[信不信由你] 青少年經歷: 3

小莉:「但係你地唔似喎... 你無呃我」 
我:「呃你有金執咩靚女 而家我又畀人記野啦仆街」 
小莉:「你改下咪得囉 對唔住啦 陣間請你飲野」 
我:「你話架 熱維他奶」 
佢:「得啦 坐你隔離咁耐仲唔知你鍾意飲乜咩」 

期間阿影寫左張紙仔黎 內容係:「抵撚死 你都有今日」 

去到lunch果陣我同小莉會約係圖書館等 
因為我唔會同盒仔佢地打波 只會休息 




所以小莉就提議去圖書館坐下休息下 
我見無野做就陪佢癲下啦 

去到圖書館 竟然見到阿影 
佢一見到我就話:「你係咪咁鍾意小莉呀 上堂又見食飯又見」 
我:「你係咪咁撚寂寞咁想我同你講野呀 成日屌鳩我引我屌鳩你」 
佢:「我同棵樹講野都唔同你講野柒頭」 
我:「咁我即係棵樹啦屌你」 

嘈左幾分鐘之後條仆街阿影就拉走左小莉坐 




係咁同小莉吹水 搞到我屈到口臭 
食返粒香口膠先 

行返上去六樓果陣 
咁岩見到盒仔佢地班粉腸上黎 
佢地睇到 
連鴨蛋都問:「阿腳你做乜一拖二 好無陰公」 
肥兔:「分件黎好喎 獨食難肥」 
我:「分件西餅畀你就有 兩個都咁煩 打下機好過啦」 
佢地:「你真係無得救 整game班人真係要多謝你呢d忠實fans」 




我:「梗係 無野爽得過一大班人打機」 

講完之後大家就各自返班房啦 

冬天返學最辛苦係早起身 
凍冰冰又要擦牙洗面 個頭亂d又要洗頭 

唔知點解冬天好多活動 歌唱比賽/烹飪比賽等等 
不過我全部都無參加 
因為我唔鍾意畀幾百對眼望住你做同一樣野掛

有次班主任堂 我問miss:「幾時會調多次位呀 我坐到好悶啦」 
miss:「我對住你班人都未悶啦 做乜你咁想調位 唔想同小莉坐」 
我:「一般啦 不過對住小莉有d悶咁解jei 你又唔幫我調」 
miss:「但係你真係比之前乖左喎 準時左交功課之餘 其他老師都同我講你同小莉坐之後真係好左」 




我:「我不嬲都乖架啦 咁幾時調」 
miss:「你揀同小莉繼續坐定幫我拎一個月粉腸+擦黑板」 
我:「同小莉坐.....」 
miss:「咁得啦 你個位同小莉唔會調架啦 仲有幫我照顧下阿影啦 佢係新仔可能未熟習環境架」 
我:「無可能 佢咁串無人恰到佢 而且佢唔係好鍾意我 加上個樣正正常常大把男同學幫啦 你搵佢地」 
miss:「咁唔得架喎 同學之間唔可以有隔夜仇 不如佢坐埋你右手邊啦 我想成班融洽d」 
我:「佢溶左我就會 你調左真係反面架」 
miss:「咁你揀同埋佢坐定幫我拎書簿一個月+做科長」 
我:「咁拎書薄啦」 
miss:「唔駛勞煩你啦 你幫我照顧佢就得啦 書薄我有科長拎」 
我:「咁你打橫黎我都無辨法....」 
miss:「乖啦 我知阿腳你好乖既  幫我睇住小莉同阿影啦」 
我:「咁我犯錯可唔可以唔記缺點」 
miss:「至多唔同你阿媽講啦 唔記就無可能」 
我:「殺你...」 





我呢個miss真係好正 個人無架子之餘又好人 
同學生好似朋友咁 不過佢同我關係會好d 
可能我成日衰左搵佢幫手 跟住再幫佢做野掛 
久而久之佢就成撚日駛鳩我 

畀miss咁搞一搞 
果陣好多男仔都巴結我 想同小莉同阿影fd底既人各佔一半 
搞到我都唔好意思推佢地 

有陣時真係好撚煩 係咁叫我公開佢地msn 
我話:「小莉佢好少on架 阿影個撚樣我鳩知佢咁多野咩 叫佢食撚屎啦」 
有陣時畀阿影聽到佢會一野"meet"落黎 仲要扭 
我真係屌鳩佢老母 唔好撚著草呀 
小莉就會斯斯文文咁同佢地講:「我...我好少on架 你地有咩返...返學校搵我咪得囉」 





