[校園鬼故事系列 2] [又係你呀陳生] 十不思議事件: （四十一）
星期四午飯時間。
我和Irene留在學校，沒有出去吃飯。
「呀，好攰呀！」我又和Irene在校內巡邏著。
「頂住啦，聽日就星期五，師傅返黎就無事啦！」Irene說。
「雖然係者，但都係攰架嘛！」我說。
「淨係識呻攰！好心你有D危機意識啦，除左星期一，呢幾日居然乜都無發生，你唔覺得奇怪嘅咩？」Irene說。
「有咩咁奇怪者，我地之前係D通告畫晒符，佢地無事好正常者！」我理所當然的回答。
「係咁簡單就好啦！同埋無晒D不思議事件，我地就無辨法預測黃大一幾時出現！」Irene說。
「有咩所謂，總唔係今晚就得啦！」我笑說。
「望就咁望啦！」Irene說。
就在我和Irene在巡邏時，在化學室發生了一件怪事。（注：此學校並沒有生物室。）
化學教師李Sir，由於午後會有化學課，所以他很早便來到化學室準備實驗用的東西。
當李Sir把實驗用品都檢查好後，他便打算先回到教員室！
不知是甚麼原因，他想打開房門離開，卻發現房門被鎖上了！
「頂，個鎖唔係又壞呀？我未食飯架喎！唉，打俾校工叫佢地黎開門先！」李Sir拿出電話，想致電校務處求救。
「嘟嘟嘟嘟！嘟嘟嘟嘟！」電話傳來接駁聲，卻一直沒有人接聽。
「搞錯呀？唔係走晒去食飯呀？一個人都唔留係校務處，無晒規距，等我同校長投訴先！」他掛斷了電話，咒罵著那些擅離職守的同事！
然後，他感到氣溫漸漸下降！
「哇！搞咩呀？咁鬼凍嘅？開窗先！」他心想。
卻發現，不止門口，連窗戶也同樣鎖上了！
他開始感到有些奇怪，忽然間，他的手機響了起來！
「終於有人呢咩？」他以為是校務處的人致電給他。
但電話的另一旁，只是不斷傳來一些詭異的叫喊聲！
那種聲音像受到很大的折磨時發出來的慘叫聲，使他感到毛骨悚然！
他嚇得整部電話掉在地上，然後門口突然被慢慢的推開了！
他馬上跑向門口，只想先離開這個化學室！
但當他想踏出課室外，他感到自己撞上了某樣東西！
他因為這撞擊而倒在地上，當他想再次站起來離開化學室的時候！
他動不了，因為他看到有一群「人」正慢慢從門外走進室內！
這些「人」跟不思議事件裏，生物室事件被解剖的村民，是一模一樣的！
當然，李Sir並不知他們是甚麼東西，他只是呆呆的看著，快要失去意識了！
這些「人」仿佛感到李Sir快要失去意識，其中一個半邊身腐爛，只餘下右手的「人」，拿著一把大刀，一下子砍掉李Sir的右腳！
他馬上被強烈的痛楚刺激著自己的神經，整個人都清醒過來！
但這只是開始，相信李Sir會希望自己失去了意識！
接下來的場景，便是那些人輪流解剖李Sir身體的各部分！
縱使他的叫聲在房內不斷迴響著，但竟然沒有一人察覺到！
即使是子鋒和Irene，也沒有聽到！
李Sir身上的肉，已經被這些「人」括掉了接近一半，血染經了整個地板！
他卻仍然清醒著，想暈過去也沒有辨法！
正當李Sir想用盡最後一絲力氣咬舌自盡時，化學室的門再次被打開了，同時，他也失去了意識！
化學室的門被誰推開了？
當然是我和Irene，我們並不是感覺到任何奇怪！
只是剛好巡邏到了化學室，推開門後，看到一群腐爛的人群，便開清理這房間！
把那些靈體驅趕後，我們把教師送到醫療室，然後他被送去醫院了！
「奇怪，點解無啦啦又會出現返？」我說。
「唔知道！不過我有D唔好嘅預感！」Irene說。
「唔好嘅預感？咦！Irene你記唔記得，生物室之後，係邊個不思議事件呀？」我問。
「我記得……好似係音樂室事件！」她說完後，我們馬上跑向音樂室！
