如果比多次機會我 我一定唔會攞小丑黎開玩笑: (一)

" 唉! 好撚空虛,好撚寂寞呀! " 啱啱講野唧係肥仔傑，佢係其中一位同我一齊住嘅老朋友, 你唔好睇佢個樣咸咸濕濕, 又肥屍大隻咁, 上當年佢真係一位運動健將，又有一把口才，真係唔知有幾多女為佢而濕（濕嘅意思仲之唔係你諗緊個啲）

" 你日日淨係到J ig啲女神，又唔真正搵返條女，咁緊係空虛啦 "  我答

" 你估我唔想咩大佬，但係做人要有要求家嘛！點可以除便搵個就算？" 肥仔傑說道

" 挑你啦，係度扮撚晒嘢！正果啲都未輪到你啦!? " 我心諗, 我更係唔講出口啦 你唔係唔知啲肥仔心靈幾咁脆弱架啦

" 話時話喇! 你覺得我哋有冇機會, 溝到啲ig女神啊那？" 





" 簡單啦, 你出名米得囉! " 肥仔傑說道

" 師兄唔通你又高見？"

" 實有嘅！拍啲特別嘅片放上youtube，當多人睇咯，我哋實紅啦。紅咗喇米再借啲意，邀請啲靚女話嚟客串下，都時都識咗，乜都易話為啦! "  肥仔傑說道

係啦喎咁易又會比你紅到，咁個個都得啦，依個世界就無毒撚啦! 不過條肥仔又唔係冇道理嘅, 但係要拍啲咩先可以發到圍，真係諗都我頭都大!

 算數！入返房打L好過。
『叮！』好日都唔響下嘅電話響咗下寫住"你已被標籤在一個帖字內。"




 吊, 米煩啦！爆更大本呀！我一手就將個電話揼去場床度。
不知不覺又陶醉係以個遊戲世界唔知幾多個小時，望下個鐘而經凌晨四點半, 係時候上床訓。一上到床唔駛講一定係拎返個電話出嚟loop陣先訓啦。睇下Fb先，諗返頭先好似有人tag我。一開完來係阿庭（另一位同屋）tag我同阿傑睇段片，段片我諗應該係外國拍嘅，因為個鏡頭係影住個油站，而個油站個logo係香港係未見過有。條片一開始冇乜特別吖，好普通姐個油站，不過夜媽媽影得個油站都唔慌會有好嘢，過咗一陣有架私家車駛咗入去入油，而外國嘅油站同香港唔同嘅地方就係無人會幫你入油，你係要自己落車搞掂佢。
咁就有個男人落咗車，就正當佢入緊油嘅時候，唔知係邊度走咗出一個著住小丑妝束嘅人，個小丑拎住把斧頭一步一步咁行埋個男人到。佢同入緊油嘅個條友相差只係4米距離，個小丑面帶笑容，但係係嗰啲好撚詭秘令人心寒嘅笑容。入緊油個條友嚇撚到車都唔要就立即跑走咗。跟住之後個幾分鐘段片嘅來容都係差唔多，只不過係個小丑唔同咗衫或者發生係第二個油站。

我睇完條片亦都不知不覺咁比周公急call, 倒頭大睡了!