《將軍澳迴旋處上的時空裂縫》: 第四章第五回：Welcome to the Dark side

第四章第五回：
Welcome to the Dark side
 
 
「將佢哋全部掉去…… 另一個時空？」
 
我還未來得及消化，F教授剛才所說的一切。
 
「無錯。另一個時空。」






 
「點樣做到？」
 
「時空場共振，亦即係我依隊研究小組一直秘密進行嘅研究。」
 
「時空場……共振？
咁依半年來，你哋每日都要嘅『惰性建築廢物』，
都係用黎實驗？
你掉晒佢哋去另一個時空？」




 
我不敢相信。
 
半年喎！
每日一噸喎！
即是…… 大約180噸建築廢物，全部掉晒去另一個時空？
 
「無錯。」F教授自豪地回答。
 
那一刻，我啞口無言。







 
「唔…… 唔會有副作用咩？」
 
「有咩副作用呀，你係咪睇太多科幻電影，
以為會有啲咩『蝴蝶效應』、『殺咗自己阿爺，跟住自己會消失』
嗰啲副作用呀？
唔會啦！」
 
我臉上應該表現出一個不相信的樣子，所以F教授接著說：
 
「一係咁啦，今日啲建築廢物都仲未用，我可以帶你去睇一次點樣運作。
 




不過去之前，你要簽咗份保密協議先，
畢竟我剛才講嘅所有嘢，都係高度機密，
絕對唔可以同任何人講。」
 
這時候，身為科學家的我，
聽到可以見識一下怎樣把廢物掉到另一個時空，
好奇心經已主宰了我，
所以大概只是看了一眼，就簽了那張保密協議。
 

＊＊＊＊＊＊＊＊＊＊

 
F教授帶我到了「黑洞」上的橋。
 




「依個地方，一億幾年前係一個火山口。
我哋嘅地質學家，從附近嘅岩石中推測得到，當時火山口入面岩漿嘅活動。

有一個好特別嘅現象，令我哋決定喺依度興建依座研究中心。
個現象就係：一個順時針轉動嘅岩漿旋渦。」
 

「順時針轉動？」

 
「無錯，順時針轉動嘅岩漿旋渦。
依個現象好罕見，係一連串嘅地質活動所造成嘅。
 
我哋就係利用依個特性，用『等離子氣化裝置』再改裝，
製造一個同一億年前個『岩漿旋渦』相對應嘅『等離子電漿旋渦』，




從而造出時空場共振，開啟一條時空隧道。」
 


F教授指著「黑洞」說：
 
「你哋開『等離子氣化裝置』時，『黑洞』入面咪會有紫色嘅電弧旋渦嘅？
而家要造成時空場共振，都係要產生等離子電漿，
但旋轉個規律係唔同嘅，
所以你唔會見到紫色電光，咁就代表時空隧道已經打開。」


 
F教授這時拿出對講機，對他的研究隊伍下指示：
「『黑洞』warm up 夠啦，而家可以將啲建築廢物掉落『黑洞』喇。」




 
控制室內的人員給了一個手勢F教授，
然後一個個裝著建築廢物的貨櫃就運到橋上。
 
之後，橋上的機械臂就把這些貨櫃，
逐個逐個推落「黑洞」。
 

這麼大的貨櫃，
如果是以我平常實驗的「等離子氣化技術」來處理，
肯定不能夠完全被氣化。

因為一來體質實在太大，
二來「等離子氣化技術」對有機物是最有效，即是能夠被燃燒的物質。

惰性建築廢物，例如混凝土和石塊，
是不能直接被燃燒的，最多只能被熔化。

這樣結果是，整個貨櫃不能被消滅，而重重掉到「黑洞」底部的地上。
 

但我眼前看到的不是這樣。
 

那些裝著建築廢物的貨櫃，
掉到「黑洞」裡，之後就好像掉進無底深淵一樣，消失了。
 
「佢哋全部去晒一億年前嘅時空。」F教授淡淡地說。


 
我腦內出現了很多問題，
但最最重要的問題，我很清楚是什麼：

 
「你點樣肯定去咗邊個時空？會唔會去咗個有人類嘅時空？」
 


「唔錯唔錯，不愧係侯教授嘅徒弟，
有腦之餘，都一定會擔心實驗會唔會傷害到人。
 
放心啦，我哋喺『黑洞』旁邊設置咗好多探測器，
例如『空氣成份探測器』。

你可以想像下，
當時空隧道打開，第一樣穿梭時空嘅係咩？
 
係空氣！
 
兩個唔同時空嘅空氣會 diffuse 去對面，
而我哋知道，地球喺唔同嘅時代，
空氣成份都有明顯嘅分別。
 
所以透過分析『黑洞』旁嘅空氣，
就可以知道時空隧道去咗邊個時空。
 
而我可以話你知，實驗咗咁耐，
都係去咗一億年前嘅火山口，
所以唔需要擔心會影響到人。」
 
 

聽到這個答覆， 
我對這個計劃，似乎再沒有什麼憂慮了。


 
「咁…… 你想我點配合你個計劃？」
 
 
 
(待續)