[信不信由你] 青少年經歷: 4

我:「唔撚出呀 有你條撚頭一日都無我 返西伯利亞含撚啦屌你」 
佢:「你訓緊覺呀把聲死下死下 平時點會咁細聲」 
我:「訓緊覺都唔關你個臭西事 無野講就收線啦」 
佢:「你個人真係好撚仆街 未見過男仔係cheap到呢個地步 女仔約你都唔出 係屋企做乜撚咁巴閉」 
我:「打機囉 好撚過同你兩個出街戇鳩鳩咁亂行」 
佢:「死傻仔 成撚日打小心上腦呀屌你」 
我:「關你鳩事咩 煩撚完未呀 我好眼訓呀」 
佢:「屌 你真係好撚麻煩 食屎啦 聽朝十一點同我死出黎 唔出返學你就知死」 
我:「好撚煩呀屌你 仆街啦」 





跟手一野cut左佢線 

我同阿影幾時交換電話 
經過係咁 我又做左不孝子 

個臭西分兩日做呢單野 
第一日問我咩電話number 得閒可以屌下我同問功課 
第二日小息就問我借電話有急事打返屋企 

點知原來佢係幫我較走左個靜音 等上堂跟住打畀我 




搞到我上堂響電話 跟住畀人收撚左再叫老母拎返 
對唔住呀 媽.... 

我完全無諗過應約 咁早起身落田種菜咩 十一點 
所以alarm都無較就訓左 
點知去到朝早 (唔知果下幾點 我諗九點幾到啦) 
電話又響 好撚煩之下就聽左佢 
又係仆街阿影 
佢一輪咀係度講:「仆街仔起身未」 
我答:「呢度無仆街仔 byebye」 




跟住就收左線 

點知佢又係咁打黎 有無咁撚煩呀 
我話:「你有無煩d呀 人地都話唔撚出你係都要打黎」 
佢:「你好撚煩呀 都打黎叫你起身 算你個柒頭大牌啦 快撚d死出黎啦」 
我:「你都好撚煩呀係咁話我煩 想我出黎得 買支熱維他奶同餐蛋治過黎我樓下啦豬西」 
佢:「我屌你啦 叫你出街都要買埋畀你食 出就出唔出算鳩數」 
我:「咁算囉 byebye」 

其實我特登玩鳩佢 因為佢唔知我住邊 返西伯利亞啦柒頭豬西影 
過左陣佢再打第三次黎 真係好撚煩   
一億個煩佢有十億個 

阿影:「我屌你老母肯死落黎未呀 凍到仆街呀 買撚左啦」 
我 --->  --->  




佢真係買左 無撚野呀..... 
咁唯有洗個面換件衫落去啦 

落到去佢一腳踢落黎 
我大聲屌鳩佢:「好撚痛呀仆街」 
佢:「你係咪人黎架 我等左你半個鐘呀」 
我:「無人叫你等 柒頭皮」 
佢:「食食食 食撚死你呀仆街」 
我:「你放心 你臭西影買黎我一定細細品嚐」 

食食下佢無啦啦大叫 
畀佢嚇撚死 果陣真係差少少哽親

我問佢:「又乜撚呀 成撚日大叫又大笑 頭髮係咁飄」 
佢好炆咁話:「仆街 頭先踢你搞到我對絲襪爛左呀 新買架...」 




我:「哈 抵撚死」 
佢:「死仆街 我殺左你」 
跟住係咁打我 仲要整跌埋份早餐 
跟住佢就話:「咁就差唔多 條氣都順返少少」 
我:「屌你老母浪費食物」 

無幾耐小莉打畀阿影 跟住又係煩惱既一日 

佢屌我玩我純粹係心理變態  

小莉黎到我屋企樓下附近 見到我就話:「早晨」 
我見到佢又執到好正 真係頂唔順就問佢:「其實你次次出完街係咪去相睇 執咁正把撚咩 出個街咋嘛」 
小莉:「唔..唔係呀... 咁我屋企係得呢...呢d衫咋嘛」 
我:「原來你屋企淨係得飲衫」 
小莉面紅咁問:「你覺得咁著好睇呀」 




