[信不信由你] 青少年經歷: 9

佢又面紅 跟住

佢:「你有時好撚乞人憎 有時又...」
我:「又乜撚呀 我知你每一秒都咁撚乞人憎」
佢:「屌你 快d出去 我要整野」
我:「麻撚煩 快撚d呀」

佢搞左一輪之後就出返黎廳
我:「整完又無靚左整黎把撚咩」





佢講返n年前既黑歷史

死肥影佢呢句真係一句得埋黎真係無晒聲出
佢:「唔知邊撚個一開頭望到眼光光心慌慌呢」
我:「你講乜撚呀 (果陣已經唔記得因為發生好多野已經無晒位記)」
佢:「我有幾次著住校服果陣諗住返學 點知唔係遲左出門就唔舒服點知有日見到有個仆街飛咁快咁跑 諗住問下佢點行返去 點知佢已經跑走左 但係個仆街回頭望左幾眼喎 唔知係邊個仆街呢」
我:「邊個陷家產望你肥影呀 等我為民除害收佢皮cum佢旗」
佢:「哦... 咁你收得皮cum得旗lu」
我--->





佢:「原來你個仆街唔記得果次係我地第一次見呀」
我:「乜撚呀 講野一舊舊 痾屎好撚臭」
佢:「屌 你記唔記得呀 我果次企係度呀 你跑緊返學呀柒頭」
我諗左好耐先記返起 跟住--->

我:「記得啦 我仲諗緊邊個仆街咁撚串就遲到都企係度 戇鳩鳩咁」
佢:「咁你又記唔記得你回頭望左我幾眼呀」
我:「記得 果陣仲諗緊我地學校會有靚女既咩」
佢:「哈 咁而家仲係咪肥影柒頭豬西呀」
我:「係呀無錯我一開頭覺得你真係幾靚 點知加埋你性格即刻低分到入地底」




佢:「死仆街」
跟住肥影就問:「咁...小莉呢」

我:「都ok既 樣無你咁好但都唔樣衰 性格都算好撚麻煩架啦」
佢:「屌你老母佢都性格差 咁邊個性格好」
我:「盒仔」
佢:「屌 死gay佬係咪走啦 再講就唔撚駛去啦」
我望下鐘 屌 真係遲到喎

跟住就拿拿聲同佢出左去啦

以前冬天一到六點就好黑同好撚凍
而家

準備出門口果刻





我:「屌 早知早d出門口啦 而家咁撚凍先黎出真係無晒心情」
佢:「屌 小莉唔係織左條頸巾畀你咩 咁撚凍咪拎出黎竇囉 又暖粒粒」
我:「係喎 但係個款好撚柒喎」
佢:「你咪又係咁撚柒 咁你都夠薑出街啦」
我:「豬西影你都有道理 等我搵出黎先」
佢:「快啦 小莉到左先你就仆街」
我:「得啦屌你」

跟住整好再出去

我:「少有喎 小莉個撚樣平時出門口前就會打黎 今次無既」
佢:「掛住人呀」
我:「掛住你老母就真 得閒叫佢出黎飲下茶」
佢:「死賤咀 打畀小莉啦仆街」




我:「你等等」

跟住就打畀小莉啦

我:「喂 你今日係咪出去呀」
佢:「係呀 我整緊野呀 你出門口啦」
我:「出左啦屌 凍到仆街你著多件衫先好出 如果唔係包你後悔呀柒頭」
佢:「得啦得啦係邊等」
我:「你樓下啦 反正都由你果邊走」
佢:「好啦 陣間見」

我打完畀小莉又到肥影嘈

佢:「屌你 去到樓下接人咁撚好呀 我就要買埋飯畀你食真係屌你」
我:「咁你都係順便咋嘛 我都講左唔該啦仲想點呀屌你」




佢:「小莉係女人 我就有條撚 明明我同佢咪又係差唔多 差別咁撚大」
我:「咁又唔係小莉皮膚好過你同瘦少少」
佢:「得啦得啦 你小莉最好啦 嘈撚完未」
我:「咩我小莉你小莉呀戇鳩你對眼好過小莉 識講野咁」

佢果下即時笑返 我覺得佢真係好撚戇鳩 幾秒之間心情可以變化咁大

佢:「你咁...即係讚我呀」
我:「講事實 你對眼講野 不過係屌你老母特別係望住我果陣 你對眼同把口都屌緊人」
佢:「屌你啦」
我:「行啦 好撚凍」

跟住就出去搵小莉啦

去到小莉樓下佢仲未落黎





我問肥西影:「其實你地女仔係咪咁撚鍾意要人等係樓下食西北風對你有乜好處」
佢:「你識乜野呀撚頭 係女人都想畀最好果一面人睇架啦 永遠係得你著到柒下柒下jei」
我:「屌你 你果件恤衫我真係留返飲先敢著呀 咁撚貴」
佢:「係喎屌你做乜咁少著 我見過你著一次咋喎」
我:「咁撚貴著出黎整污糟點算呀」
佢:「污糟咪洗下佢囉柒頭 係咪咁都要人教呀」
我:「戇鳩鳩 咁我不如少d著 可以襟著d」
佢:「屌 講多都無撚謂」