係果個時候大家都以為我同兩個女仔坐係好爽好爽 
其實係煩到嘔茄 
一講粗口小莉就會 咁既樣:「你幾時先肯改呀 好地地加咁多字落去做乜喎」 
跟住阿影就會話:「小莉你嗲聲嗲氣同佢講無用架 好似我咁 阿腳你個仆街嘈撚完未」 
我:「未嘈完呀臭西」 
跟住小莉就會話:「你地兩個嘈少句啦」 
每日係咁不停重複

有一日我約左小莉去街 
因為我想帶小莉去見識下 除左睇書仲有大撚把娛樂既 
所以我同佢可能一兩個禮拜出一次咁啦 
例如帶佢去食下d街邊小食 四周圍行下咁 
佢次次都會send sms黎話好開心 





同埋佢次次都執得好正 唔會有唔整齊既感覺 
著tee+牛仔褲會紮馬尾 著連身裙會帶返條鏈咁 
而我依舊係tee+沙灘褲+靚少少既拖鞋 
出遠d都會著得好d既 

到左大家都鍾意既聖誕party 
其實我覺得d game黎黎去去咪又係果幾隻 玩咁撚多年都唔厭 
但係今年有呢班人同我玩就真係畢身難忘啦 

係呢一日 男既就會除低佢殘殘舊舊既拖鞋 女既就會放低佢把好耐未梳過既頭髮 
我都唔例外 想扮靚少少去party 所以果陣既衣著打扮係rl shirt+修身牛仔褲+clarks 
話時話 唔知做乜而家咁撚多人憎clarks 我覺得clarks好好著 而且唔mk 
比起clarks visvim果d仲不知所謂又賣得貴 

去到操場接近排隊既時間 見到盒仔佢班人 
盒仔:「腳哥今日唔著拖鞋喎 型」 
我:「我屌你咩 你咪仲型」 
盒仔:「小莉見到你呢個look實暈晒浪」 
我:「我對撚住佢兩個直頭想自殺呀 煩到無朋友」 
盒仔:「好多人恨都恨唔到呀撚樣 肥兔日日咒衰你」 
我:「個撚頭咁仆街 睇住下年無聖誕」 
傾到咁上下就集隊上去啦 

移好晒d雜物 就開始難忘既一日 

例牌菠蘿腸仔 沙律等等劣食 其實我想問好耐 
都凍冰冰仲食咁多凍野 唔怕痾爛屎無廁紙咩      
食完就開始玩啦 

第一隻game:縛個汽球係腳度踩爆佢 
第二隻game:玩辣辣壽司邊個食之類 不過你輸左有人係後面拎兩疊簿打鳩你 
第三隻game:每人表演自己既專長 
最後交換禮物

第一隻game大家都玩得好盡興 小莉佢唔敢玩 成程縮埋一二角 當然有男仔保護佢啦 
至於阿影個仆街就係咁追住我黎踩 鎚仔見到又追埋一份 
我話:「我殺你兩個全家咩 成日追住我」 
阿影:「畀我追到你你就仆街 唔止踩波仲要踩撚」 
鎚仔聽到 --->  --->  
追到我氣都咳 鎚仔更加落力 好似想係阿影面前表演咁 
最後梗係畀佢地踩爆啦 鎚仔禁低我落地畀阿影一腳踩爆 
踩爆完仲係咁踩我隻腳  
我:「臭西 我條褲新買架 拎開你隻臭腳啦陷家產」 
阿影:「你咪好鍾意講野押韻既 跟你學架 屌你老味訓係地呀 哈哈哈哈哈」 
我:「屌你 禍不及妻兒 罪不及父母 正仆街」 
鎚仔聲都唔聲 眼甘甘望住阿影 
個仆街仔係睇緊佢個波 狗公 

