Welcome To Knot ~ Season1: #39 靖

Taz主動邀請我一齊出去，我真係諗唔到有咩理由拒絕佢。「好啦。咁你宜家揀唔揀到？我真係冇咩衫啱你著。」
 
「咁又係…你身材好過我咁多。」Taz色迷迷咁係我胸前掃射，搞到我都不自覺退後咗一步。「就呢件啦。咁你又揀咩？ 不如入你房睇下啦。」
Taz揀咗件紅色一字肩top，下身一條貼身黑褲。
 
半推半就下，Taz推咗我入房，老實不客氣就開我衣櫃睇。
「嘩~ 收埋咁多好野呀你？」Taz將我衣櫃入面嘅戰衣一件一件咁拎出嚟拼上身。
「都唔啱你著。」我又一件一件咁搶過嚟，放返入櫃。
宜家嘅情況，就好似兩個小朋友係到爭玩具咁。
 


最後我揀咗件跌膀黑短上衫，入面襯件小背心，下身著貼身牛仔褲。
 
我見Taz冇咩意慾想去廁所換衫，就自己拎咗自己個啲，諗住出房。
「去邊呀你？」Taz問「你諗住出廳換咁open呀？」
「咩呀，我去廁所換，留間房俾你呀。」
 
「咪傻，駛咩咁煩。」Taz都未講完，就二話不說當住我面除咗佢件上衫！！！！
我立刻面都紅晒，唔知點算好，嗱嗱啉轉身，唔敢再望落去。
其實講身材，老實講，我好過佢。
我34C嘅上圍，真係迷死唔少男男女女。


但我眼中，就只係覺得Taz嘅身型，先係最好。
唔知33C摸落去，係咩感覺呢？
 
雖然身已轉，但我腦海中仍然不停狂loopTaz除衫嘅動作，同埋我僅僅見到佢嘅腰同小腹。
 
「喂~」Taz係我身後叫「做咩重唔換呀？」
「我…我都係入廁所換方便啲。」我唔理得咁多，立刻沖入廁所避開佢。