講講下小莉落到黎 等左勁撚耐

跟住肥影話:「死柒腳 你小莉今日好靚喎」
我:「佢真係戇鳩鳩 日日都著飲衫」
肥影:「點都好啦 佢今日真係好靚」
我:「咪又係咁 同平時有乜唔同」
肥影:「你真係唔死都無撚用 佢比平時執得正左呀 你等佢行埋黎問下佢」
我:「輸左請飲維他奶」

等到小莉行埋黎:「行啦行啦 快d去食野」
我:「小莉姐 你今日去食下飯咋喎 執咁正想點呀」
小莉:「咁見你班朋友咪諗住整齊d唔好失禮人呀嘛」
肥影:「你今日真係好靚呀個頭係咪自己捲架你著呢件褸顯得你好白好有氣質呀...」
小莉:「係呀 你今日咪仲靚」
我:「好撚煩 兩個都柒下柒下 快d行啦」
小莉:「你覺得唔好睇呀」
我:「好睇好睇 好撚好睇唔好傾計 快d行」
阿影:「阿腳話佢今日請維他奶」
我:「幾撚時有講過 你都傻傻地」
小莉:「點解咁講既」
阿影:「無呀 佢見你今日咁靚咪請你飲囉 你今日真係好正呀」
小莉塊面都紅埋:「你讚到我都唔好意思 大家都咁靚咁正 阿腳你請晒兩個」
我:「我今日心情好豪畀你拿拿聲買完好走」
小莉:「你兩個到左好耐呀又會咁岩一齊黎既」
我:「個肥西影無飯食 咁咪叫佢上...」

果刻肥影又唔畀我講果下真係好想屌爆佢 成日唔撚畀我講野

肥影:「咁咪叫佢陪我食飯囉 個柒頭又柒下柒下咁陪我食」
小莉:「哦... 你地兩個食」
我:「行啦屌」

跟住就同佢兩個豬西去搵盒仔佢地啦

我同佢地去到搵盒仔之後 盒仔--->--->

盒仔:「勁野喎腳哥 特登帶兩條女出黎 好撚串jei」
我:「屌你啦 咁你約我先佢地又問我有無街去 咁我順便問下佢地出唔出黎囉」
佢:「屌你你今鋪有撚煩」
我:「點解食個飯咋喎」
佢:「你鍾意啦屌」

佢地成班撚頭望到佢兩個眼都唔眨
未撚見過女人咩
費事大家記咁多名 所以係重點講果幾個人算

肥兔:「佢兩個今日好撚正喎 腳哥你有福啦」
我:「屌平時煩撚到嘔茄你唔知jei」
鴨蛋:「人地腳哥戇鳩架 你唔好撚理佢啦(佢到而家耐唔耐都會串下)」
我:「屌你咩仆街 做乜無啦啦罵我呀」
盒仔:「唉 算啦 同佢講多都晒鳩氣 食野最撚實際」

咁就去拎野食啦
其實唔明點解咁多人去k buffet 真係劣食
仲有一樣野係果下先知既係肥西影原來唱歌好好聽

佢同肥兔唱果d合唱歌真係幾正 肥兔唱歌又係唔錯
咁我呢當然係坐係度聽人唱啦

肥西影:「仆街腳做乜坐係度 唔唱歌」
我:「聽你地表演到啦 估唔到你咁撚勁唱得咁好聽」
肥西影:「哼 等你以為我柒下柒下 大把野你唔知呀」
小莉:「係囉 阿影你真係好犀利呀 唱歌又好聽人又靚」
肥西影:「你都唱啦 等我聽下先」
小莉:「唔啦 我成日走晒音又會甩歌詞 聽你地唱得啦」
我:「唱得好聽第時去賣唱囉」
肥西影:「仆街仔你講乜撚野成撚日把口咁衰」
盒仔:「你未慣既咩」
肥西影:「慣左啦 不過都係會炆架嘛」
我:「屌 你地唱得啦 我同小莉出去拎野食囉 反正都係做觀眾」
小莉:「好呀」
肥西影:「我又去」
我:「唔駛啦 你唱下歌咪仲好」
肥西影--->
跟住講:「唔去咪唔去囉 同你個仆街拎有寶呀屌你」
小莉:「一齊黎啦我好細力拎得好少野 一齊黎唔駛分幾次」
我:「哦 咁一齊黎啦西影 我都好細力」
肥西影:「屌你同我講聲唔該先」
小莉:「唔該靚影」
我:「唔該西影」
肥西影:「哼 唔撚駛旨意賣甩我」

