[信不信由你] 青少年經歷: 5

阿影:「邊撚個肥影呀 我好肥咩而家 係咪打機打到盲撚左呀柒頭腳」 
我:「順口咋嘛 咁撚認真做乜鳩」 
小莉:「我覺得阿影好fit呀 身形生得好靚 如果我好似你咁就好啦」 
阿影:「你傻既咩 你仲瘦過我 我有鬼祟肉你睇唔到咋」 
我:「無撚人想知你有無鬼祟肉呀 快d畀錢啦」 

阿影永遠都唔會對小莉講粗口 就算而家都係 佢只會屌鳩我 

畀錢果下 阿影一手搶左我銀包畀錢 





我:「屌你咩 做乜用我錢」 
阿影:「同兩個女仔出街畀少少錢係咪要死呀仆街 況且我地兩個都咁靚」 
小莉:「我都唔靚 你靚咋嘛」 
我:「唉 好撚煩呀 點解你兩個可以咁撚煩 兩位靚女 賞唔賞面請你地飲野呀仆街」 
小莉:「咁我唔飲啦 我唔係你後面講果兩個字」 
阿影一腳踏左落我隻腳度 成對鞋黑左 我到而家都有keep 

我:「唉 小莉你真係長氣過我老母十萬倍 請你飲得唔得呀小莉」 
佢即刻嚇一嚇 因為我好少用咁溫柔既聲同佢講野 





小莉:「好..好呀 多謝」 
阿影:「多謝柒頭」 
我:「唉 真係前世欠撚左你兩個」 

飲完野真係見到小莉塊面有返少少血色 
我諗佢皮膚咁好既原因係佢皮薄 有血無血可以用肉眼睇 

小莉:「跟住去邊呀」 
我:「想返去打機呀 都無野做又撚凍 無謂吹風」 
阿影:「行多陣先啦 小莉都未買野」 




我:「佢未買關我鳩事咩 我淨係知好凍咋屌你」 
阿影:「男人老狗咁撚怕凍 仆街唔死都無撚用呀」 
我:「你有無學得咁撚足呀 坐我隔籬一排就學撚晒」 

呢句佢每個冬天都罵 所以腦已入 

小莉:「一係返去先囉 阿腳佢最怕凍 費事冷病佢啦」 
阿影:「小莉你做乜成日乜都就晒佢 佢呢種人就得多只會變本加厲」 
小莉面紅紅咁講:「我...我先無呀 我會罵佢架」 
阿影:「你果種都叫罵 你細聲到嘈d都聽唔到呀 要好似我咁 阿腳我屌鳩你」 
小莉:「我唔講粗口架... 其實你個樣咁斯文真係無人信你講粗口」 
我:「佢唔講 我倒立行過去將軍澳都得呀」 
小莉笑到傻左 <---好似咁 

小莉:「我今晚返去食飯呀 你地走未呀」 




阿影:「我未想走住喎 咁點呀」 
跟住見佢即刻打返去話唔返去食飯 
我:「咁你自己食啦柒頭 我同小莉返去先」 
阿影:「你唔撚駛旨意走呀 腳都打撚斷你」 
小莉即時變左樣

小莉:「咁..咁我返去先啦 唔...唔阻你地啦」 
阿影:「點會阻 係我今晚唔想返去食咋嘛 不如一齊啦」 
小莉塊面又紅左咁講 (果陣都唔知佢紅乜鳩 到近期先知) :「唔...唔駛啦 我返去先啦」 
跟住快過小明咁去搭車 

我:「小..小」 
阿影:「小小小你老母咩 頭先又唔留人而家好似叫春咁做乜鳩」 
講講下我電話響 





我:「喂 盒仔呀 哦.. 返緊黎啦 等埋我先」 
跟住畀肥影一手搶左我電話講:「佢今晚唔得閒黎呀 你聽日約佢啦 byebye」 
我 --->  
我即時屌鳩佢咁講:「屌你咩 我今日約左佢地打機架 仆街臭西影」 
佢:「機幾時都有得打啦柒頭 今晚我無人陪食飯呀 你陪下我啦」 
我一見到真係... 就算佢地而家整呢個樣真係無晒符 

