[校園鬼故事系列 2] [又係你呀陳生] 十不思議事件: （三十四）
翌日，來到學校的時候，早上就發生了一件慘事。
「What the fuck！」我禁不住罵了出聲。
「呢次死緊，冰冰知道左會點對我……」雷少說。
放心，我所說的慘事跟不思議事件沒有關係！
而是……
「今次大家測驗嘅成績唔係咁理想呀！所有唔及格嘅同學，聖誕假期要返黎接受三日補課！到時補完之後，會有一次測驗，如果再唔及格，假期返黎之後，每日都要留返係學校補課！好，明白嘅話，就努力啦！」嚴Sir把測驗卷發給我們後，仿佛直接把我和雷少打進地獄中。
「唉，仆街啦仆街啦！」在小息時，我拿著這測驗卷苦惱的想著。
「子鋒，點呀你，考成點呀？」雷少走過來問。
我展示了我的測驗卷，然後哀歎了一聲！
雷少也不見得有多好，他拍了拍我的肩膊，然後把他的測驗卷放在我的桌子上！
「唉！」我倆同時歎氣。
「冰冰肯定捉住我日日補課唔放啦！點算好？」雷少說。
「你都好呀，都叫有女陪！天賜同阿詩知道左，佢兩公婆一齊黎教我就大鑊啦！係佢兩個隔離溫書，我唔想做咁大個電燈膽囉！」我說。
「喂，子鋒！不如……我地諗下計，暪住佢地囉！」雷少提議。
「大佬，點暪呀？你條女就係度讀，阿詩又同你條女好似好熟咁！邊有得走甩呀？」我說。
「我地上次咪有另一份係堂上做嘅測驗卷嘅！你估，我地用果張……過唔過到骨呀啦？」雷少說。
「咦，喂！有得諗喎！」我說。
「但係補課果度點交待好呀？」雷少說。
「補課果D就簡單啦，無人規定唔及格先補課架嘛！到時求其講話有D咩會考訓練班，我諗你條女唔會癲到特登去問D老師卦！」我說。
「聽落……又幾有道理喎！我同你夾定口供，問起上黎，吓，大家識做啦！」雷少說。
魔鬼的計劃，就在此刻正式啟動，我們絕不接受地獄式的補習，哈哈哈哈！
這天時間過得很快！
尤其是受到測驗成績的衝擊後，整天就是呆呆的渡過了。
「喂，你兩個搞咩呀？無野呀？」Irene問。
「係囉，小雷你無野嘛？」冰冰關心的問。
「無，可能有小小緊張者，無事嘅！」雷少說。
「係囉，無野喎！我地快點搞掂呢壇野，跟住快D走啦！」我說。
「咁我開始架啦！我講多次陣間要做嘅野，好簡單！根據天命叔留低嘅記事簿，呢個結界最重要，就係一定要係施放地方嘅最高點！好彩學校附近無咩高嘅建築物，所以我地係天台位置，就可以順利展開結界，封印住黃大一架啦！呢度有四道令旗，陣間我地要係東南西北四個方位，同時固定令旗！之後我會施術，令到旗幟發揮作用！之後，子鋒你就要幫我，將第五支令旗，固定係中心點！我地兩個就同時念咒，以你我嘅靈力作為開啟結界嘅能量，就可以將學校進行一次淨化，同埋將一D唔應該存在係自然界嘅能量困住！估計我地兩個嘅靈力，可以封印到大慨一個月，相信師傅佢地應該會返到黎！之後就等佢地決定，點樣去對付黃大一啦！」Irene解釋待會要怎樣做。
「好似好簡單咁喎？」雷少說。
「無錯，係好簡單！但呢個結界只係針對靈體，如果有人黎破壞嘅話，就會無左用處！呢個四象破魔結界，唔會好似雷少阿叔果個封印咁，會有靈力保護住度令旗，即係話，只要有人想拔走支旗，係隨時可以做到嘅！」Irene說。
「吓？咁流？叫咩四象破魔結界咁威威？原來一野就會玩完，咁點算呀？陣間有校工或者其他人黎拔走左點搞呀？」我說。
「你同我定啦，陣間搞掂完呢度，我地去上黎天台果條樓梯度，整一個結界，用黎混淆D人視線，咁佢地就上唔到黎架啦！」Irene說。
「吓？咁都得，陣間D人以為撞鬼咁點算？」我說。
「喂，咁依家間學校真係有鬼呀嘛！撞結界好過撞鬼啦！係咪先？唔好講咁多，就夠鐘啦，一分鐘後，我地就同時固定令旗！我搞掂晒之後，子鋒你即刻同我去正中間，然後疊住我對手扶實支令旗！用我地嘅靈力去啟動結界！好，大家準備」Irene一聲令下，我們便分別向四個方向走去。
把令旗設立好後，我立上走到正中，雙手疊在Irene手上，跟她一起念咒！
「四象破魔結界！起陣！」Irene和我把最後一句咒語念了出來，啟動結界。
只感到身體的力量像被令旗吸收一樣，然後感到突然有微風掠過，五支令旗微微晃動，發出暗淡的光芒！
那光芒一閃即逝，然後四周回復平靜，涼風停止了！
「搞掂啦？」我看著Irene。
「應該得啦，同天命叔寫低嘅情況一樣嘅！」Irene回答。
「就係咁簡單？」我心想。
「死人頭，縮手啦，仲要落去整結界架！」Irene嫌棄地甩開我的手，我的手是有毒的嗎，不用這樣吧？
「呀，咁好啦，我地去樓梯整埋D手尾啦！」
我們四人一起走到樓梯位置，只見Irene在點燃了一些符咒，在樓梯處念念有詞般。
「好！搞掂！」Irene說。
「又搞掂？有無咁快呀？」我說。
「你自己試下行上去啦！」Irene推了我一把。
「超，行咪行！」
我試著踏上樓梯，然後眼看我快要走到天台門之際，竟發現我重新走回原地，像從沒有走上樓梯似的！
「咦？搞咩呀？」我奇問。
「呢個結界雖然簡單，但道理其實運用左太極八卦嘅原理，令人以為行緊去某個方向，實際只係不自覺間咁走返去原位！一般人無可能破到呢個陣！」Irene自信地說。
「係咪咁堅呀？你方你唔係細細個學黎同人玩捉迷藏，等人搵你唔到咩！」我語帶輕佻地說，結果我肚子捱了紮實的一拳，這感覺跟天賜的反應還真有點像！
「好啦，依家應該無事啦！我地每日上黎檢查一下個結界，只要一路捱到師傅返黎就得啦！」Irene說。
「咁就好啦，小雷，我地唔駛再驚好似之前咁遇到D恐怖野啦！」冰冰抱著雷少說。
結界成功當然是一件好事，但……真的這樣簡單便處理好？
內心有一種強烈的不安感，像在警告著我似的！
「喂，做乜鬼呀你，搞掂晒啦，仲諗D咩呀？」雷少問。
「吓？無，只係……感覺好似好簡單就搞掂咁！有D……奇怪者！」我說。
「諗咁多做乜鬼！我地黎緊日日都會返學架嘛，我地帶齊D符咒，加埋我係度，無事嘅！一定拖到師傅返黎嘅！」Irene說。
「嗯！希望係咁啦！」
我們四人，就這樣離開學校，希望這個結界，真的能有效吧！