[校園鬼故事系列 2] [又係你呀陳生] 十不思議事件: （三十三）
翌日，我早早的起了床，心裏總是有一點不舒服的感覺。
大慨是昨天那個夢，給我的衝擊感太強了吧！
我還未能徹底清醒過來，便收到了天賜給我的電話。
「喂，咁早呀？應該未夠鐘集合喎？」我沒精打采的說道。
「唔好講咁多，你快D開電視，坑口村出左事！」天賜說。
聽到他的說話後，我馬上把電視開了，正好趕上新聞報導的內容！
「今早約零晨二時左右，坑口村一座獨立屋發生火災，消防員接報到達現場，將火勢列為一級處理，並於零晨六時左右撲滅！警方接手到現場調查，於屋主的另一座房子裏，發現了遺書，初步懷疑屋子主人因受抑鬱症困擾，因而選擇了自殺一途，死者姓張，並沒有任何親人……」
「你睇唔睇到呀？」電話那邊傳來天賜的聲音。
「我睇到，果間……就係尋日我同雷少去過嘅果間屋！死嘅應該就係張伯！」看到新聞後，我的疲勞和昨天那個夢帶來的不舒服感覺都一掃而空！換來的，是滿腔的怒火！
雖然跟張伯只見過一次，但感覺他也是一個好人。
而且，昨天跟張伯見面時，他感覺還是很健壯和有精神，說甚麼我也不相信他會自殺！
不論是黃大一，還是黃強做的，我也不會放過他！
我整理好自己的情緒後，便乘車到坑口去！
由於時間尚早，其他人還沒有來到，於是，我一個人走到坑口村去。
走到那屋子附近，只見整幢建屋子也給煙弄黑了！
幸好屋子四周也沒有其他助燃物品，才不至於波及到四周的房屋！
來到現場看到實物，腦海中出現了張伯在火海中的影像，使我更加憤怒！
突然，我感到背後頸上有一種奇怪的感覺！
之後，有一個人重重的撞了我一下，使我跌坐在地上
我還沒有來得及罵人，那人已經在人群中離開了。
「仆街！撞到人道歉都無，屌！」我站了起來，拍了拍褲子，只能看著人群留下了一聲粗口，便回去厚德村跟天賜他們集合。
「喂，死仔！呢邊呀！」天賜看到我，對著我揮手說。
「子鋒，你今朝有無睇新聞呀？張伯佢……」雷少對我說。
「我知道，我岩岩過左去坑口村睇，係黃強間屋黎！其他村民好似都唔太相信張伯會咁樣自殺！照推理應該係黃強或者黃大一造成！」我口上平靜地說，但內心卻仍然感到憤怒！
「咁依家可以點做？原本仲諗住去搵線索，如果依家去，應該咩都搵唔到！一個唔好彩俾D警察見到我地，搞埋我地就麻煩！」雷少說。
「我地都係先上去Irene屋企，再睇下有無咩野準備啦！」天賜提議！
來到Irene家裏，我們在討論著有甚麼對策。
「根據記事簿講嘅不思議事件，仲有D野係可以預測到嘅！就係事件出現嘅順序，直到無頭女事件之後，黃大一先出現！我估計，每個不思議事件需要嘅力量都唔同，所以對我地黎講，係一個好好嘅警示，一旦出現無頭女，即係話，好大機會黃大一嘅力量已經差唔多完全恢復！到時我地未必對付到佢！聽日返到學校，雷少、冰冰、子鋒，你地要幫我整好個封印！拖得幾耐得幾耐！」Irene解釋著她的發現，和吩咐我們明天如何行動！
「喂！子鋒，你聽唔聽到我講野呀？」Irene向沉思中的我問道。
「聽到……不過，你估唔封印嘅話，有無辨法打散佢！」我說。
眾人聽到後，都呆了不懂回答，當中尤其以天賜和Irene更為錯愕。
「子鋒，你無野嘛？」天賜問。
「吓？無……無呀！做咩咁問？」我說。
「無野？咁你知唔知頭先自己講乜呀？」Irene略為生氣地問。
「講咩？咪收左佢囉，好正常者！」我滿不在乎地說。
