Welcome To Knot ~ Season1: #20

啱啱收線，啫喱就行咗過嚟。
「Sky！」啫喱摸摸自己嘅後尾枕「我想話…Sorry呀！」
「吓？噢唔緊要！你都識講，頭先情況危急嘛。一陣同佢哋講清楚就冇事。」
「唔係…」啫喱突然成塊面紅晒「我係想話…今朝早…sorry。」
 
因為頭先嘅「危急情況」，我其實已經將今朝嘅事拋諸腦後。
被啫喱咁樣一提…
佢嘅咀、佢嘅吻、佢嘅懷抱、佢嘅撫摸…
所有感覺都返咗嚟。
 


宜家嘅情景一定好奇怪。
兩個人，臉紅耳赤，迫埋咗係樓梯到對望。
 
「我想問…其實…今朝…」啫喱巴巴結結咁講。
「我…有冇…唉~對唔住！Sky，我唔係啲玩玩下嘅人，我…我會為我做過嘅事負責。」啫喱突然一口氣咁講完，就跑咗去吧枱拎咗罐可樂係咁飲。
 
樂少跑埋去啫喱到。
「喂兄弟！你係咁隊可樂做咩？可樂只可以殺精，唔可以殺菌喎！」孖寶又出動。
「哦~你話Sky個咀有菌！不過就算殺精，啫喱哥都唔啱用啦！」路比回應樂少嘅爛gag。
「你兩個咪玩啦！」我嘗試幫啫喱解圍。


 
「嘩~駛唔駛咁快幫到出面呀？」係亞茶，重有King同Winnie一齊嚟到。
「喂！你兩個做咩咁激呀？」亞茶問。
「我覺得啫喱勁man喎。」Winnie附和。
 
結果，我同啫喱又被人圍係中間。繼續大審判。
「你哋咪咁啦。都話我一相情願咁做，Sky根本唔知，亦冇話願唔願意。」啫喱最後個句，係望住King嚟講。
 
King 同啫喱本來就係好兄弟，所以啫喱一個眼神，King 已經完全明白啫喱想點。
 


「哦~咁Sky你講。」King轉移向我迫供「咁啫喱鍚你，你願唔願先？唔願我可以大義滅親，幫你報警捉隻TB 色狼走，或者同路比講都得架。」
「咁又唔駛！都話當時係迫不得已先咁做。」我不厭其煩又再重覆一次。
 
「咁啫喱話你係佢partner呢？你又願唔願？」Winnie順勢一問，全世界包括啫喱，都望住我。