講返小莉同阿影既衣著先 
小莉:一件毛毛領既長褸+黑絲+boot 
阿影:低領連身裙+頸巾+黑絲+boot 出面加件厚厚地既長褸 

佢地兩個都真係幾sharp 有人行過都會偷望佢地一眼或者二三百眼 

畀人強姦完真係成身亂到仆街 
起返身已經轉第二隻game 
小莉行埋黎問我:「你無野呀嘛 見你地玩...玩得好開心喎」 
我:「畀人強姦會開心咩 試下你畀佢地姦下囉 你就認真開心啦 見你同a b c佢地傾得幾好」 

係呢度我要提一提a b c 呢三個人 佢地簡直係小莉隻狗 我諗小莉叫佢三個互相切撚都應該照做 
由於佢地無關痛癢 所以用英文字代表 

小莉即刻好緊張咁否認:「我...我先無呀 佢地同我傾下計咋嘛 你..你...」 
我:「你你你 你想講乜鳩」 
小莉:「你...你塊面污糟左呀 我畀紙巾你抹呀」 
我:「是但啦 反正陣間玩都污糟」 
小莉:「唔好啦 成隻污糟貓咁一陣畀人笑呀 我幫你抹啦」 
我:「你有無鏡呀 我自己黎得啦」 
小莉:「今日無帶呀 我...我幫你啦」 

整左大約十秒度 佢幫我搞掂左 
而家諗返就覺得好sweet既 
以前只係覺得反正都污糟左 做乜要晒張紙巾 
果陣好彩無畀人見到 如果唔係跳落尼羅河都洗唔清

整完之後無啦啦畀人扯住恤衫後面個圈 (for你掛起佢果個) 
望一望 屌 又係阿影條八婆 
阿影:「仆街仔 到你玩啦 你玩我企係你後面罰你」 
我:「你都傻既 我贏輸你都打鳩我架啦 試下調返轉啦」 
跟住miss就話:「阿腳乜你咁無風度架 人地女仔叫你玩就玩啦」 
我:「佢一定打我既 玩黎做乜 我身體虛捱唔到佢幾多下咋miss 我仲想過新年」 
miss:「咁你想玩定想完左party之後幫我清場」 
我:「清場....」 
miss:「唔可以咁架 呢d野係同學一齊做 點可以淨係要你自己一個做呢 所以你都係玩啦」 
我心入面又要將miss老母屌到出血 

我好似坐電椅咁坐低 
心入面真係淆到仆街 成班既功課簿都唔係少野 
搞到我口窒窒:「邊個食...你...你唔食...」 
真係 

最初都係我班隊友贏 
點知一個輸左係全部一齊陷家產 
我地輸左兩次 畀阿影條臭西打左我兩次 我縮左一次中左一次 
個臭西真係唔留力 用埋屌西既力打埋黎 
痛撚到而家都記得 

跟住恐怖野就發生啦 

我果隊輸埋最後一鋪又要罰全部人 
我痛到仆街 點都唔想畀阿影打埋果下啦 打埋條頸都甩出黎都似 
所以我諗住起身閃人 點知.... 

點知我一起身個頭撞左落佢個波度 

成班人即刻 --->  
鎚仔個仆街話:「阿腳你個賤人抽水 好賤呀 阿影你無野無嚇親呀嘛」 
成班人無論男定女都屌鳩我 
阿影條粉腸完全唔出聲 呆左咁 
小莉佢唔知咩事 聽到個個都嘈就行過黎睇下 
點知班人有咁大作咁大 話我用手渣阿影 

a:「估到阿腳會咁架啦」 
b:「阿腳真係人面獸心」 
c:「小莉你要小心呀 坐佢隔籬真係好危險 今次係阿影下次就係你啦」 

千年道行一朝喪 當我喪心又病狂 

miss:「阿腳佢唔小心咋 你班人咪作得就作啦 嚇到小莉唔敢返學你班人就知死」 
終於有個人企出黎講返句人話 
阿影終於開聲 一開口就係:「miss佢特登架 平時都見佢成日眼甘甘望住我 我係轉校生唔敢出聲....」 
估唔到佢一整呢個 樣就呃晒全個地球既人 
殺傷力仲大過小莉

