[校園鬼故事系列 2] [又係你呀陳生] 十不思議事件: （四十二）
「咦，你地？岩岩發生咩事？邊個救左我？」我看著最接近我的雷少詢問。
「岩岩……發生嘅事，我都唔識講！」雷少看來還有點害怕。
「等我講啦，頭先我去左天台設置結界時，想不到會遇到這種情況！」Irene說。
─────────Irene視角─────────
「你地幫我頂住一分鐘啦！我會好盡快搞掂！」我對雷少和冰冰說！
我雖然內心非常焦急，但仍努力維持平靜！
因為這個咒語非常複雜，我雖要絕對的專注，才能有把握成功！
那一分鐘的時間，就像過了一整個月似的！
我不斷看著雷少和冰冰，在天台的入口處努力的阻擋著那些邪靈！
便愈感到緊張，幸好，最終我在沒有任何失誤的情況下，完成了咒語後，我幾乎把所有的靈力投入到結界當中！
那些原本想進入天台的邪靈，一下子都給我驅散了！
由於消耗了大量靈力，我整個人近乎虛脫似的，幸好雷少和冰冰和我在一起，他們把我扶起，慢慢的去尋找你！
我們在其中一間課室找到你，原本也立即放下心來！怎料到，課室外突然傳來一陣笑聲！
「哈哈哈！陳子鋒，你仲話想對付我？淨係我D手下都搞到你咁，仲諗住同我鬥！」一道黑影慢慢從窗外進到課室中。
「你就係黃大一？」我問。
「關你咩事？咦？哈哈，你都識D野喎，靈力唔錯，可惜係女人，我用唔著你嘅身體！」
只見那黑影向我們揮了一下手，一陣強風立刻向我們三人撲來，我們被強風壓逼得退到牆邊，冰冰更發出痛苦的呻吟聲！
「可惡！臭妖怪，看符！」我運起指印，抵抗他的強風，並把引雷符扔向那黑影！
然後一道強光穿過那黑影，強風便停止了！
「果然唔錯！可惜你D力量用得七七八八，如果唔係應該可以傷到我一條頭髮嘅！哈哈！」那黑影恥笑著我。
「哼！你唔駛旨意帶走子鋒！」我用銅錢劍刺向黑影，卻發現完全刺不進它的體內，仿佛有一道無形的牆阻擋著我。
「你冷靜D！我幾時有講過要帶走佢者！我只係黎睇下佢，上次佢講到佢師傅有幾勁咁，又話要消滅我咁，我咪特登黎睇下佢囉！不過，就咁睇黎，佢師傅應該未返到黎幫佢喎！抑或你就係佢師傅呀？不過你咁廢，無理由係佢師傅卦！」
「咁你想點？我師傅返到黎係唔會放過你！」我仍然不肯示弱！
「又係師傅，一個二個徒弟都咁鬼廢，師傅都唔方勁得去邊啦！我今次黎，係專登好好人咁通知你地，我今晚十二點就會完全恢復！佢地係我派黎同你地打聲招呼嘅，估唔到都已搞成咁！不過放心啦，我好好人嘅，當我接管左呢個細路嘅身體，我只殺村外嘅人！你地我都可以放過嘅，不過你地嘅靈魂都要歸我管！」那黑影不可一世地對我們說。
「哼，你估我會咁蠢應承你咩？鬼嘅要求一個都唔可以答應，呢個係三歲果陣我已經知道啦！我係估唔到做鬼會蠢做你咁，專登話俾我地聽你幾時復元！咁我地就有大把方法可以對付你！」我說。
「就憑你地？黎多一百個都唔係我對手！我話俾你地知我幾時復活，係想你好好珍惜剩落黎嘅時間，尤其是係呢個細路，叫佢好好做埋想做嘅野啦！如果佢仲有心情嘅話！哈哈哈哈！今晚我會係學校等你地黎，不過唔黎都無所謂，我嘅血肉已經同呢個細路同步，我隨時可以感應到佢係邊！只不過係搵佢嘅途中，我會見到咩人就殺咩人！哈哈哈哈，你地自己諗下啦！十二點見唔到你地嘅話，我就搵最近嘅人黎開刀！！！！」黑影在作出威嚇後，便消失於我們眼前。