我:「咪又撚係人一個 有乜話好無睇」 

跟住到阿影出聲:「你個死柒頭真係麻撚煩 人地著乜都要管 關你鳩事咩」 
我:「咁又關你鳩事咩」 
阿影:「似你個柒頭永遠著到柒下柒下咁 你睇你套睡衣幾撚靚」 

其實...其實著tee+有帽外套(厚身)+布褲+vans 好似睡衣咩 
畀佢咁話完到而家都記得 不嬲男仔就係咁著架啦 唔係冬天 鞋都唔撚著呀屌 

大家一路行一路屌 都未決定好去邊叫我出黎把撚咩 
最後又係問我 

咁我就問佢兩個:「去mk好無呀」 
阿影:「哈 柒頭即係柒頭 黎黎去去都係識mk 死mk仔」 
我:「哈 我mk 咁你咪causeway bay囉豬西」 




小莉:「其實..去mk都無乜唔好丫」 
臭西影:「小莉你咁就條友無用架 就完佢佢又唔會痾d金畀你既」 
小莉:「咁...咁....」 
我:「屌你臭西影 唔去你返去先啦」 
阿影:「唔去點屌你條仆街呀 成個禮拜無屌過你條柒頭 今日屌返夠本」 
我:「學返你果句 屌你老味訓係地呀」 
小莉:「你兩個其實幾...幾好朋友丫」 
我:「好條撚咩 我同你都可能係 同佢」 
小莉又面紅咁講:「真...真係架 」 
我:「你塊面係咪爆擦呀 成撚日紅既」 
阿影:「你條撚就爆擦 蠢到隻豬咁」 

咁我地就搭車走啦 

小莉係好易面紅果種人 miss叫佢答問題都會 
所以佢可能好怕我 因為同怕答問題既心態一撚樣 
(以上諗法係果時既我心入面既諗法)
搭車去果下無乜野發生 (有都唔記得) 

到左旺角就有啦 阿影就發撚左茅咁捉住小莉入朗豪坊 
我問佢地:「係咪由下面兜到上上面」 
臭西影又恥笑我:「柒頭個腦真係蠢d 梗係由上到最上面再行返落黎啦 走果陣咪唔駛行多次囉」 
小莉:「係喎 我平時都係由下面睇野先」 
我:「估唔到你個腦除左西西撚撚之外竟然有其他成份係入面」 
阿影:「你真係好仆街 讚人咪讚人囉 又要串完先讚」 

自此之後我都係由上行到下 
行左咩鋪頭唔講啦 悶親你地 

行到護膚品果d 阿影好似high左野咁 拉到小莉隻手就甩咁 
小莉:「做..做咩呀 有咩好睇呀」 
阿影:「你平時用開邊隻牌子架」 
小莉:「我好少用呢d架喎」 
阿影:「唔會掛 你皮膚一粒毛孔都無喎 咁你平時用咩架」 
小莉:「用暖水洗下面咋喎 至多晒果陣咪會用d防晒囉 而家冬天乾咪會用少少cream咁囉」 
阿影:「 原來係天生麗質 咁你用邊隻cream呀 我用下睇下有無得好似你咁先」 
小莉:「我皮膚無你講到咁好架 有陣時都會生粒粒架」 

我終於忍唔住開口啦 
「你兩條粉皮幾時買完呀 講講講 講得黎都買完啦」 

阿影又一下打落我隻手度 
仲要係我耳邊度講:「我屌你老母呀」 
我 --->  
小莉:「買完快d走啦 阿腳佢又唔岩呢d 悶親佢」 
我:「呢d先係人話黎架嘛 靚女用乜都靚 柒頭畀你用sk2都柒架啦」 
豬西影:「屌你啦 我而家好樣衰咩」 
小莉:「我覺得你好靚呀」 
我:「個樣似人又點 個心係豬西 咪又撚係豬西」 
阿影:「仆街仔!!!!!!!」


買完之後 

我問阿影:「晒左幾多錢呀」 
阿影:「晒你老味 係買 買左$338」 
我:「我屌 $338買支一篤口水都多過佢既cream 戇撚鳩」 
阿影:「你識條撚咩 護膚品不嬲咁貴架啦 似你成撚日去打機咁晒錢咩」 
我:「戇鳩鳩 慢慢畀人呃錢啦你柒頭 又唔見小莉要用 生得好就幾時都好 唔好就呢一世到死都唔好架啦」 
小莉又面紅 再話:「多..多謝 不過我都唔好」 
我:「即係咁講 你點都好過臭西影咁解 咁我梗係知大把人好過你啦」 
小莉又 口窒窒咁講:「我..我知呀 梗係好多人都好過我啦」 
阿影:「仆街仔你真係好撚煩 可唔可以似返個正常人咁講野」 
我:「你死左我咪正常囉 大撚把恩怨同你計呀」 
小莉繼續 問我地:「我地跟住去邊呀」 
我:「潮流特區」 
小莉:「好呀 阿影你想唔想去呀」 
阿影:「去行下mk仔既地方囉」 
我 

