[校園鬼故事系列 2] [又係你呀陳生] 十不思議事件: （三十八）
─────────張天賜視角─────────
翌日，Irene帶著我和阿詩，來到學校。
「係呀，呢兩位係黎幫手架。我通知左老師架啦！係，好呀，唔該晒你呀，娥姐！」Irene跟校工交代了兩句後，便順利帶他們進入了學校。
他們三人，首先來到Irene的課室。
「好啦，天賜！我帶左你地入黎啦，你究竟想做D咩呢？」Irene問。
「我黎學校，係為左搵成間學校嘅至陰之地！然後將呢仔公仔埋落去！」我手上拿著一個穿著道袍，貼有一張寫有生辰...字的公仔，展示在兩人面前。
「呢個係？」Irene問。
「其實之前，我同老豆傾過電話，佢除左叫我拎本結界書俾你，佢仲同我講，子鋒今次呢個刧係無得避嘅！而且仲好有可能，要埋佢條命！」我解釋。
「咁嚴重？」Irene驚道！
「無錯，所以老豆佢知道左呢單野之後，已經即刻係中山趕返落黎！但尋日我收到老豆電話，原來佢係上面遇到D麻煩，所以到依家都未落到黎！我將我地個情況講晒佢知，佢已經覺得事態好嚴重！所以佢交代我盡快黎學校，將呢個替身公仔埋好，幫個死仔包頂一刧！而且仲叫我黎幫手檢查下個結界，老豆話如果隻野已經恢復得七七八八，上次個結界未必對佢有用！」我說。
「咁嘅話，我地應該點做？我有咩可以幫到手？」Irene問。
「呢度係呢間學校嘅平面圖，我尋晚用左少少時間將學校嘅座標，同埋周圍嘅建築物嘅座標做左少少紀錄！仲有，呢度係天賜叫我幫手，畫返低已知嘅五行圖，但有D我同天賜都唔知點畫，所以都係要你幫手搵返學校嘅至陰之地出黎！」阿詩從背包裏拿了一張頗大的平面圖出來。
「吓？阿詩你用左一晚畫晒出黎？」Irene拿著那平面圖，驚訝地說著。
「係呀，因為天賜話好重要，咁樣先可以盡快幫到子鋒！所以我已經盡量畫架啦，不過都係無咁簡單就搵到出黎！」阿詩說。
「你地搵唔到一D都唔出奇，因為除左呢D基本資料，仲要靠五行運算去計返出黎！無學道嘅人唔識係好正常，但你居然可以係咁短時間畫得咁詳細，唔怪得天賜會咁鍾意你啦！」Irene稱讚阿詩，使阿詩的臉都變得通紅。
只是，不知道是因為Irene對她的讚賞，還是因為最後的那句話而面紅。
但肯定的是，阿詩此刻已不再把Irene視作對手了，這也算是一件好事吧！
「好，我搵到學校個至陰之地啦！不過，要將隻公仔埋落去，會有D難度！」Irene放下了紙筆，然後苦惱的說。
「咁者係邊度呀？」我問。
「係操場嘅正中間！」Irene說。
「咩話？咪者係之前其中一個封印點？」我說。
「結界嘅設置地方都有一定限制，所以係至陰之地一D都唔出奇！但係，無啦啦點樣俾你係操場正中央埋隻公仔落去？」Irene說。
「呢樣野陣間再諗啦，反正依家都無辨法住！我地不如上去天台檢查下個結界先啦！」阿詩說。
於是，我們三人，決定先上去天台。
就在來到天台前，Irene突然停了下來！
「做咩呀Irene？」我問。
只見Irene在樓梯處來回踱步，像思考著甚麼似的。
「我係樓梯設置嘅結界......消失左！」Irene說。
「吓？咁天台個結界咪？」我說完後，馬上跑去天台。
到了天台，只見原本那五支令旗，全部都折斷了！
「可惡！個結界真係對佢無效！」我說。
「點解會咁架？明明之前同子鋒上黎檢查都無事架？」Irene皺著眉說。
「我諗，由一開始，個結界根本就對佢無效！只係佢有D野未做到，所以先無破壞到，等我地以為佢被我地封住左！但依家......睇黎佢已經做到佢要做嘅野！」我激動地說。
「佢想做嘅野？」阿詩問。
「應該......係同子鋒有關！尋晚子鋒咪同左我地講，黃強俾左杯野佢飲，之後佢就話等黃大一嘅力量完全恢復，就可以迎接成件事嘅結局！」Irene說。