我:「唉 見你打靶咁既樣 行一陣就食飯返去啦 一到夜晚好撚凍架啦」 
佢:「戇鳩仔呃你咋 你講左無得唔算數 我地去tst」 
我即時變左 再屌鳩佢:「你真係好撚狗 你係咪屬狗架仆街」 
佢:「屬乜撚都唔關你事 你要陪我架」 

跟住就搭車去tst啦 

小莉果下真係走得好快 就算我果陣點蠢都唔知點解想追返佢 





阿影:「你想行邊呀柒頭」 
我:「想行返屋企 當我拜下你啦肥影」 
阿影:「你好撚煩呀 行下利時先啦」 
我:「咁咪又撚係得你行 唔得」 
阿影:「畀你睇下女都唔好 正一戇鳩仔」 
我 --->  

於是我同佢一齊去左利時 
係呢度要提一提小莉 佢過左九個字sms我 
「阿腳我返到屋企啦 你..你玩得開心d啦 今日多謝你既維他奶同...同你既體貼 小心唔好冷病呀」 
我果陣有save低 不過轉左幾部電話之後就無撚左 

我覆佢:「有乜話體唔體貼 費事你凍死咋 陣間你病左又惹埋我就麻撚煩」 





係呢個時侯阿影又偷睇:「駛唔撚駛咁纏綿呀 走左無耐又sms」 
我:「普通朋友咋 同你老母就纏綿」 
阿影:「死賤咀!!!」 
跟住就係咁打鳩我 

行左一大輪女人野 終於可以行下i.t睇下男裝 

行到男裝 柒頭影拎起件衫講:「撚頭你著呢件衫應該幾好睇喎」 
我睇一睇 個價錢真係貴到仆街 成$799 
我:「你係咪戇鳩架 睇親d野都咁撚貴 用下腦啦豬西 我地學生咋 買完邊有錢打機呀」 
阿影:「你試下先啦 講就多野講 做就唔撚爽」 
我:「試下咋 一定唔撚買架」 

試完出黎 肥影就話:「睇黎恤衫襯你個柒頭多d 買啦 買完唔駛變柒頭呀」 
我:「咁我寧願做柒頭啦 $799」 
肥影:「打少兩鋪機都係返度啦撚樣」 
佢個撚樣成世人都咁自把自為

佢幫我叫個sales拎左件新 
我即刻捉住佢出門口:「死肥影你咪傻撚左呀 咁撚貴一定唔買」 
佢:「明明好睇做乜唔撚買呀 你先傻撚左」 
我:「好睇就要買 你真係痴撚線 架車幾好睇呀 你買呀柒頭」 
佢:「岩岩先似返個人 而家又係撚屌一條 仆街仔永遠都係仆街仔」 
我:「仆你媽個街呀 走啦」 
佢:「你好撚煩呀 我畀錢啦 行啦」 
我:「你都白撚痴 你畀錢我就要呀」 
佢完全無理我一支箭畀左錢 件衫而家都仲係度 不過窄左 

我:「你有冇咁撚有錢呀 我睇中埋條褲呀 送埋畀我呀柒頭」 
佢:「當送畀你做聖誕禮物囉 反正你今日陪我」 
我:「小莉夠有陪你啦 你揀返份畀佢啦」 
佢即刻 --->  

跟住勁快咁走左 

我照舊慢慢行 因為都唔知佢做乜鳩 
佢係咁行行行 我繼續慢慢跟跟跟 
係我準備send sms畀盒仔果陣 佢無啦啦行返埋黎 

我:「嚇撚死人咩 嚇到心都停 企都企唔定呀」 
佢:「你做乜唔追上黎呀仆街」 
我:「點解要追 我以為你見到岩心水野先行咁撚快」 
佢一拳打落黎 痛到仆街 我諗識左佢之後真係大隻左 日日畀佢打 

我:「做乜撚野呀 好撚痛呀 你真係痴痴地」 
佢無啦啦  --->  
肥影話:「我肚餓啦 快撚d去食野」 
我:「食乜鳩先得架 天寒地凍 有乜撚好食」 
佢:「不如打邊爐囉 暖身又夠飽 唔怕無錢找 岩晒你條柒咕碌」 
我:「你真係幾撚鍾意學我講野架喎 但係無可否認你個豬西轉數幾快」 
佢:「得撚閒學你咩 行啦」 

