[校園鬼故事系列 2] [又係你呀陳生] 十不思議事件: （三十六）
掛了電話後，我打開了天命叔給我的袋子，裏面全都是道家用的符咒和道具。
但這次我的對手是人，活生生沒有被操控的人，這些東西可派不上用場！
我苦惱了一會兒，時間已經過了十分鐘。
沒有時間了，結果我甚麼也沒有拿走，就這樣乘地鐵到了坑口。
來到坑口後，我大約還有十分鐘時間。
我經過厚德村，越過隧道後，來到坑口村，張伯的家門前。
我看了看手錶，還有三分鐘！
我依指示推開了大門，屋子裏面暗暗的，透過從窗簾間滲進來的陽光，勉強能看到大廳的佈置。
在大廳裏，黃強正坐在梳化，氣定神閒的等待著我。
而雷少和冰冰，則在一旁，被蒙起雙眼和綁起了手腳，這情況下真不知道他們是死了還是怎樣！
「陳子鋒，你遲到左一分鐘啦，睇黎你都唔係好重視佢地者！」黃強拿起了手上的刀子，在他們的面上晃動著。
「咩遲到呀？我早左黎架喎，你唔好亂黎呀！」我口上雖是這樣說，但身子卻不敢移動半分，我實在猜不到這瘋子接下來會做些甚麼！
「冷靜D！唔好咁大聲，雖然附近應該唔會有人，但你再大聲亂叫，我就當你反抗！你反抗呢，受罪嘅唔係你，係佢地兩個！你想睇冰冰俾我畫花塊面呀？定係雷少嘅大動脈噴泉呢？」他把刀子慢慢從冰冰的臉上，移動到雷少的頸動脈旁。
「好，我聽你講！唔好亂黎！」我壓低了聲音，雙眼緊緊的看著他手上的刀子。
「咁咪好囉！嗱，你慢慢行過黎！然後呢，係我對面呢張櫈，有條繩係上面，麻煩你過黎坐低，綁住自己對腳！你唔好諗住衝過黎或者有任何奇怪動作呀，我好易受刺激，一受刺激，我把刀就唔知會點架啦！哈哈！」黃強邊笑著，邊看著我，手上的刀子卻是半點也沒有從雷少頸少移動過！
我只好聽他的吩咐，慢慢走到椅子旁，看著椅上的繩子，我應該怎樣做呢？
和黃強距離大慨有六至七個身位，如果我真的撲上去，會來得及阻止他嗎？
「喂！快手D啦！你再唔綁住自己，唔好怪我刀下無情呀！呢個距離，應該夠我殺晒佢兩個啦，哈哈！定你想救自己，放棄救佢地呀？即管黎啦，我一早同你講過，人性就係咁，你要救自己係無可厚非架！犧牲佢兩個，捉住我，無人會怪你害死佢地！而且又可以捉住我呢個殺人犯，一舉兩得！只要你承受到，佢兩個係俾你害死呢種心理就架啦！黎啦，陳子鋒，突破佢啦，過黎捉住我啦！哈哈哈哈！」媽的，這瘋子！
「正義嘅人有自己嘅戰鬥方式！如果你一踏入邪道，就好難返轉頭！」天命叔的聲音在我腦海中響了起來。
這種時候，我還能有甚麼戰鬥方式？
但，要我決定，間接害死兩條人命，這……我可做不到！
「陳子鋒！你唔決定就等我幫你！」黃強對我說，然後刀子微微刺向雷少！
「停手！我綁！唔好傷害佢地！」我能有選擇嗎？沒有！我根本沒有選擇，即使不是我自己動手殺人，但間接害死他們，我還是做不到！
我把繩子拿了起來，坐在椅子上，把我的雙腳綁了起來！
「Good boy！一早咁做咪好囉，我其實都係好人黎，我唔想傷害你地架！係黃大一逼我，我無錯架！不過話時話，如果上次係坑口村撞低你之後，你乖乖地俾條蟲控制，我今日都唔駛搞咁多野，捉佢兩個引你黎。」黃強說。
「對我落降嘅果然係你！」在我身內的那條蟲，果然是黃強做的。
「係呀，黃大一教我咁做架！不過唔熟手真係唔熟手，搞左咁多野都係控制唔到你！早知係咁，一早捉你黎就唔駛煩啦！」黃強說。
「哼！我聽晒你講啦，快D放左佢地！」我說。
