如果比多次機會我 我一定唔會攞小丑黎開玩笑: (序)

我叫朗晴, 係好多人眼中,我係一個家境富裕, 讀書成績又好, 前途真係一片光明,  但係大學畢業咗成年, 我依舊日日無所事事, 淨係食,打機同訓。

因為我唔想做裙腳仔，一大學畢業就同以前兩個中學同學一齊搬咗出係灣仔一間舊樓入面住。地方唔算大, 但係都有一人一間房, 叫做有自己私人空間。我一無聊就同好多典型嘅香港人一樣，無限loop ig同fb。真心講呀，睇來睇去米都係一鳩樣嘅嘢，只係關咗手勢，唔loop唔舒服。