Welcome To Knot ~ Season1: #16

我驚魂未定，心諗，琴晚俾人強吻完，今日俾人強姦？
 
一諗到呢到，不期然就掙扎得更多，眼淚亦非常配合劇情咁不斷流落嚟。
 
因為口被封，我根本無可能叫得出聲，更莫論叫醒眼前明明意識迷糊、但力大無窮嘅啫喱。
 
佢對手不斷刺激住我敏感嘅耳仔同頸。
死火，我開始有認命嘅打算。
個腦開始諗唔到嘢，開始一片空白。
 


佢右手開始隔住我件衫，係到撫摸搓揉我個胸…
我…我開始有感覺。
始終，我唔抗拒啫喱。
我掙扎嘅動作減弱，甚至，有啲配合佢。
 
啫喱繼續攬到我好實，正確嚟講係半壓住我係床。
正當我已經有心理準備，佢會有再進一步嘅動作時，佢…昏睡咗！！
 
我瞓咗係到不禁失笑！
啫喱呀啫喱，等我重以為你就係解我心結嘅人添！


 
我奮力推開咗佢，再同佢蓋返好被。
係雪櫃搵到張退熱貼，幫佢痴咗係額頭到。
我唔想大家第二時見面尷尬，所以決定靜靜哋離開，不留一點痕跡。
 
抹咗面先落樓下，經過烘培房見到強哥。
同咗佢講聲啫喱發燒，麻煩佢同強嫂照顧下，重講咗個小小大話，話啫喱一直唔鍾意俾朋友見佢個瞓覺樣，所以我拜託佢哋千其唔好同啫喱講我嚟過，唔想連朋友都無得做。
 
我過返去Knot，好似無發生過任何事咁同Kwan 仔傾好full time嘅條件。
佢應承咗，我俾佢做part time直到7月畢業先。


 
另外都通知佢可以放下假，Knot 會係八月尾休息一個星期。
係時候，要過一過台灣。