小莉--->

我:「肥影做乜咁撚好人出黎拎野食 唔似你喎」
小莉:「人地拎你又要話人 唔拎你肯定又話人啦 乜都你講晒」
阿影:「拿 小莉呢d就似人話啦仆街仲有小莉做乜唔唱歌呀 畀左錢唔唱好蝕喎」
小莉:「我真係唱得唔好聽呀... 點同你比」
我:「係囉 點解你平時個人咁撚殘暴唱歌又咁溫柔」
阿影:「係對住你殘暴jei仆街 又唔撚見我對住你班朋友殘暴」
我:「屌 戇鳩鳩」

跟住就去拎野食啦

阿影:「屌 全部都好似好撚難食咁」
我:「屌 你食少d當減肥囉」
小莉:「唔係掛...阿影都要減 其他人咪慘」
我:「你真係學到d野喎 不過水平唔高」
小莉:「哈 學都唔學你啦」

跟住就係咁拎野食 身體真誠實 話好撚難食都係咁拎
阿影呢個時候做左個畀我屌到仆街既動作 佢都而家耐唔耐都會屌鳩我
仆街啦西影

阿影佢將d辣野倒撚左落我辛辛苦苦夾返黎既野度

我:「屌你呀肥西影 做乜撚野倒落黎呀」
肥影:「乜撚野呀柒頭 倒埋落黎一齊食呀嘛」
我:「屌你啦 我唔撚食辣架仆街 小莉更加唔食得辣架屌」
肥影:「咁咪叫野飲囉仆街 咁惡做乜」
我:「屌 你真係麻撚煩 問都唔問就倒落黎屌你柒頭豬西影」
肥影:「屌 鳩知你同小莉唔食得辣咩仆街」
我:「你知小莉個柒頭柒下柒下 一野食左落去實辣撚死佢啦搞到又要分過」

我記得肥影果下唔係炆 (應該)
佢發左好大脾氣 一腳踢左落黎 痛撚到我跳舞

肥影:「死仆街 淨係識諗小莉食唔食得辣 咁我呢屌 你食屎啦」
肥影佢罵完我之後就一腳踢左落黎
跟住就跑左入房

小莉:「唔係呀阿腳佢唔係咁意思架 你誤會啦...」
我:「屌 唔好撚理佢啦仆街 成兜野都唔食得啦屌 晒野」
小莉:「我都嬲啦真係 你係咪咁蠢呀 拎返去畀盒仔佢地食咪得囉 阿影女仔黎架」
我--->--->

我:「係喎 睇唔出你平時柒下柒下個腦轉得咁快」
小莉:「你蠢咋嘛 成日都係咁 阿影女仔人家咁樣畀你罵法我都嬲呀」
我:「佢女仔黎架咩成隻牛咁撚大力畀佢踢一腳真係人都死」
小莉:「唉... 你快d返去同佢傾下計啦 記住要溫柔d呀」
我:「又唔係罵你 你整呢d樣出黎做乜鳩做乜你兩個今日咁撚奇怪」
小莉:「我覺得你奇怪就真啦 點解可以蠢到呢個地步」
我:「你都傻既 我蠢邊個教你野呀醒目仔戇鳩鳩」
小莉一野"meet"落黎同我講:「你對住我講好啦 今晚唔好再激嬲阿影啦」

我--->

我:「做乜撚野你咁維護佢 你同佢識好耐咩」
小莉:「你唔明架啦 對住你真係人都死 得盒仔忍到你」
我:「咁又唔係 你都同我相處到呀」
小莉面又紅:「係...係咩 你唔..唔係成日話我蠢既咩」
我:「蠢在同我做朋友囉柒頭 返去啦入面凍呀 仲有你今日真係執得好正」
小莉:「多謝 返去啦」

跟住我地就返去啦

我同小莉返到入房見到肥影嬲到爆咁坐係度
自己做錯仲要打靶咁既面口

小莉:「你快d啦」
我:「應該講乜好」
小莉:「講你最想講果d囉」

果陣小莉咁講 咁我就真係講左出黎
結果畀人屌到反皮畀人圍屌既感覺真係.....