然後，我們處理了很多事情，亦把情況告訴了林副校，希望他幫手！
如果明天六點前收不到我們的訊息，可以當作是緊急情況處理，林副校會盡一切方法阻止學生回校的！
─────────Irene視角結束，切換回陳子鋒視角─────────
「跟住我地就搬左你返黎我屋企先啦！天賜同阿詩係我叫黎幫手嘅！」Irene說。
「哦，咁者，唔駛擔心喎！同計劃無分別！本來我地就係諗住同佢對抗，之後我就俾佢入侵身體架嘛！依家佢只係黎增加我地嘅恐懼感者，到時佢一入侵我身體，我地就贏架啦！」我說。
「講係咁講者，我反而擔心緊，雖然個公仔有結界阻擋住，應該唔會俾佢發現！但佢無理由諗唔到我地有後著，點解佢仲咁從容？」天賜懷疑地說。
「可能佢真係咁蠢呢，唔好理啦，總之照計劃進行啦！依家佢主動話個時間俾我地知，我地仲唔駛煩幾時去搵佢添！我地一於大搖大擺咁去學校對付佢！」我樂觀地說。
「望就咁望啦！雷少，冰冰，頭先唔該晒你地！但今晚實在係太危險，我勸你地都係唔好去比較好！」Irene說。
「吓？但係……」兩人同時欲言又止，大慨是在掙扎著應否跟著我們！
「Irene講得岩，愈多人只會愈危險！而且知道詳情嘅，就只我地六個人，如果我地真係有咩事，你地都可以再諗辨法幫我地！所以你地唔駛介意唔同我地一齊去，你地嘅角色都好重要架！」阿詩說。
「無錯啦雷少！我雖然識左你幾個月，但我信得過你，如果真係出左咩事，到時就靠你地幫手啦！」我拍了拍雷少的膊頭，示意他不用擔心。
「咁好啦！不過你地係唔會有事嘅！我地聽日仲要一齊係聖誕聯歡會入面抽禮物架嘛！」雷少說。
然後，我們檢查了所有的東西，便浩浩蕩蕩的向學校出發了！
而雷少和冰冰便先行離開！
「依家幾點呀？」我問。
「十點囉！」天賜回答。
「你估聽日聖誕聯歡會，我會抽到D咩呢？」我問。
「唔知呀，到時你咪知囉！」Irene說。
「你地唔好咁緊張啦！無事架喎，之前我死晒狗咁，依家咪一樣好地地！黎，開心D，笑！」我作了個鬼臉，讓他們稍為放鬆一點！
「頂你，今晚好重要架，仲玩！」
在我的鬼臉效應下，整個氣氛輕鬆了不少！
經歷了這次事件後，我明白到，心情和意志是必需時刻保持正面的，不然便會很容易給人乘虛而入了！
當然，我知道這次是非常驚險的一次，但正是這樣更要保持平常心就是了。
我們早了差不多兩小時來到學校，結果四人像傻子一樣在操場呆等！
「我地其實咁早黎為乜？」我問，結果給他們三人賞了我一拳！
「咩者，咁係呀嘛！大家輕鬆D啦，無事嘅，總之陣間快快趣趣搞掂晒D野，我地返去好好訓返覺咪得囉！」
然後，我們開始聊起天來，感覺就像來學校露營的感覺，好不舒服！
「嘟嘟嘟嘟！嘟嘟嘟嘟！」忽然，天賜的手機響起來了。
「我較左鬧鐘，仲有十分鐘就到十二點啦！」天賜說。
「真係掃興，岩岩傾得興起架嘛！」我說。
「集中D啦，完左之後搵日陪你傾天光啦！」Irene說。
