《將軍澳迴旋處上的時空裂縫》: 第四章第六回：游說

第四章第六回：
游說
 
 
「睇黎你對合作一事，暫時都唔係太抗拒喎。
咁就好啦，我哋可以繼續傾落去。」
 
F教授跟我一邊走回辦公室，一邊說。
 





「博士，你都喺研究中心做咗咁耐，
喺『等離子氣化廢物技術』依個範疇內，都算係有知名度。
 
記唔記得我之前講過，
國際原子能機構考慮下年修訂公約，
禁止將核廢料掉出外太空嘅？
 
中華邦聯而家好煩惱，
邦聯之內咁多座核電廠，以後啲核廢料點樣處理？
 




我哋共和黨主要係想請借用你的知名度，
說服中華邦聯，
話研究中心已經成功以
『等離子氣化廢物技術』氣化核廢料，
而且過程絕無有毒物質剩低。
 
咁樣，
中華邦聯就有機會，將所有核廢料交俾我哋處理。
 





依個係一單大生意黎架，黎博士！

之前甘肅嘅酒泉市就係因為有火箭發射中心，
秘密將全中華邦聯嘅核廢料掉出太空，
你知唔知佢哋賺咗幾多呀！
 
而家國際公約唔俾掉出太空，
咁大個商機，無人有能力接手，
我哋就捷足先登，搶咗依個賺錢嘅好機會！」
 


我見F教授講得眉飛色舞，
心裡暗地裡鄙視他這個唯利是圖的科學家。
 




「你咁即係叫我做兩件違背良心嘅事啦？
第一，係學術造假；
第二，將核廢料送去其他時空。
咁如果我話唔合作呢？」
 


F教授見我不為金錢所動，就採取另一種策略。
 
「唔好咁快話唔合作住。
 
我知博士你，同你師父侯教授，
都係有自己原則嘅科學家。
 
依點我真係好欣賞。




 
你可能覺得學術造假唔啱，
你可能覺得將核廢料送去其他時空唔啱，係不負責任。

但你都要諗下，我哋國家啲核廢料點算喎。
 
依個問題，係關乎十四億人民嘅生命喎！
係十四億活生生嘅人喎！
係我同你嘅同胞喎！
 
你諗下，當海水淹沒嗰啲放滿咗幾千桶核廢料嘅荒島，
然後再流入我哋依幾十年來，不斷保衛嘅水塘。

到時候，淡水，有輻射；
海水化淡，又有輻射。




 
香港玩完，全中華都一樣玩完。」
 

F教授又走來搭著我的膊頭。
 
「老實講呀，如果依啲嘢我自己做得到，
我點會走黎麻煩你呀？

問題就係我做唔到，
我哋全隊共和黨研究小組都做唔到呀嘛。

點解？
因為我哋嘅研究，唔見得光嘛。
時空傳送依家嘢，




高度機密呀，唔可以俾人知架。
 
所以先要靠你，同你所研究嘅『等離子氣化技術』黎做掩飾。
 
當然，如果你決定合作嘅話，
我哋嘅專家會同你一齊諗點寫一份，
連專家都呃得到嘅專業學術論文，
去解釋點樣用『等離子氣化技術』處理核廢料。
而你亦可以了解更多我哋個研究。」
 
 
我心裡非常矛盾。
一方面知道學術造假是不對；
 
但能夠解決當前「核廢料島」快被海水淹沒的問題，
保障人民的生命安全，
學術造假很小事罷了。

(註：在中華邦聯，學術造假是十分平常的，這是中国留下來的壞傳統。)。
 
再加上有機會了解時空傳送的秘密，又真是很吸引。
 
 
 
「可唔可以俾啲時間我考慮合唔合作？」
我問F教授。
 
 
(待續)