結果第三隻game都無心機玩 個個淨係屌鳩我/問我有乜feel 
最後miss都係罰我清場平息事件 
小莉等佢地走晒就返轉頭 同我講:「不如我地一齊執呀 可以快d」 
我:「你唔怕我渣鳩你咩 而家個個都當正我係淫蟲  」 
小莉:「大家日日坐埋一齊會唔知你咩人咩 你一定唔會特登既係咪」 
我:「都算你有多少智慧同人性」 
小莉:「你今日著得幾好睇 不如你平時出街都咁著啦」 
我:「咁麻煩 著拖鞋咪得囉」 
小莉:「晏啦 快d執野畀埋班校工就走啦」 

執完之後見到阿影個sms 
「你老味掂鳩我 我咁大個女第一次畀人掂到呢d位咋陷家祥 死咸濕仆街仔 唔玩返你條氣點吞得落」 

我畀小莉睇 小莉 --->  --->  --->  

我問佢:「你做乜鳩塊面郁黎郁去」 
佢 再答:「你...你睇唔到有咩意思咩」 
我:「佢屌我囉 點會睇唔明」 
佢:「睇唔明就算啦 我地去食下午茶囉」 
我:「好呀 餓到仆街 快d快d」 
佢:「係啦 估到你食唔飽啦 食咩你揀啦」 

我果刻唔知佢做乜塊面郁黎郁去咁 
到有一日佢同我講返先知 

果日同小莉去左食野 我仲記得係去太子食 
佢叫我揀 我好鍾意食清湯腩 
整得好食既話真係人間美食 
我知有間幾好食 諗住帶小莉去食啦 

去到門口 見到鋪面殘殘舊舊 
果陣小莉個樣 --->  
我梗係無所謂啦 但係小莉佢好少食呢d 所以就怕怕地咁 (其實我都唔知佢驚乜鳩 鋪面殘通常好食) 
所以做左一個難以想像既決定.... 

最後都變左佢揀 
佢揀左食d貴又唔飽既甜品 (女人唔止買野晒錢 連食野都好撚晒) 
我同佢坐低:「呢度有無飽肚d既野食」 
小莉:「無呀 得甜品咋 你唔岩食」 
我:「係呀 肚餓胃潰瘍」 
小莉:「咁一係我地出返去揀其他野黎食啦」 
我:「唔撚駛啦 入到黎坐低再出返去真係狗到喊 人地會行埋黎屌鳩你」 
小莉:「你係咪嬲呀 」 
我:「你都戇鳩鳩既 嬲你把春咩 快d叫野食啦」 

呢一次小莉佢食得好開心 因為佢好鍾意食甜野 
可惜... 我好憎食甜野 
落單果下諗黎諗去都唔知揀乜好 
所以我召喚左個人黎問 
簡稱侍應做w先啦

我:「呢度有乜好食」 
w:「先生 呢度有好多情侶set」 
小莉面紅紅:「我...我地...」 
我:「關情侶咩事jei 我要既係平同抵食 介紹下啦」 
w:「咁要呢個囉 情意綿綿 十幾粒湯丸食到飽」 
我:「改個名懶好聽咪又係湯丸 小莉你岩唔岩呀」 
小莉又面紅:「情...情意綿綿 入面用咩餡架」 
w:「花生 芝麻」 
我:「屌你咩小莉 我都唔食花生 揀其他啦 有無其他呀」 
w:「露出一個 樣 先生一係你等晚市囉」 
我:「等晚市我死左係你鋪面唔好怪我呀 呢個長相廝守係乜呀」 
w:「好聽d咪長相廝守囉 唔好聽咪楊枝甘露+多個椰汁西米露」 
我:「小莉你點呀 岩唔岩呀」 
小莉:「你揀得啦」 
我:「話左情侶係咪有得送小食呀 整個布丁食下喎」 
w:「唉... 好啦 我地好慘架 一日要賣廿個情侶set 真係怕左你 牛奶味岩唔岩」 
我:「殺你 拿拿聲唔駛驚 快上」 
w:「你女朋友真係好忍耐力」 
小莉:「我...我地唔...」 
我:「靚仔你真係好靚仔呀 快d上菜啦唔該」 

同小莉食野無乜唔好 衰在佢食野好似食泥咁 一啖一啖 睇見佢食野都炆 
我食楊枝甘露佢食椰西 我大約三分四十三秒就食晒 
佢仲有大半碗 
我問佢:「呢碗水+粒粒咋喎 咁你都要食咁慢」 
小莉少有地無發脾氣 佢平時會炆炆地罵我咁下次唔好一齊食野囉 
我一聽佢講呢句就會去廁所消磨下 

