[校園鬼故事系列 2] [又係你呀陳生] 十不思議事件: （十）
「咩話？破壞結界？你又話個結界係用黎封印果隻乜鬼邪靈嘅？破壞左點算呀？」我可是還要在這裏讀書的。
「呢一層應該唔駛擔心，我哥哥離開香港之前，曾經講過，果隻邪靈應該捱唔到咁耐。設置十年只係以防萬一，同埋佢曾經都提過，破壞結界嘅方法，我諗，佢都可能預計到呢個情形，所以先教定我地點做。再講，結界其實今個月尾就會結束，如果我地再出唔返去，或者有更多嘅人闖左入黎，到時可能會仲麻煩！」雷少的父親對我說。
「雖然係者，萬一有事咁點？同埋……」不知道為甚麼，心裏硬是有點不安，始終有很多東西仍然解釋不了，那些黑影，我感覺到的神秘視線，還有副校和冰冰父母都感到被東西拉了進來，這些都充滿疑團！
「唔好諗咁多啦！D黑影又開始出現啦！要快D行動，如果唔係，走唔到嘅話，我地可能永遠都離唔開呢度，甚至會死都唔出奇！」雷少的父親大叫。
我看了看四周，剛剛消散了的黑影，好像慢慢凝聚在一起，如果今次真的襲擊我們，可能真的會出事。
雷少爸爸說得對，現在還是保命要緊！
「咁點呀？我地要點樣先可以破壞結界呀？」我大叫。
就在我叫喊的同時，只見雷少的爸爸向籃球場的中心點不斷又敲又挖，然後那地方，露出了一道符咒。
「你地過黎，呢道符咒，就係形成結界嘅點！我地只需要將符咒撕爛就得啦，不過呢道符有靈力，係裏坑口村呢道係撕唔爛嘅！好在阿雷朋友係度，帶左D符入黎，我地只需要將呢D符貼上去，就可以順利撕爛D符！」雷少父親在示範如何破壞這些結界的點！
「好啦，咁就成功破壞左一個點！剩低仲有九個點，我地有八個人，我地分頭行動，完成之後盡快入去學校操場，破壞最後一個有符咒嘅地方，我地就可以出返去！」
就在說話期間，只見黑影愈來愈清晰，而已經形成實體的，漸漸向我們逼近。
「小心，唔知佢地會做D咩！」我在前面擋著。
「唔駛理佢地，我懷疑D黑影目標都係呢D結界嘅點！雖然唔知點解佢地要靠近呢D地方，但我地只要快過佢地去到呢D點，進行破壞，就可以離開呢度！」雷少的爸爸大聲說著。
然後，他以很快的速度解釋給我們知道，那些結界點分佈在哪裏！
我亦快速把所有符咒和銅錢劍分給了他們！
「頂，有無咁橋呀！加加埋埋得返八樣野！」我心想。
「好，大家盡快搞掂，學校見！」雷少的爸爸對我們說。
由於我不太熟悉坑口村的地方，我被分配到牌坊的位置進行破壞。
「係呢度啦，睇下先！我記得之前見過有道裂痕架，YES，搵到！呢D爛鬼符，就咁用手都撕得爛啦！」
我把手放到符咒上，正想動手之際，我感到手指有少許電流經過！
「哇，屌！有無咁堅呀？好鬼痛！」
然後我把天命叔的符咒貼了上去，總算可以把原有的符咒撕走。
「好搞掂，去學校！」
我回頭正想跑到學校，但此刻，我又看到一道黑色的牆擋在門前。
「仆街！又黎料！」
我跑到校門前，只見那道黑色的牆比一開始更高更大，完全沒有空隙可尋！
「屌，點算呢！」
我嘗試強行向前行走，但當我碰到那道黑色牆時，我就像撞上一道真的牆一樣，完全走不進去。
「唔係卦？明明靈體只係能量體，無理由穿唔過架！」畢竟我已有多次撞穿靈體的經驗，所以此刻感到非常奇怪。
就在我感到奇怪之際，他們也各自完成任務，來到校門前。
「子鋒，做咩唔入......」先跑到來的雷少正想問我，但當他看見了這道黑色的牆，便停止了發問。