「咁無辨法啦！隻野都做到咁出面，我陣間就落去操場埋左隻公仔先，頂得一時得一時！之後我地就趕去搵子鋒，叫佢黎緊都唔好返學校，頂到我老豆返黎！希望咁樣可以減少佢同黃大一之間嘅接觸，保住死仔包條命！」我說。
「日光日白你走去挖開個操場？得唔得架？」Irene疑惑的說。
「唔怕，我帶晒工具黎啦，有鏟有紅毛泥咩都有，就算係打爛成逆牆，都可以整返架！」阿詩邊說邊展示背包裏的道具，她當那個是百寶袋嗎？
「吓，你都幾......有準備喎！但今日雖然係放假者，都好難保證無校工見到架喎？」Irene說。
「呢層唔駛擔心喎，我諗過架啦！陣間你係操場整一個結界，等天賜可以有時間埋左個公仔！咁呢段時間，我就同你去纏住D校工，拖得幾耐得幾耐！就算唔好彩有人睇到，佢都埋唔到去天賜身邊！完成晒之後，我地即刻上返黎扮無事，就算有人睇到，最多以為自己撞鬼者！反正呢度咁多傳聞，都唔差多呢一單啦！」阿詩笑著解釋。
「哇，呢條女諗野都幾......積極喎！難怪可以同到天賜拍拖啦，睇佢個樣，應該唔會有異性埋到天賜身！」Irene心想。
「咁好啦，決定左就唔好諗咁多啦！我地執埋D令旗，就落去埋左隻公仔啦！」Irene說。
我們三人按照計劃，順利的把公仔埋在操場裏！
「好啦，搞掂啦！希望呢隻公仔真係幫子鋒頂到呢一刧啦！」我說。
然後，我們便一起走去醫院，準備阻止子鋒回到學校！
－－－－－－－－張天賜視角結束，切換回陳子鋒視角－－－－－－－－
昨晚Irene離開後，我躺在病床上思考著Irene和天賜的說話。
但同時，黃強在小屋裏對我的說話，在我腦海內不斷徘徊著！
究竟，甚麼才是對？甚麼才是錯？我真的是這麼自私嗎？
比起承受傷痛，犧牲自己又是錯嗎？
我不得不承認，我的思緒非常混亂！
而更大的原因，是黃強的價值觀，強烈地衝擊著我！
看似和我遙不可及的想法，竟也會有相似的地方！
把天賜他們拖進這件事中，是自私的行為！
和天賜他們切斷關係，也是不負責任的行為！
此刻，好像做甚麼也是錯的！
我自以為有一些小聰明，有自己的一套想法和主張，但......我又能夠無悔的說一句「我是對的」嗎？
「呀！！！！我應該點做呀？」我在心中咆哮著！
可能思考太多的關係，我不知不覺的陷入了睡眠當中。
然後，我又發夢了。
這次，不是夢到小詠，不是夢到黃大一。
而是在這幾年期間，我一直經歷著的奇怪事情。
每次發生這些靈異事件，它們都涉及不同的人物！
每個人都有不同的背景，靈異事件發生的原因也不盡相同！
有為了復仇的，有為親人的，有為了愛情的，也有為了錢財的......
現在再一次回想這些事件，我能切實地說，天命叔把他們都收伏了，真的是一件好事嗎？
我夢到了中一時的我，那時的我正在經歷小敏事件！
然後，我夢到了自己正在探望監獄裏的堅叔！
「子鋒，多謝你每次都帶俾我堅嬸嘅消息，但我係監獄入面咁耐，之所以可以捱到依家，係因為多得你嘅鼓勵！但係你日後一定會遇到更多嘅困難，你要記住，任何時候，都要記得自己嘅信念！呢個係你嘅優點，亦都係你最大嘅武器！唔好因為呢個世界扭曲嘅價值觀而影響到你，你覺得係岩嘅，就要堅持去做！只要你做嘅，係岩嘅就得架啦！」堅叔說。
聽到堅叔的說話，我才突然醒覺，信念！我的信念！
一直以來，只要是對的事情，我也會一直堅持到底，縱使結果不如意！縱使過程不愉快！
我也不曾後悔過，因為這是我所選擇的，所能做到的，最好的結果！
那麼，這次的事件又如何？
我究竟想怎樣？甚麼才是正確的？
為甚麼我要選擇救部分人而犧牲自己？
為甚麼不可以選擇一個可以把全部人都拯救的方案呢？
我明白了！我知道甚麼才是最好的選擇了！