「正常？你唔好以為無拜師就可以亂黎！你知道我地學道嘅，一向都唔會主將打散靈體！打散靈體同殺人唔係好大分別，咁做只會增加自己嘅罪業！就算係天命叔，都唔會贊成你咁做！」Irene用嚴厲的口氣責備我。
「打散靈體係錯？係罪業？咁佢地殺人又點計呀！呢隻野俾人封印左兩次，要淨化要諗通嘅一早做左啦！就算師傅黎晒又點呀？又封印呀？等佢過十幾廿年出黎又殺過人呀？如果第時佢殺人，我地咪又係幫兇！因為我地明明可以打散佢，但無做到呀！」我毫不退避的回答。
Irene大慨想不到我會如此反駁，所以一時語塞。
而且，我的說話可不是沒有道理的！
為甚麼當正義的一方，就要滴血不沾？
為甚麼當正義的一方，就只能以理服人？
為甚麼當正義的一方，就一個錯誤也不能犯？
世人都要求正義的一方遵守各項規條！
邪惡的一方則因為邪惡，所以做任何事也可以！
站於同一舞台上，卻需要接受不平等的對待，才能貫徹正義，這種正義，就是世人所追求的嗎？
而更可惡的，大部份人也是口說支持正義，但實際甚麼行動都沒有！
那些甚麼要維持公平，保持中立等廢話，我聽得夠多了！
回想起上年，天命叔接了一個求助！
那是一個關於商鋪被靈體騷擾的事件，我跟天命叔到了現場。
那求助人是商鋪的老闆，他要求我們在不影響顧客的情況下，以最少的功夫收伏那靈體，並要求打散他。
這種滿身散發銅臭的人，雖不是第一次看見，但他卻是我看過的人中，最引人討厭的。
梳了個三七分界的頭，戴了副黑色長方形的眼鏡，四方形的臉加上那厚重的唇，一看便令我生厭！
而且，他能當上這商鋪的老闆，只是因為他父親沒有其他人選，在沒有任何競爭下，自動成為這商鋪的老闆，是名副其實的二世祖！
這些也不是我最討厭他的地方，天命叔在了解事情真相後（基本上他完全沒有理會那胖子的說話），很快便收伏了那靈體！
天命叔當然沒有照著那胖子的說話去打散它，只是把靈體收伏後，在道壇內為它上香和進行淨化。
而淨化期間，那靈體告訴我，為甚麼要纏繞那商鋪老闆，原來它本來是商鋪的店長，有能力亦深受其他人愛戴！
但那胖子用人為親，接手管理後，便不斷引入自己的豬朋狗友來管理商鋪！
之後更用粗暴的方式把店長趕走，店長和支持他的店員當然想辨法抗爭，但當日他被那胖子新請來接任的店長，趕走了他。
他永遠也記得，被趕走前聽到的最後一句說話：「我地已容忍得好厲害，揼佢地出去！」
我聽到後，頓時感到怒火中燒！
天命叔曾說過，靈體很喜愛說謊，從而操控別人！
所以，我也沒有完全盲目相信它說的話。
我在控制了自己的怒火下，走了去質問那胖子，豈料他說：「關你咩事？間鋪頭我嘅，我鍾意點就點！仲有，我明明叫你地打散佢，你地點解無做到？D尾數我唔會俾架！」
那刻，我真的想一拳打向那胖子，但不知道甚麼時候，天命叔出現了！
他把收了的訂金，一下子掉到那胖子的臉上，我內心高興得大叫出來，之後被天命叔強行拖走了！
經過了天命叔的一輪責備後，我提出了跟現在差不多的問題，為甚麼我們非要保持這種無謂的正義不可，明明不接受這種請求就好了！
「子鋒，你有好強嘅正義感，亦都有自己嘅信念！但你要記住，正同邪，只係一種普世嘅價值！我並唔係因為其他人嘅目光，而去做事！只係，如果我地用邪惡嘅方式去做正義嘅事！我地同邪惡嘅人有咩分別？仲有，一旦試過邪惡嘅味道，我地就好易墮入邪道！對我地又有咩好處呢？」天命叔說。
「但係，明知佢地係衰，明知佢地係出術，唔通我地就要接受唔公平嘅對待？我地就要堅守果D所謂嘅規距？結果去到最尾，又係失敗收場？」我問。