此刻，其他人也趕到校門前，均被這情形嚇了一跳。
「點算呀？最尾一個結界點係入面，我地依家點入去呀？呢個數量會唔會太誇張呀！」雷少問。
的確，這數量實在是誇張了點，我心裏冒起了一個疑問。
「我想問，你地頭先去其他結界點嘅時候，有無見到D黑影？」我看著黑牆詢問其他人。
「咦，你咁講又真係奇怪，頭先結界點附近，只有好少量黑影！」其他人亦紛紛證實了我的想法。
「呢D黑影究竟係咩黎？佢地好似知道我地會破壞其他結界點，所以先主力襲擊學校！」我不安地說，卻搞不清楚怎樣做才好。
「唔好諗咁多住啦，你仲有無D符呀或者銅錢劍果D？最緊要係入去破壞埋最後一個結界點！」雷少提醒我。
「無……無啦，頭先已經用晒！」我無奈的看著雷少。
「吓，點會咁架，黎到呢度先咁樣......咦，唔係喎，子鋒，你有學道架嘛！頭先成個結界都有金光出現，我估應該係你做架啦，你用果招咪得囉！」雷少高興的問。
「我……我無正式拜師架，同埋果個九字護身法，以我嘅能力，就咁係用唔到架，我都係靠天命叔寫嘅符咒幫助，先用到ja！」我愈說愈感到無力，早知道會這樣，應該向天命叔多要一點符咒。
「咁……咁你仲有無D咩可以用呀？可惡，呢D黑影撞佢推佢都無反應！」雷少邊詢問，邊嘗試推開那些黑影。
「仲有無呢……仲有無呢？呀，劍指，我仲有劍指！」我突然記起，還有最初偷學來的咒印！
我馬上運起劍指，向黑影刺去，然後，被我刺中的黑影消散了！
「成功啦，但咁鬼多，我用晒所有靈力都趕唔走佢地啦！」雖然成功了，但卻不怎麼值得開心。
「唔駛趕走！我地只要開到一條路入去學校裏面，就可以破壞結界！」雷少提醒我。
「係喎，點解我諗唔到！但……但係唔知我嘅力量夠唔夠捱到入去。」我還是不太放心。
「無計啦依家，一定要靠你，你係我地唯一希望。」冰冰鼓勵我。
「唉，死就死啦，搏一搏，單車變摩托！同我消失！」我運起劍指向前跑去。
只見一個又一個的黑影，在我們面前慢慢消散了。
「加油呀！就入到去架啦！」冰冰再次鼓勵著。
說真的，今天已經用了太多靈力，我實在不認為自己能撐到進去學校裏。
「得，總之咩都好，我點都會入到去為止！」我大喊著。
「記住呀，子鋒，我地道家所謂嘅咒術呀，指印呀，其實都係消耗緊自己嘅能量！同你平時做運動一樣，都係消耗大量能量！所以，唔好以為可以無限咁用唔同指印同符咒！就算係我，我都唔會一黎就用D消耗大量能量嘅咒術！記住，唔好消耗過度！如果消耗過度，除左攰之外，仲有機會令你嘅靈力消失，引致死亡！」天命叔以前的說話在我腦海中閃過。
「消失左咪好囉，以後唔駛再見到D咁嘅野！」我在心中吶喊著。
「仲有，你唔好諗住靈力消失就唔駛撞鬼，靈力即係你自己嘅自然力量，亦係靈魂嘅力量！消失只會削弱你嘅生命力，同撞鬼係無關嘅！」天命叔的說話又在我腦中閃過。
「仆你個街，有咩野你一次過講晒啦，唔好係我腦入面閃黎閃去！」我連維持意識都開始感到困難，只知道繼續利用劍指開路！
「不過你唔駛擔心，靈魂就好似其他機器咁，會有保險制嘅！所以當你去到一個危險水平，佢就會自動跳制！者係你會暈低，等你慢慢恢復返先會清醒！」天命叔那天給我講解咒術的時候，最後就是這一句了。
「仆街！遲唔講早唔講，你依家先……」我還沒有來得及罵完整句，我感到眼前一黑，暈死過去了。