天賜，這次我不會再說甚麼讓你退出的！我已經想到如何解決這該死的黃大一了！
夢中突然白光一閃！
所有影像都改變了，變成了之前一直在發的夢！
我的屍體正躺在操場中間，然後那黑影嘗試進入那個我的體內！
但這次，卻沒有成功！
接著，那黑影轉過身來，用那雙散發著綠光的眼睛看著我，並開口對我說話！
「黃強佢點搞架？又話已經成功將恐懼種入你心入面，點解你依家會咁有精神架！明明我入侵多一次你嘅思想，就可以得到你！」
「哼！你就係黃大一啦？唔好再扮咩黑影啦！出黎見我啦！」我說！
「係，我係黃大一，俾你知道我係邊個，咁又點？你都飲左黃強俾你果杯野！我遲到都可以得到你！」那黑影由一個看不清的形像，漸漸化成一個少年的樣子，這個模樣非常熟悉，當然了，那正是我的臉容。要說有甚麼不同，大慨是他的下半身，還是維持著黑影的模樣。
「哇，頂你！我靚仔者，你都唔駛扮到我咁樣架！」我不滿地說。
「死到臨頭都未識驚！之前你夢見自己嘅屍體俾我入侵，其實係我入侵緊你嘅思想！之所以具現化俾你睇到，係為左增加你嘅恐懼感！你呢種平時無乜負面情緒嘅人，產生出黎嘅負能量特別好味！哈哈哈哈！本來今晚你俾我入侵埋你嘅思想，我就可以借你嘅身體重生架啦！不過唔緊要，我嘅力量都就黎恢復，到時唔需要咁麻煩，我可以直接控制你啦！」黃大一說。
借我的身體重生？不會吧，我還以為他只是想要我的命而已。
「哼，你話重生就重生呀？唔好當我傻嘅先得架！你最多係殺左我者，我唔怕你架！」我說。
「傻仔，你果日飲黃強果杯野開始，你就注定會被我入侵重生！話埋俾你知都唔怕，果日飲果杯野，係滲左我嘅骨灰！一般靈體要入侵活人嘅身體，仲要拎埋對方嘅身體變成自己，當然無可能！但依家我已經係你身體嘅一部分，我唔再需要你同意就可以入侵你身體架啦！而且你嘅思想同靈魂，已經俾我入侵左大部份，只要我力量完全恢復，就可以得到新嘅軀體！到時我就可以親自用我雙手，殺晒入侵條村嘅人！」黃大一說。
媽的，他說甚麼？骨灰？不會吧？
我真的有點想吐的感覺，但現在可不是這樣做的時候！
「就算係又點！我只要係你力量恢復前收拾你就得啦！仲有，我師傅返緊黎香港，佢一到你就死緊！有種唔好入侵我身體同我師傅鬥過！」我說。
「你估我係你咁蠢咩？一係你乖乖地依家交個身體出黎，咪唔駛擔驚受怕囉！我仲可以應承你，唔搞其他人！」黃大一把手伸向我，仿佛向我示好似的。
「你唔係諗住我仲會聽你講呀？我依家已經諗通晒，你唔會再可以乘虛而入！仲有，呢個係我個夢，你同我消失！」我展示自己的靈力，準備驅趕黃大一。
「你趕我走都無用，仲有一個星期，我就可以恢復晒所有力量，到時就係你嘅死期！亦係我重新嘅時候！哈哈哈哈！」黃大一說完後，他開始慢慢消散了。
「最後都講咁多廢話，YES！第一次真正咁趕走佢！返去食雞脾慶祝先！咦？但我點樣離開自己個夢境呢？」我說完，便失去意識了。
「我要食雞脾！」我突然的清醒過來，看到天賜他們正站在我的床邊。
「食乜鬼野雞脾呀你！痴完未呀？」天賜說。
「你就痴！食雞脾都不知幾正常！同埋，對唔住！」我這話不單是給天賜聽的，而是給在場的所有人聽的。
「你應該真係痴左線，居然會講對唔住？阿詩你話下佢啦！」天賜拉了阿詩過來。
「子鋒無痴線，佢不嬲都係咁，傻下傻下架啦！不過，睇黎你兩個都無事架啦？」阿詩說。
我低頭不語，沒有回答她的提問。
「喂，搞咩呀你？唔係諗通左咩？又黎唔出聲？」Irene說。
「係，我已經諗通左！我需要你地幫手！今次你地想走都走唔甩架啦！但係，首先，你地要知道返我地仲有幾多時間，同埋黃大一嘅目標究竟係咩先！」接著，我把所有已知的東西，毫無保留地告訴他們！
來吧，事情總該有個完結的！