跟住就去左打邊爐 

我一坐低就鳩剔野食 乜撚都叫 飽先會笑 
佢:「你食唔食得晒呀柒頭 餓左幾日先出黎呀」 
我:「你片d肉落黎我都食得落呀屌你」 
佢:「戇撚鳩 睇撚住腸胃炎呀」 
我:「屌你 食啦」 

期間小莉都有send sms 內容大概如下 
「而家出面得九度咋 你地仲未返屋企呀 你今日著咁少衫夠唔夠呀」 
我既reply 
「咁撚凍 好彩而家打緊邊爐 食完應該散啦 不過肥影可能揀露宿街頭 你都真係幾似我老母」 
小莉既reply 
「咁...咁你地食完先啦 我唔阻你地啦...」 

肥影問:「唔駛問一定係小莉啦」 
我:「係呀 你咁撚醒既」 
佢:「唔駛問都知啦.....」 

我同佢出左酒樓之後 d北風吹到"洪洪"聲 凍到pk 

我同肥影講:「飯就食完 再唔走就打你兩拳 山水無相逢」 
準備快過小明咁走既時候 臭西影一手拉住我外套個帽


我:「又點撚樣呀 飯又食完都唔走」 
佢:「你陪我行一陣啦」 
我:「行邊撚度喎 商場都收撚晒皮啦 凍冰冰有乜好行 你返屋企護下膚好過啦 因住北風一野界花你塊面」 
佢:「無撚所謂呀... 我淨係想行一陣」 
又黎啦又黎啦 果一刻搞到我都想 但係又有邊撚個聽我既訴求... 

我:「行一陣好返去啦 凍撚到仆街」 
佢:「就一陣啦 柒頭你都幾好人」 
我:「唔好人又點會畀你打打罵罵都唔撚一刀殺左你呀仆街」 
佢跟住就第一次面紅 

但係我果陣好戇鳩咁同佢講:「柒頭影 你塊面真係紅左喎 話左北風好乾架啦」 
諗返起都覺得戇鳩 同盒仔講佢直情屌左我五分鐘 

我問佢:「肥影你想行邊撚度呀 行過去對面地鐵站算啦」 
佢:「我想行海旁 得唔得呀」 
我當時真係估唔到 

我:「你無撚野呀 咁凍仲吹海風 你真係柒下柒下」 
佢:「你個仆街又話同我行一陣既 講過唔算數 cheap精」 
我:「cheap咪cheap囉 我唔撚想病」 
佢:「咁算啦... 我自己行...」 
佢永遠係咁 成日條氣一唔順就係咁 

我:「屌你真係好撚麻煩 買兩支熱維他奶先啦 暖下手起碼好d」 
佢:「都話左你個柒頭好人架啦 拿拿聲去買」 
我:「屌你老母呀 行完好快d走呀」 
佢笑笑口無出聲 我果下覺得畀人屌老母都無反應 佢肯定同屋企人關係麻麻地 

行到海旁 見到鬼影都無隻 咁撚凍有少少血性都會畀人返屋企啦 
但係都見到幫人影相果班人 
叫住佢做a先 

a:「先生 今晚個景好靚呀 同女朋友影張相啦」 
我:「你部相機影出黎梗係靚啦 收咁貴一張 仲有呢條友同我係普通過杯水既朋友」 
a:「唔好玩啦 咁多一男一女出街唔係拍拖係咩」 
我:「受苦囉 我唔信呢個地球會有咁凍既天氣都唔識死出黎拍拖既情侶 有都係北極熊」 
a同肥影講:「你男朋友都幾搞笑喎 你想唔想影呀 收你九折啦」 
阿影望住我:「男朋友你想唔想影呀」 
我 --->  

因為死肥影從來唔會咁溫柔講野 以我所知唔多過五次 

我:「肥影你扮乜撚斯文呀 聽見即刻凍多幾度」 
a:「先生你咁惡架 唔影咪唔影囉 唔好罵女仔」 
我:「唔係罵 係同佢既相處方式」 
阿影:「你幫我地影張啦唔該 拿」 
跟住佢即刻畀錢

