Welcome To Knot ~ Season1: #16 啫喱

我再起身嘅時候，都3點喇。
好耐冇試過瞓咁耐，感覺有啲混混愕愕。
 
繼續癱咗係床上，回味緊唯一記得嘅夢境。
Sky嘅咀好軟好暖，佢好香，佢個胸好軟柔…
頂！ 點解記唔到跟住點架？ 
夢入面，究意我有冇同佢…
賤格！ 發綺夢不突止，重要對像係Sky！
 
雖然我認同自己係賤，但，又唔覺意再回味多次。


對唔住呀Sky！
 
一邊諗，咀角不期然向上揚。
左手好自然咁放上額頭，咦？！ 咩嚟架？
我摸一摸額頭，發現貼咗張退熱貼。
 
我起身諗住去照下鏡，睇下重有冇啲奇怪嘢係到。
好彩，冇。
經過飯枱，咦？！ 咩嚟架？
枱上有個熱飲杯，入面係…已經凍咗嘅姜茶？！


望下隻杯，係Knot嘅外賣杯。
 
Knot…Sky…夢…
頂！ Shxt！ Fuxk！
我衝咗落樓下，見到強嫂「強嫂！」
「哎喲~你瞓醒喇？ 重有冇燒呀？？」
「強嫂，你唔好理我有冇燒先，老老實實答我！ 我頭先瞓咗嗰陣時，有冇人上過嚟？」我焦急咁問。
「有！」強嫂呢個答案，令我又想再講多次粗口「我囉！ 我幫你收咗衫，放返上去呀嘛。」
「唔係呀…我意思係，Sky有冇嚟過？」
「哎喲好心你啦老闆，俾朋友見到你瞓覺樣有咩所謂啫，咪又係咁嘅樣。唔好咁小氣啦。」


「你講咩呀？！ 咁究竟Sky有冇上過去呀？」
「有呀。佢拎住杯嘢俾你，過一陣又眼濕濕咁落返嚟。都係佢話俾我哋知你發燒嘅。」強哥突然係我身後出現，嚇咗我一跳。
「係呀。我上去睇你個陣，你個額頭重貼咗退熱貼。Sky呢個女仔真係唔話得。」強嫂又加把口。
 
我突然雙腳發軟，跌坐咗係烘焙房嘅凳上。
強嫂想扶起我，但係俾強哥強行帶走咗，重係到話佢「連唔應該講個句都講埋。」
 
點算？！ 唔通我真係對Sky做咗啲咁禽獸不如嘅行為？
頭好痛…點解我一啲記憶都冇？！