我:「肥影 其實我真係唔撚食辣 仲有小莉都唔食 陣間你辣親佢咁點算」
肥影:「你仆街啦 小莉唔食罵我就要畀你罵 你老味都好撚過份jei」
我:「唔係罵.... 激動咋嘛 見你摧毀我辛辛苦苦夾好既野食難免有d激動」
盒仔:「阿影你唔好咁炆啦 呢個柒頭係咁 成日都柒下柒下 等我幫你屌佢」
我:「唉 真係無做錯都認錯啦 畀你煩撚死 對唔住呀靚影」
肥影:「屌你你食屎啦 都唔係真心」
小莉:「佢係架 你唔好嬲啦」
肥影:「你食左粒辣椒佢我就算數啦柒頭」
我:「屌你咩 痴撚線」
鴨蛋:「食左佢飲杯野咪無事囉仆街唔係男人」
我:「我不嬲都係女人 唔撚食」
肥影:「咁你食屎啦仆街」
我:「唉 真係怕撚左你」

我就做左人生中其中一件傻事
傻過黑鮑

我一野食左落去之後
青蛙屌鯉魚 慘過屌老鼠
辣撚到係個喉嚨度跳舞
亦都係我咁大個人唯一一次食咁大粒辣椒

我:「屌你野飲呢 辣到仆街呀」
肥影:「飲晒啦仆街 我條氣順返啦」
我:「屌你咩我落去買野飲 (果陣好似真係畀佢班仆街飲晒)」
小莉:「我陪你買野飲啦」
我:「識趣 拿拿聲 我就黎啞啦」
小莉:「得啦 出面凍帶埋頸巾呀 拿」
我:「你個柒頭開始愈黎愈醒」
小莉:「咁多口水做乜 行啦」
肥影:「我又去我又去」
我:「唔好玩啦影姐陣間你條粉皮又要我飲熱野就呢一世都去唔到d辣味啦....」
肥影:「我似咁撚變態既咩」
我:「你唔撚係似 你根本就係係度唱下歌算啦」
小莉:「行啦 又話好辣」
我:「得啦行咪行囉屌 唔好催」

我同小莉落到去之後又撚係一陣寒風吹過

我:「雖然呢條巾個樣真係麻撚麻 不過幾暖」
小莉:「想死呀你但係你暖就ok啦」
我:「得啦 你飲乜呀」
小莉:「熱維他奶」
我:「幾時連你都鍾意飲」
小莉:「跟得你多囉」
我:「我飲夏枯草」
小莉:「你飲咁大支凍野唔凍咩 出去就冷死你呀」
我:「你表情真係好撚豐富」
小莉:「你d粗口仲豐富呀陣間你飲一半畀我飲啦 費事你咁凍同埋我怕熱氣」
我:「好呀」

咁諗住走果下

小莉:「你買隻出奇蛋或者扭蛋畀阿影啦 咁樣好d」
我:「點解」
小莉:「你激嬲左佢呀嘛 成日都咁粗心大意」
我:「你識左佢幾耐呀成撚日諗佢頭先咪道左歉囉」
小莉:「你唔畀佢落黎佢仲嬲呀」
我:「你又知佢同盒仔佢地玩得幾好呀」
小莉:「如果係我自己一個對住你班朋友都唔開心啦...」
我:「你點同 柒下柒下撚敢同佢地講野咩 懶低你一個咪仲衰」
小莉即刻笑到見牙唔見眼咁:「其實你有陣時真係幾細心 但係90%時間都係傻下傻下」
我:「屌你啦 我係100%時間都係好細心」
小莉:「係細心你就唔會咁啦蠢人」
我:「唔會點」
小莉:「算啦 買出奇蛋啦」
我:「買三隻囉 你兩隻佢一隻」
小莉:「你唔食咩」
我:「唔食啦 好撚甜當新年禮物送畀你」
小莉又面紅:「真...真係架 多謝」
我:「唔駛」

畀完錢我就同佢行返去啦

返到去之後見到阿影又坐埋一邊唔出聲

我:「唉 怕撚左你啦肥影 送件新年禮物畀你 拿」
肥影:「乜撚野咁巴撚閉要勞煩腳哥你去買呀仆街」
我:「屌你要就要 唔要算鳩數」
肥影:「屌你 你送咩我都受得起呀」

佢見到係出奇蛋就--->

肥影:「有無搞撚錯呀送出奇蛋 戇鳩鳩」
我:「屌你真係麻煩 送畀你都衰」
小莉:「你睇下個蠢人都識買野畀你 你咪放過佢囉」
肥影:「佢蠢但係我唔蠢唔係小莉你叫佢買我諗佢至多買野飲咪急急腳咁走」
果下我真係呆左 有無睇到咁透呀屌真係無野昆到個豬西痴撚線

小莉:「係就係我叫 不過都要佢肯先得架嘛係咪」
肥影:「算啦 以呢個柒頭個頭腦點會諗到呢d野」
盒仔:「係囉 佢柒下柒下點會識做呢d野 你大方d啦阿影」
我:「屌你班死柒頭 話撚完我蠢未肥影你再嬲我都無撚辦法」
肥影:「無野啦 條氣順返」
我:「無野就得啦 你頭先嬲個樣真係好撚柒」
肥影:「柒得過你又要認低威」
又見到小莉呢個樣

跟住就繼續玩啦
去toilet果陣盒仔同我傾左好多野