我:「你傻撚左咩 係咪想晚晚用圓規支針拮鳩我呀 唔會中你計 唔撚影」 
阿影:「錢都畀左囉 咪影下囉柒頭」 
我:「你好撚煩 唔好畀我知你做古惑野 知道即時屌鳩你」 
a:「先生你準備好未呀 企定定唔好郁 一...二...」 
跟住阿影做左個令我難以置信既動作      

佢繞住我隻左手 
a:「三!」 
我:「你做乜撚野呀」 
阿影:「無呀 咁岩有風吹埋黎有少少凍咋嘛 拎完相返去囉柒頭」 
我:「一早叫你返去啦 黎呢度又要晒幾十蚊 戇鳩鳩」 
阿影:「我畀咋嘛 你嘈乜鳩」 
我:「我老西都唔畀呀 你唔好撚又拎我銀包畀錢」 
佢:「得啦煩西 拎完啦 走啦」 
我:「好野!!! 終於走得」 

跟住大家就各自返屋企啦 

可能你地會諗 無理由會唔知喎 佢做到咁出 
但係果下我都係無諗過 我想快d影完快d走 
因為大家都好凍 所以我完全無諗過男女之間既野   
我陪佢行左十分鐘度 我用左$320找數 
因為我又凍病左啦屌那媽   

吹完海風個頭痛到好似裂開咁 返到屋企仲要坐坐下嘔 
病左成個禮拜 醫生話腸胃炎+感冒 
不過機都係會照打 病左仲好 一有人打黎叫我老母聽話我訓覺 

平安夜前一兩日 無記錯都幾多人打過畀我 
我老母識盒仔鴨蛋肥兔果d 就好撚直接同佢講我打緊機 
但係佢話有三個女人打過畀我 
小莉 臭西影 咁仲有一個係邊個呢 
就係我班主任 因為佢同我老母講我兩個月無交d乜費物費 
經我老母盤問之下 我拎撚左去打機   

我媽:「你有無搞錯呀 拎d錢去打機」 
我:「對唔住對唔住」 
我媽:「算啦 咁另外兩個你點覆呀」 
我:「等佢再打黎你話我病左唔舒服啦」 
我媽:「你係咪呃人地d女仔黎呀 好似收數咁打黎」 
我:「幾時有呃女人呀 你都傻傻地」 
我媽:「你岩岩咪呃左我囉 之前又亂買衫 而家又畀我知你拎d錢去打機」 
我都仲係一個 樣:「對唔住對唔住」 
我媽:「唔理你呀 再打黎你自己搞掂佢」

再晏多少少 手機又響 
睇下 係小莉 
我一怒之下:「喂 邊撚個呀 成日打黎做乜」 
小莉:「你...你訓緊覺呀」 
我:「唔係 但係你做乜打我屋企」 
小莉:「咁打左畀你好多次都無人聽呀嘛 做乜唔聽電話呀」 
我:「病左咪唔想聽囉 個頭痛到仆街」 
小莉即刻好緊張 (佢心情一有起伏就口窒窒) :「你..你無野呀嘛 咩唔舒服呀」 
我:「度度都唔舒服呀 有無其他野呀 無就收線啦 想訓一陣」 
小莉:「你...你睇左醫生未呀」 
我:「未睇未食藥點同你傾呀 一早死撚左啦」 
小莉:「啋 亂講野 諗住問你平安夜一唔一齊出去咋嘛」 
我:「出去迫咩 又撚凍頭又痛 唔想食隔夜"食送"」 
小莉:「唔想食咪出黎食飯囉」 
我真係畀佢呢句窒到無聲出 

我:「唉 怕撚左你 去邊食呀 去樓下食算撚數啦 唔好搞咁多野」 
小莉:「我想出去睇下燈呀」 
我:「你屋企無咩 都唔知有乜撚好睇」 
小莉:「你有無睇過架 好靚架」 
我:「我屋企盞燈都好撚靚 去咁遠唔去啦」 
小莉:「你未睇過架」 
我:「未睇過亦都唔撚想睇 咪去咁遠啦 可以順便搵埋盒仔打機」 
小莉:「你去完返黎打囉 去啦去啦」 
我:「係被竇聽見你把聲即刻打冷震 唉 欠撚左你 去撚飽佢」 
小莉:「咁我到時打畀你啦 你慢慢休息先 byebye」 
我:「係咁」 