點知佢今次係:「我食野不嬲慢架啦 你等等啦」 
我:「咁我照舊痾篤尿先」 
佢好大反應咁話:「你...你....你今次坐低陪我啦好無呀」 
我:「點解呀 坐低好悶喎」 
佢即刻黎料 不過今次係變呢個 樣 
又口窒窒咁講:「你覺得...你覺得同我一...一齊好....悶呀 」 
我:「做乜一句野又分幾次講 聽得好辛苦呀 唔悶呀唔悶呀 你快d食晒走啦」 
佢:「係啦係啦 又係度催」 
我:「食野蟻咁慢 做人甚艱難」 
佢:「催人地食野 無得做阿爺」 

我即刻笑到仆街 呢兩句我地而家都有講 
估唔到佢真係學到野 

過左半個鐘之後終於食完啦 
臨走果下問w:「個布丁呢」 
w:「先生唔好意思呀 布丁送晒」 
我:「你唔一早講 咁你有乜送返畀我」 
w:「一係幫你地影兩張即影即有啦 呢個要加廿蚊先有架 我地會幫你加裝飾整靚佢」 
小莉即刻好大反應咁話:「要呢個啦唔該」 
我:「要呢個有撚用咩 都唔食得」 
w:「留個紀念咋嘛 野幾時都有得食啦」 
我:「唉 算我黑仔 拿拿聲 快啦」

w影完就一人一張 小莉好似執金咁收埋 
我就袋左入褲袋 
佢就話:「咁會整爛架 你畀我幫你袋住先啦」 
我:「一係兩張都畀埋你啦 費撚事袋」 
佢:「你...你唔想要呀」 
我:「費事拎黎拎去嘛」 
佢:「返學我畀返你啦」 
我:「是但你 行一陣返去啦 約左盒仔佢地打機  」 
佢:「好呀」 

聖誕party完左之後 
同佢去食野呢part係好好好深刻 因為對之後既我有十分大既影響 

果日我返到屋企附近搵埋盒仔佢地去打機 
唔駛問當然係aoc啦 
打完一輪去食野 
個個人都返屋企食飯 得盒仔無飯食 
咁我就梗係捱義氣陪佢啦 

盒仔:「做乜咁撚好死陪我食飯」 
我:「屌 唔通聽見你自己一個食都唔陪你食咩 冬天自己一個食 凍到碌鳩唔識直」 
佢:「你真係幾時都咁戇鳩 都唔知小莉貪你有乜好」 
我:「咪撚亂講呀 我同佢清清白白係朋友 唔好屈鳩我」 
佢:「玩野咩腳哥 我班既男仔都問小莉係咪同你一齊啦 成日出雙入對」 
我:「鬼叫你地lunch成撚日打波咩 淨低我一個」 
佢:「咪咁撚多籍口 你對人有無野」 
我:「點會有野 我對佢少少野都無 你唔好撚諗錯呀」 
佢:「但係人地女仔都做到咁出啦 如果我唔係識你咁耐都覺得你扮野」 
我:「佢做過d乜 成日畀我罵 因為佢柒下柒下先教下佢點做人咋喎」 
佢:「唉 算鳩數啦 食野 晒撚埋我口水」 

果陣盒仔同我講呢d野 我覺得佢嚇鳩我 因為我覺得女仔點都唔會主動架嘛 
況且同佢坐左先幾個月 點會過到電 
見到佢成日整個衰樣出黎 理又唔係唔理又唔得 
麻撚煩 

同盒仔傾完之後 我果晚都訓唔著 
因為畀佢咁講 小莉唔會真係鍾意我掛 
應該唔會啦 我無錢又無面 仲唔拉褲鏈 小莉萬人迷 大把人想砌啦 
所以結論係盒仔呃鳩我  

party之後就係放假 大家都會諗點樣做廢人 
我就梗係攤係度乜都唔做 打機打機再打j 
朝早同盒仔佢地打機 夜晚返屋企 睇埋十二點三既無線鳩劇再上床訓 
係我準備入睡果下打黎 矇矇矓矓咁聽電話 
呢句我死都會記得 

柒頭腳你聽日出唔出去 我約左小莉出街順便搵埋你個撚頭 
望下來電 屌那星係臭西阿影