「No No No No No！陳子鋒，你仲係唔明白遊戲規則，依家好明顯係我做莊，我話事！我勸你都係唔好亂講野，刺激到我，如果唔係，我唔單止唔放佢地！陣間好似張伯咁，唔小心俾火燒親，就唔係咁好啦！哈哈哈哈！」黃強無恥地笑著。
「你……張伯真係你殺！點解要咁做？」此刻的我，感到怒火在心裏燃燒著，真想狠狠的打這個敗類一頓！
「唔係我想殺佢架，係佢逼我架！佢咁大個人，應該知道唔好亂咁睇人地D野啦，點解佢要睇到我收埋呢盒野呢？不過我都算係咁啦，我整暈左佢先燒屋架，咁佢咪無咁痛苦囉！」黃強說著，從梳化底下，拿出了一個鐵盒。
只見他慢慢把那個鐵盒打開，內裏有一個密封的袋子，裝著一些粉末。
我看著那袋粉末，心中有種不太舒服的感覺！
「係咪好想知係咩黎？等我話俾你知啦，呢D係黃大一嘅骨灰黎，我用左好多時間，將佢俾人封印住嘅骨頭挖出黎，之後做左好多嘅消毒工序，先可以整成呢一袋粉末架！好珍貴，你想唔想睇下？」黃強把那袋骨灰展示在我面前。
「黃大一嘅骨灰？點解你要咁做？」我有不好的預感，卻說不出所以然來！
「點解，你遲D會知架啦！不過，我真係估唔到你咁蠢，會黎救佢地兩個！如果我反口，即刻係你面前殺晒佢地，唔知你會點呢？」黃強說著，把小刀在他們兩人身上遊走著。
「你！你要嘅係我，唔好搞佢地！你講過，黃大一要嘅係我，我依家自殺嘅話，你唔會再有利用價值，到時你都會一齊死！」這瘋子，一直在刺激我的神經，我死了能把他帶走的話，倒也是不錯的選項。
「咦，子鋒，估唔到你會蠢到呢個地步喎，用自己黎威脅我？可以生存多一日梗係好啦，但我一早已經諗住拉埋你地黎陪葬！如果你真係諗住殺我，頭先你就應該唔好理佢地兩個，衝過黎打暈我啦！你知唔知你依家呢種行為叫咩呀？叫虛偽呀！你以為犧牲自己黎殺我就得咩，佢兩個咪一樣要死！講到尾，你都係唔想承擔責任，以為死左就一了百了！我話你知，就算你死左，令到黃大一殺左我，但你一樣改變唔到，你害死佢兩個嘅事實！」黃強說完後，把刀子一下子插在兩人旁邊的梳化上！
他的舉動使我非常害怕，嚇得全身也冒出冷汗！
他說得對，我只是想逃避責任而已，即使自殺可以把他帶走，但也改變不了任何事！
我的心，在此刻被他完全折服了！
「你又唔駛咁灰嘅，睇在你懶係為朋友份上，我應承你唔會傷害佢兩個啦！」黃強說。
這算甚麼？這是在跟我鬧著玩嗎？又想欺騙我嗎？
我用疑惑的眼神看著他。
「唔好咁望我啦，我都話我係好人黎！何況，你都無得揀！你依家只能夠相信我，係咪？」黃強對我說。
「好，我信你，你究竟想點？」我才不會相信，他會無條件的放過他們。
「哈哈，估唔到你都蠢唔晒！好簡單啦，殺左你對我無好處，我仲想慢慢睇你地受折磨架嘛！所以，你唔駛驚我今日會殺你地！呢度有杯野飲，你飲左佢，我就會放晒你地！」黃強從櫃子裏拿出一杯灰黑色的液體。
「真係我飲左你就會放晒我地？」我看著面前這杯不明液體，應該會比天命叔那時的清補涼好些吧！
「黎，信我！反正無得揀，唔好浪費大家時間！」黃強把杯子推到我的面前，示意讓我喝掉。
事情都發生到這個地步，我的確已沒有選擇的權利！
我把眼前的不明液體整杯喝掉！
「好啦，我飲左啦！」我放下了杯子。
「哈哈，好，咁你好好訓一覺啦！醒返之後，等到黃大一嘅力量完全恢復，你就會知道，你飲嘅呢杯野係咩黎！我都會遵守約定，唔會傷害你地，畢竟大結局梗係愈多觀眾愈好架啦！你地就等出面果隻小老鼠入黎救你地啦！哈哈！」黃強說。
其實我已聽不到黃強在說甚麼，只感到自己的意識慢慢遠去！
最後看到的，就是黃強從窗口那邊，離開了房子！