唔係同小莉去睇我都真係未去過 

跟住就收左線 跟住真係鵝屌鯉魚 
電話又響 大家都估到係肥影啦 

我:「而家唔得閒聽你電話 請你咇一聲後留言...」 
佢:「屌你啦 我知係你聽 咇咇咇 咇你老母」 
我:「又點撚樣呀 打黎有乜撚貴幹」 
佢:「幹你老母呀 你聖誕節有冇街去呀 睇你都無人約啦 出唔出去呀」 
我:「幹完我老母仲出去 你真係當我戇鳩 我大撚把人約呀 盒仔又約小莉又約 忙撚到hihi」 
佢:「咁你聖誕節出黎啦 唔出你仆硬街」 
我:「做乜你班人咁撚鍾意聖誕節出去 放假可唔可以抖下呀臭西」 
佢:「你都成個廢人咁仲抖乜鳩」 
我:「我都未撚屌你仲有你老母呀 同你去完海旁病撚左成個禮拜呀 醫藥費好撚貴」 
佢:「你...你真係病左架」 
我:「呃你把撚咩 屌你老母」 
佢:「我打畀你又唔聽 打去你屋企你老母聽 佢話你病左 我以為你打緊機 點知原來黎真....」 
我心諗呢個仆街咁撚醒既 不過我做乜都呃唔到佢 到而家都係

我:「咁你可唔可以放過我呀影姐 我真係好想休息下 至多返學你打鳩我我唔還手」 
佢:「小莉約左你邊日呀」 
我:「平安夜囉 阻撚住我同盒仔打機」 
佢:「咁你聖誕節出黎啦... 唔想出無所謂....」 
我:「咁撚順攤 咁我真係唔出啦喎 你個臭西都幾好人」 
佢:「咁...咁我可以點喎 你都唔撚出」 
我:「你大撚把人約啦 我呢d卒仔可有可無 鎚仔無約你咩 佢溝你溝到出晒面喎」 
佢:「佢個碌撚梗係有啦 煩到hihi 畀我屌鳩佢之後就無約」 
我:「明明有人陪都推 抵撚死」 
佢:「咁你聖誕節出黎啦 去tst睇燈」 
我:「你係咪戇鳩架 成日去唔撚悶既咩 上個禮拜先去完 同小莉一樣咁戇鳩 岩岩先屌完佢屋企係咪無燈」 
佢:「係囉... 我同佢一樣咁戇鳩 你講得岩」 
我:「怕撚左你 去causeway囉 我咁撚mk」 
佢:「咁到時打畀你啦柒頭 好好休息 byebye」 
我:「bye你老味」 

到左廿三號 果晚同盒仔佢地打左好耐機 
係馬拉松式咁打 打完抖 抖完打 
打到個人虛脫先收手 仲爽過射精 

朝早又係新一日 但係我慘過碌柒 

訓訓下電話又響 以前覺得個鈴聲好好聽 而家聽到心都煩 
小莉:「我整好晒啦 你得未呀」 
我即刻cut左佢線 因為太眼訓 

隔左幾秒又打黎 
小莉:「阿腳你做咩呀 係咪好唔舒服呀 一係我地今日唔好出啦」 
我:「頭先太撚眼訓cut你線咋嘛 你咁早打黎係叫我落田定趕牛」 
小莉:「今晚平安夜你唔記得我地出去咩」 
我:「記得 但係都唔駛咁撚早掛.... 你睇下幾點先啦 燈都無咁撚早開啦」 
小莉:「咁我地可以行下先架嘛 快d起身起身起身」 
佢把聲叫起身其實都幾有效 因為真係好撚煩 好撚憎d高頻率既聲 

我碌左好耐先起身 再慢動作整好晒 已經一點幾啦 
我:「搞掂啦 你食撚左野未」 
佢:「未呀 諗住同你一齊食晏嘛」 
我:「你今日做乜好似食左春藥咁high 成日不停係度笑」 
佢:「今日由得你 著多件衫先好出黎呀 天文台話今晚好凍呀 唔好又冷親」 
我:「得啦老母 老母都未叫你就叫定先」 
佢:「咁我去你樓下搵你啦」 
我:「唔撚駛啦 陣間樓下看更發現一具未成年女屍因氣溫驟降而暴斃 我去你樓下搵你」 
佢 --->