我們打開房門，只見音樂老師已經暈倒在地上！
面前正有數個小朋友靈體，滿臉鮮血的纏在老師身上！
「破！」Irene運起劍指，把這些靈體都驅散了！
「搞咩呀？點解無啦啦咁多嘅？」我問。
「唔好講咁多啦，下一個不思議事件係咩？」Irene說。
我還沒有來得及回答，聽見多個課室傳來慘叫聲！
「弊！我地快D去睇下！」
我和Irene跑了去下一個課室，只見又有一間課室出現滿滿的吊死屍！
「唔好理住，去下一間睇埋先！」
我馬上拉著Irene去了另一間課室，結果看到那些血淋淋，生物室事件的靈體！
「痴線！點會咁！根本驅趕唔晒！Irene，你唔好理佢地住，我係天命叔個道壇拎左D令旗過黎，你去我課室拎返D旗，再上天台整返個結界！如果唔係逐間逐間房搞，天黑都趕唔晒！」我推了Irene一把，讓她上去天台，自己則衝進那些課室驅趕它們！
「咁……你頂住先，我即刻上天台搞！」Irene的聲音漸漸遠離！
「明明聽日先係聖誕聯歡會，估唔到今日會有Pre Xmas Party俾我玩，但無靚女嘅Party我係無興趣架！你地都係返屋企自己玩啦！」我把藏在身上的符咒和銅錢劍拿了出來，向他們刺去！
─────────Irene視角─────────
「子鋒間課室係邊呀，頂！咦，果個咪……冰冰同雷少！」我跑了上去。
「咦！Irene！唔知點解，突然間所有課室都有唔同嘅不思議事件出現！我岩岩用天命叔D道具趕走左D，突然間又有一堆靈體出現！我手上D道具用晒啦！」雷少說。
「唔好講咁多住，子鋒坐邊個位？」我問雷少。
雷少指著靠窗口的位置，我馬上運起雷指印，一道又一道閃光在課室中不斷閃爍耀著，直至所有靈體消失！
「雷少，冰冰！你地上天台先，我要你地幫我手整結界！」說完後，我馬上走到子鋒的位置，把所有能用的東西都放到他的背包裏，然後整個拿走！
「好，雷少，冰冰，幫我將令旗插好！係，無錯！將D符貼上去，係，無錯！」我指導他們插好令旗，自己則在翻閱天命叔的結界書！
「聽住，呢度有幾道符同埋兩把銅錢劍！陣間我會企係呢個三角形中間，因為要起呢個結界，我需要一分鐘時間唸咒！陣間你地見到有任何靈體或任何生物想靠近我，就幫我趕走佢地！一分鐘之後，我就可以將呢D麻煩野全部隔離！」我說。
「頂住呀子鋒！」我心想，然後開始默默唸咒！
─────────Irene視角結束，切換回陳子鋒視角─────────
我坐在房間中，老師桌子前，看著不斷從門口湧進來的靈體！
別看我坐在椅子上，以為我很從容，實際卻是非常疲勞！
因為不斷襲來的靈體，把我體內的靈力消耗了很多！
「Irene你搞掂未呀？我真係會頂唔順架！」我站了起來，再次運起劍指，驅趕向我襲來的靈體！
「仆你個街！我睇你仲有幾多！」我繼續在課室裏亂舞著，像個精神病人似的。
忽然，我感到背後的衣服，被甚麼拉了一下似的！
我回頭一看，是一個無頭的女生！
「哥哥，可唔可以幫我搵返個頭呀？」她對我說。
沒有頭的女生，究竟聲音從哪裏出來的啊？
現在不是想這些的時候，我嘗試把她甩開，卻被她以更大的力量抓住！
「哥哥，你做咩唔答我呀？你係咪收埋左我個頭呀？」
我嘗試結起手印，卻因感到她的手正在用力，使我痛得不能集中結成手印！
「我命休矣！」
幸好，在我面前的無頭女生，和在我後面張牙舞爪的靈體，一瞬間全部消失了！
「好在你趕得切，如果唔係……我已經……」結果，我又再次失去了意識！
再次醒來的時候，我發現自己已在Irene家中！
而雷少、冰冰、天賜和阿詩，全部都在場！
究竟剛剛發生了甚麼事，為甚麼我會來到這裏？