

我記得係我開波先 因為畀肥兔開波=無得玩 
鴨蛋佢走籃唔夠肥兔勁 不過射波幾準 
而我都係射波多 因為爆唔到入去 
所以中學果期我射波都ok 

好多位都唔記得 唯一記得係我企係度戇鳩鳩跑緊果陣咁岩無人mark我 
a傳畀鴨蛋 但係佢幾個知鴨蛋射波準就幾個人封佢 
我係度睇戲果陣鴨蛋個仆街無啦啦pass畀我 
嚇到我係度鳩射 係三分線企入左少少果d位 
佢幾個諗住block我果陣已經慢左 仲要畀我入撚埋 
唔止佢地 我自己都 
因為諗都無諗過對住肥兔都可以入到波 
盒仔個仆街仲要拍晒手咁話:「好勁呀腳哥 做乜唔參加籃球比賽呀」 
鴨蛋又要抽水:「果然無睇錯你」 
肥兔:「死腳勁野喎 等我mark實d先」 

跟住條粉腸真係成場mark實我 我唯有慢慢行啦 根本都唔夠佢玩 
最後慘敗10-3 有一球係我既 

完左我都唔係好累 因為我都係行行企企睇下戲 
反而肥兔就流晒汗 因為佢好認真咁打 成日走籃 
於是我將小莉買畀我支水畀左佢 見到佢咁都覺得辛苦 凍冰冰仲流咁多汗 
咁認真把撚咩 又唔係nba選拔賽 

小莉:「支水我買畀你架 你畀左人...」 
我:「水咋嘛 我似咁孤寒既咩」 
肥影:「屌你有無搞撚錯 小莉買畀你架」 
我:「又關你事既肥影」 
肥兔:「仆街我仲飲左 對唔住呀小莉... 陣間買返支畀阿腳」 
我:「唔駛 我唔口渴」 
小莉:「算啦 慣左你個人係咁 頭先你好勁呀 咁遠都入」 
肥影:「佢屎忽撞著棍咋嘛 你試下叫佢而家射多次 我賭個頭佢一定唔入」 
我:「你好彩 我都知頭先係屎忽撞棍 不過你唔好理 我入左」 

跟住就打多陣佢兩個就走左 我地就再打多陣先走啦


果晚走左之後小莉打畀我 
佢:「你今日唔知好彩定實力啦 真係幾勁 咁遠都入」 
我:「你特登打黎就係講呢d廢話」 
佢:「唔係呀 想得閒約你做運動咋嘛」 
我:「咪搞 一來我唔鍾意郁 二來冬天又凍 夏天就熱 你做埋我果份」 
佢:「唔准咁懶 就係因為咁你身體先咁差咋 順便我又可以跑下步減肥」 
我:「你都戇鳩 咁你自己落去跑咪得囉」 
佢:「咁我想有人陪嘛 你唔得就算啦 當我無講過....」 
我:「唉 你真係好撚麻煩 遲d啦 今日打完波好累 你想跑果下搵我啦 」 
佢:「好 咁你早d訓啦 byebye 」 
我:「係咁」 

過多幾日係籃球比賽決賽 又見到肥兔同鴨蛋個名好撚型棍咁係個board出現 
我地梗係一堆人去睇啦 

細節唔多講啦 都係一路傾計一路睇 
講重點 

肥兔佢地贏到冠軍啦 不過對手都唔廢 我覺得幾勁 
無記錯好似係18-15 輸少少架咋 
我地拍晒手掌果陣 肥兔佢地一人有一塊牌 (果下好撚葡萄) 
仲以為佢地會好撚戇鳩咁搵人影相 點知 
點知佢行左去小莉果邊 跟住將塊牌掛左係小莉度 
個個人果下都呆晒 當然我都係 仲以為佢會拎返屋企珍藏 

小莉 --->  

小莉:「你...你做咩野呀」 
肥兔:「無呀 上次飲左你送畀阿腳支水 今次咪送返樣野畀你補數囉」 
小莉:「下... 唔駛啦 畀返你啦 塊牌你架嘛」 
肥兔:「畀得你就唔要啦 反正下次再拎過都得」 

我果陣好撚戇鳩咁問:「你仲有機會升上去咩」 
成個場靜晒 肥影係咁打我同meet我 
屌你我都係講事實咋嘛 咁撚認真做乜   

小莉:「係囉 可能你真係無乜機會拎多次 就算係都係得中五 你都要溫書啦 你收返啦」 
肥兔:「唉... 我知你點解唔收 不過當我畀返你囉 上次飲左佢支水我唔好意思左好耐...」 

呢個時候我又要澄清下 
我:「講真我真係唔係咁小器 一支水我買得起 做乜要咁推黎推去 小莉你都好煩 收左佢啦 人地唔當你朋友都唔會介意咁耐啦」 
小莉:「但...但係」 
我:「但乜春呀 你估塊牌真係金做既咩 推黎推去有乜好睇」 
小莉:「咁我收囉 多謝肥兔」 

果陣佢個樣好似好炆咁 我又唔知咩事 最後當然有人影返兩幅相咁啦 
小莉影完相之後就急急腳咁走 

我問佢:「做乜走咁快 我地可能一齊食飯喎 你唔黎」 
小莉:「唔黎呀唔黎呀 我返屋企食」 
我:「哦 咁好啦 byebye」 
小莉:「你.... byebye 」 
跟住就快過小明咁走左