「咁好啦，我地準備埋D野啦！阿詩，你去小食部果邊，Irene會畫個結界俾你保護你！我估黃大一應該會知你係度，但唔緊要，你只需要留心佢幾時入侵我身體就架啦！最尾就靠你挖返個公仔出黎，放佢入袋架啦！」我把太極袋子和繩子交給阿詩，然後Irene給她設了個結界！
「好，咁我地幾個，就盡量挑戰佢啦！反正就當係成果發表會咁，將學過嘅道術施展出黎就得啦！」我其實這數天一直在練習九字護身法，不知道能否成功使用出來呢？
還有一分鐘，這最後一分鐘真的很漫長！
「子鋒，你咪問過我，點解第一次見你果陣，我會叫自己做黃炎冰嘅？如果你今次無事，我就同你講返點解！」Irene話音剛落，我們只感到溫度突然下降！
「歡迎黎到呢個盛會！咦，得你地四個？我仲以為有好多人黎幫手添！」在我們面前，突然出現了一個人，使天賜和Irene都露出了驚訝的神色，我猜在一旁的阿詩也是如此吧！
因為，這個黑影，竟然化身成我的容貌，只有下半身仍是維持著黑影的狀態！
「我知我靚仔，你都唔駛化身成我個樣架？」我冷不防把手上的銅錢劍扔向他，但銅錢劍在他面前硬生生的停了下來！
「無D規距，咁樣同我打招呼嘅咩？我都係想你D朋友習慣下我者，畢竟你身體即將會為我所擁有！不過都唔係，如果我佔據左你嘅身體，你D朋友又唔係村入面嘅人，咁我又駛咩俾佢地習慣呢，反正佢地都係要死！橫掂都係，不如你地就依家去死啦！」他說完後，又變成一個黑影，然後只見我們四周，忽然出現了一群不思議事件裏的邪靈，向Irene和天賜襲來。
我知道，這正是開戰的訊號，我馬上嘗試結起九字護身法的手印，卻一點效果也沒有！
我只好以劍指和符咒迎戰，這次的數量明顯及不上中午時的數量！
很快，我們便把所有邪靈消滅了，當然，只有黃大一例外！
「估唔到你地可以消滅晒我D手下呀！咁等你地體會下咩叫恐怖啦！」黃大一在半空中詭異的說著！
我們立刻警戒著，然後把所有學到的指印和咒語全都使出來了！
但對他來說，好像完全沒有作用似的。
他很快的撲向Irene，進入了她的身體後，便消失了。
我和天賜只發呆了大約一秒的時間，便聽到Irene的慘叫聲！
然後，黃大一從Irene的身體走了出來。
「哈哈！美味美味！估唔到呢個細路嘅恐懼感咁好味，哈哈哈哈，唔知你嘅又係點嘅呢？」黃大一把目光轉向天賜，這次，輪到天賜發出慘叫聲了！
「點呀，細路，得返你，都係乖乖地交你個身體俾我啦！」黃大一對著我說。
「邊個會聽你講！九字護身法！一定要成功呀！」我襯黃大一襲擊他們的時候，我不斷嘗試運起這個曾經學過的咒印，這次總算發出耀眼的光芒了！
「YES！成功啦我！哇，不過真係好鬼攰，用得太多靈力啦！」我半跪在地上。
「呢個就係你最後一招啦？都無乜野者，咁好啦，唔好浪費時間，交個身體俾我！」黃大一毫髮無損，然後向我襲來。
我只感到一陣涼風進入我的身體，然後大量的負面感情湧入我的腦內，我總算明白剛剛天賜和Irene的感受了。
「好，來得好，我個身體，你即管拎去啦！」我心想。
在感到他嘗試奪走我的身體時，我感到他被一種力量吸走了，大慨是飛向那個替身公仔吧！
太好了，我們終於贏了！