「子鋒，正義嘅人，唔代表就係戇居嘅人！係有D白痴先會覺得正義嘅人一定要係硬食晒所唔公平嘅野！我地其實都有好多唔同嘅戰鬥方式！你遲D留意下果間鋪頭最後有咩下場，到時你就知道，點解我會咁講！」天命叔這樣回答，但我和大部份香港人都一樣，非常善忘，一直沒有再留意那商鋪的事情了。
「子鋒，我明白你諗咩！但係，我唔係話堅守正義，就要俾人恰，承受不平等對待！而係，如果我地都扭曲自己嘅價值，我地同黃大一呢D邪靈又有咩分別呢？而且，我地一樣可以有自己嘅戰鬥方式！封印失敗兩次，我地咪諗下有咩方法可以做得好D，最緊要係肯去改！我相信，會愈改愈好！同埋，唔打散佢，唔代表唔可以削減佢嘅靈力！最重要係，打散佢，未必係最好嘅懲罰！」天賜拍了拍我的肩膊，瞬間，我仿佛看到天命叔對我說這番話似的！
「你講得……都岩嘅！」雖然我是明白，但不知道為甚麼，心內總有一種怒氣，感到難以平息。
只見Irene不知道何時走到我的背後：「天賜，幫我捉實佢！雷少，過黎幫手！」
我一時反應不過來，被他們兩人按在地上，完全動不了！
「喂，你地搞咩呀？」我怒道。
我感到背上傳來少許痛楚，然後，更感到Irene用力壓向我的痛處！
說也奇怪，雖然被他們壓在地上及感到痛楚，但心中的怒氣反而減少了，換來的是不明所以的感覺。
「好，可以放開佢啦！」Irene說。
我回過神來，撐起身子，看到Irene手上拿著一個湯碗，裏面有幾滴鮮血和一條白色，非常幼細的蟲在蠕動著！
「哇，屌！咩料呀？」我看著那白色的蟲子，感到渾身不自在！
「子鋒，你今朝去坑口村，有無發生過D咩事？」Irene把一道燃燒著的符放進碗中，然後問我。
「今朝？無呀，咪俾人撞左一野囉！無特別呀！」我說。
「你有無覺得好似俾野吉過條頸咁？」Irene再問。
「你咁講，我俾條友撞低之前，條頸真係有D奇怪嘅感覺！」我回想起當時的情況，確實有點奇怪。
「你過黎，俾我睇下仲有無殘留嘅蟲卵！」Irene要求我背對著她。
「搞咩呀？我又俾人落降呀？」我驚訝的道。
「好！無事啦！」Irene說。
「喂，講解下好喎，起碼話俾我知發生咩事啦！」我說。
「好返又煩到死，早知唔鬼理你！係呀，你俾人落降呀！我估有人係你D野食做左手腳，呢種蟲係人工培育嘅！用黎操控人嘅情緒，可以令人嘅情緒感覺變得極端，開心嘅會變到好開心，憤怒嘅會變到異常憤怒！以呢條蟲嘅體形，應該係岩岩孵化！我估計粒蟲卵好早已經留左係你體內，唔知係你靈力高定點，條蟲一路都孵化唔到出黎，雖然對你情緒有影響，但都唔算好大！」Irene解釋。
「咁無啦啦點解又會變左條蟲架？」我摸了摸自己的後頸，感到有點嘔心！
「好明顯，對方一路都有留意你！可能見到條蟲一路都無孵化，所以搵機會對你落手！今朝你條頸應該俾人拮左一野，強行孵化左條蟲！好在因為係強行孵化，所以條蟲成長得好慢，加上你條友死好命，遇到我！又知道呢種降嘅位置，如果唔係，你情緒失控，就好易俾黃大一搞掂！」Irene說。
「又會咁好彩你識解呢種降？」我疑惑地說。
「你理得我！我唔止識解，仲識落降添呀，你係咪想試下呀！」Irene說。
「好啦好啦！依家無事就得啦！我諗你依家唔會反對我地封印黃大一，等師傅返黎再處理架啦？」天賜說，感覺他替Irene解圍了似的，他肯定知道些甚麼，但反正影響不到我就算了！
「係啦，封就封啦！封住左佢之後我日日用劍指拮佢個太陽穴！諗起都開心！」我說。
回家後，我發現一直放在身上，天命叔給我的信封不見了，應該不大影響吧！
算了，就讓我靜待明天的到來，然後把這該死的邪靈封印起來！