行行下 係街度咪好撚多人渣住鎖匙扣呀 nds筆咁賣既 
我最初以為佢係畀我 點知要廿蚊 
又要屌佢老味訓係地 

我買完之後即刻 
阿影:「你平時做咁多陰騭野把口又衰 咪當積下福囉」 
我:「屌你我多福多壽 你死我更加長命」 
小莉:「無所謂啦 當幫下人囉」 
我:「咁邊撚個畀返廿蚊我呀莉姐」 
小莉行過去果陣成程都唔係好聲 雖然佢不嬲都好靜 

頭先見到佢咁既樣就內疚心起 
做返樣似人既野 

我:「呢舊野咁柒 送畀你啦小莉」 
佢即刻 --->  ---> 
小莉面紅紅咁問 (其實係咪真係咁易面紅) :「你真係送畀我」 
我:「舊野老鼠又唔似 熊貓又唔似 仲衰過四不像 幾襯你」 
小莉:「多...多謝」 
跟住就扣左係個袋度 

行到過去潮柒特區 
其實我無野岩 不過唔想同佢地買女人野 悶到hihi 
樣樣野都貴到仆街 點買得落手呀 
以前係興猿人 而家就興visvim 老老實實我覺得猿人型d

小莉行行下停低問:「阿腳你做乜唔入去睇呀 唔駛怕悶親我地喎 我地陪你睇」 
我答:「其實我唔想同你地睇女人野咋嘛 咁撚悶 呢度賣既野咁撚貴 入都唔敢入啦」 
小莉:「入去睇唔駛畀錢既 你唔睇又點知唔岩」 
我:「唔睇都知價錢唔岩啦醒目仔」 
阿影:「叫你入就入啦仆街 咁多嗲 小莉都話陪你睇囉 仲咁撚多口水做乜鳩」 
我:「屌你 入咪入囉 到時你唔好悶就打鳩我呀仆街 我實一巴打撚到你牙都甩呀臭西」 
阿影:「咁水貨都有女裝架嘛柒頭皮 柒頭唔用腦 一定會走寶呀仆街」 
我:「你條撚樣咪撚學鳩我啦 你講出黎無我個神韻」 
阿影:「你以為自己係乜水呀 柒頭 我駛撚學你咩 拿拿聲死入去啦」 
我:「得啦 麻煩友」 

小莉用佢好耐都無出過既寒冰掌拍我膊頭 
個溫度你地唔會明 一到冬天真係凍到你心寒 我無吹水 仲未見過一個人全年隻手都係冰既 
入正題 

小莉:「你..你地傾完計未呀 仲入唔入去呀」 
我:「你見唔到我屌緊佢咩 個臭西唔係人黎架」 
小莉:「你地企係度嘈唔好睇呀」 
我:「話時話 你隻手做乜又咁撚凍」 
小莉:「不嬲都咁凍架啦 你又唔係第一日先知」 
我:「都無理由凍到咁撚離譜掛 你係咪日日用冰水洗手」 
小莉:「點會呀 我用熱水架」 
我:「唔睇啦唔睇啦 拿拿臨去seven買支熱維他奶先啦」 
小莉:「好..好呀 你...你第一次咁對我咋... 哈」 

佢果時既樣我到而家都記得 
畢身難忘 

可惜豬西影無啦啦又發言:「唔睇啦」 
我:「你摸下小莉隻手啦 凍到血都唔流啦 你條粉皮仲賤過我」 
阿影摸一摸  --->  
阿影:「你係咪人黎架 凍到咁既」 
我:「兩個都唔係人」 
阿影:「仆街做乜無啦啦燒埋我果疊」 
我:「屌你咪屌你囉 駛擇日呀」 
阿影:「仆街 好賤呀你 你係我見過最撚仆街既人」 
我:「你都係」 
小莉:「唔好嘈啦 係咪去買野飲呀」 
我:「係呀 你唔想凍死咪拿拿聲行過去囉」 

呢個時候小莉甜笑左一下 

去到seven 

小莉:「阿腳你都係飲白色架啦 我都飲白色」 
我:「懶醒豬頭炳 今次我飲啡色」 
小莉:「又罵我 點知你想飲乜 次次你都飲呢個架啦」 
我:「飲得多會悶架嘛莉姐 用下腦好無」 
小莉:「原...原來你會悶....」 
我:「飲支奶都可以有表情 你真係我見過最多表情既人 肥影係我見過最撚仆街既人」 

阿影即刻一掌打落我個頭度 佢打人真係好撚大力