肥影又係咁打我咁講:「你條仆街我真係想斬死你呀 你做乜唔留下小莉呀」 
我:「又點呀屌你 打人好似唔駛畀錢咁 佢都話返屋企食咁仲留乜鳩 你唔撚係阻住人地天倫樂呀」 
肥影:「屌 你食屎啦 不如你都返屋企食屎啦好無 唔該」 
我:「屌你」 

跟住我地就一班人去食野啦 
到而家小莉都有keep塊牌 其實我覺得真係幾靚 

果晚食完飯之後佢地好累就走左 得返我同西影 
隻狗又叫我陪佢散步 真係好戇鳩 

我:「其實你係咪真係咁撚寂寞咁唔想返屋企 唔通你係破碎家庭」 
佢:「屌你啦 我屋企好好 有老豆老母 又唔駛找數」 
我:「死白痴 成日跟風」 
佢:「你知唔知肥兔鍾意小莉架」 
我:「知呀 之前盒仔講過啦 不過睇今日咁你覺得係咪」 
佢:「你真係好戇鳩 佢做到咁出你話係咪」 
我:「點知佢 佢咁多塊牌送返畀佢都無所謂啦 屌你又唔見佢畀塊我」 
佢:「係你咁撚廢搵少少專長都無 話時話 你覺得我上次唱成點」 
我:「屌 原來想我讚多你一次 好好聽呀 滿意未」 
佢:「知唔知點解我唱呢隻歌呀」 
我:「因為你鍾意囉 唔通叫你上去唱國歌咩柒頭」 
佢:「你就柒頭 算啦 你想唔想食糖水」 
我:「唔想 唔想夜晚晚先返去 而家成九點幾十點」 
佢:「咁你送我返去啦 好無呀阿腳」 
我即刻凍到入骨髓 佢又變聲 

我:「你都係叫返我仆街或者柒腳啦 唔慣你扮女人」 
佢:「我邊忽唔似女人 邊撚個之前回頭偷望我」 
我:「你得個殼似囉屌你」 
佢:「小莉似唔似女人呀咁」 
我:「似 因為佢好似果種一推就收皮果種女人」 
佢:「咁我呢」 
我:「屌你屹立不倒既男子漢」 
佢:「仆街 食屎啦你」 

跟住我又受皮肉苦 

送佢返去果陣佢成日行到好埋好埋 我以為佢怕有曱甴 
因為我果頭都有幾間食肆 全天侯都有曱甴出沒 
佢都有似女人既一面既 就係佢好怕曱甴 
我都係果晚先知佢怕 同埋我又玩到佢喊

最初佢行埋黎我以為佢做乜春 原來一地都係大中小強 
佢見到就話:「屌那星做乜今晚咁撚多既」 
我:「佢地一萬隻加埋都無你咁大份啦 都唔明點解你驚乜春」 
佢:「好核突呀佢 唔撚明點解佢地仲未絕種」 
我:「你條戇鳩梗係無聽書 曱甴對於我地人類其實好有幫助 會食屍體同埋有d動物專食昆蟲 令條食物鏈好d」 
佢:「你仆街啦 你係人定曱甴黎 係度幫佢地」 
我:「我係曱甴你又黐咁埋做乜 我大隻過佢一萬倍以上」 
佢:「好煩呀你 快d行啦」 

點知無啦啦有隻曱甴飛左上燈柱度 
肥影嚇到叫左出黎 其實點解女人咁驚曱甴 

佢:「屌 你見唔見到佢飛起左呀 好核突呀」 
我見到佢咁推左佢去燈柱果邊 

佢即刻用一萬分貝既高音叫左出黎      
我都畀佢嚇親 估唔到佢咁撚大反應 

佢即刻跑埋黎攬住 一路喊一路打我 
佢:「你..你個仆街 我好驚呀你知唔知 你仲要推我埋去 玩都唔好搵呢...呢d玩啦」 
我:「駛唔駛咁大反應呀 你放手先啦 畀人見到以為我強姦你」 
佢:「唔放呀唔放呀 陣間你又推我埋去 你唔准放呀」 
我:「你係咪女人黎 咁蝕底你都做 陣間畀同學見到你就死」 
佢:「唔理呀 你食屎啦咁對我 從來都無人咁對我架仆街」 
我:「唔好意思 估唔到你咁撚大反應」 
佢:「都話左驚架啦玩玩玩 食屎啦 快d同我返去呀」 
我:「得啦麻鳩煩」 

跟住佢就圈到我實一實咁返去 
果陣我都feel到佢個波頂到實一實 我諗佢真係好驚 蝕底都唔怕竟然怕曱甴 
有無反應 果下有少少 
因為佢真係夾到實一實 先feel到佢真係有料到 

送完肥影返去之後又畀老母問長問短 

老母:「做乜成日出街出咁夜」 
我:「因為有朋友贏比賽 所以出左去食飯」 
老母:「又唔係你贏有乜好食 快d沖涼」 
我:「得啦」 

沖完涼都累到仆街 直接跳上床訓覺 
屌你點知肥影又打黎