[校園鬼故事系列 2] [又係你呀陳生] 十不思議事件: （五）

回到班房，我完全沒有心機上課，我偷偷的看著雷少。
「呢條友，究竟仲知唔知道D咩呢？好無走去問佢呢？」整個早上，我就是思考著這些事情，完全沒有專心上課。
 
直到午飯時間。
「喂，一唔一齊食飯呀？」雷少又在詢問。
組合和昨天的一樣，只見阿平仍是沒有伴。
「一唔一齊食飯呀？阿平。」阿奶跑到她的桌前詢問。
「哦，好呀，今日OK呀。」阿平雖然答應一起吃飯，但感覺反應還是很冷淡。
 
我們一行人，又走了去昨天那個商場吃飯去。




在經過坑口村時，我又感受到一股不尋常的目光，然後減慢了步行速度。
我凝視著那牌坊，久久不願意前進。
 
「喂，唔好望啦，繼續行啦。」雷少注意到我的步伐，走上前小聲跟我說，並拉著我前行。
雖然被他拉著，但我的目光仍然停留在牌坊的位置。
 
「雷少，如果我同你講，我今朝又見到坑口村有D古怪野，你信唔信？」我跟他說，只見他眉頭皺了一下。
 
「放學傾！」雷少跟我說，我也只好先跟著他們吃飯，把心內的疑惑暫且放下。
 




然後，好不容易到了放學，雷少找了個藉口，跟我先行離開後。
雖然不知道他走向哪裏，但能感到，他正一點一點的遠離坑口村，看來他真的不想和那裏扯上甚麼關係。
 
「好啦，黎到呢邊應該無問題啦！你話你今朝又見到D咩話？」雷少拉了我去稍遠的南豐廣場，找了個位子坐下。
 
「我……我都唔知點講，坦白講，我都唔知信唔信你好！」我直接跟他說，反正這種情況下，兜圈子也不是好方法。
 
他明顯的呆了一呆，像不明白我為甚麼有這反應。
 
「我尋日走果陣，問過Miss Wong，佢好似無咩反應咁！」我補充說。




 
「哦，Miss Wong佢係呢兩年先黎做，唔知都唔出奇。不過，唉，無辨法，我俾D野你睇。」雷少說完後，他便從背包裏找了一本記事簿出來，只見又為數不少的報導在裏邊。
 
「呢D係？」我疑惑地問。
 
「你自己睇啦，係講坑口村神秘失踪學生，全部都係我事後搵返嘅新聞。」他把記事簿給我。
 
「咦，1994年9月，學生神秘失踪一星期後，離奇發現暈倒在牌坊前。1997年9月，兩名學生失踪，兩星期後於坑口村便利店外尋回。仲有咁多嘅？咦？呢單……2000年9月，男學生神秘失踪，被該校學生尋回，警察詢問有關事宜。呢個，咁似你嘅？」我指著較近期的一宗新聞圖片，詢問雷少。
 
「係，呢個係我。失踪果個男學生就係我朋友，係我搵返佢嘅。」雷少呆呆的看著照片說。
 
「你指嘅搵返……係咩意思？」直覺告訴我，他應該有點經歷才對。
 
「我指嘅搵返，係我曾經，係一個好黑嘅坑口村度，見到佢係度徘徊，然後我追上佢嘅期間，發現到有一群黑影圍住佢，我唔知果D係咩黎，只係知道，當我跑到埋去，佢地無阻止我，只係露出詭異嘅笑容。然後我帶左佢出村，唔知係咩情況下，我發現周圍都變光返晒，之後就俾老師發現左我搵到佢！」雷少解釋著。
 




「咁……咁你做咩無同警察或者老師講？」我小心地問，此刻我仍未完全相信他。
 
「你估我無講咩？只係無人信我，佢地覺得我take左野，老師仲警告我唔好亂up，廢事影響學校！所以我就無再出聲，之後我都無再提起呢件事。我偶然都會聽到有D新生話見到D奇怪野，但佢地一直都平安無事，所以我都無再多事。直到今年遇到你，我就有種感覺，你可能會出事，所以先同你講咁多！」雷少看著我說，樣子頗為真誠。
 
「咁……最後一條問題，你究竟係咩人？」反正已經問了這麼多，我也不妨打開天窗說亮話。
 
只見他稍為思考了一會，然後便回答：「一個普通學生，只係……我曾經學過下法！」
 
「學咩法呀？係咪魔法呀？太空戰士入面果D？」我滿頭問號。
 
「妖，你咪咁無厘頭啦。太咩空戰士，我屋企同埋我D親戚，好多都係佛教徒，有修行嘅，我細個果陣，佢地有時都會同我講下D佛理，教下我D佛偈咁。佢地有時仲會捉我去佛堂，我唔鍾意呢D古怪野，所以大大下就愈黎愈少去。不過，唔鍾意還唔鍾意，我成日見到D古怪野，以前都成日係街見到D人穿牆而過，有時去廁所又見到佢地坐左係洗手盤上面！所以我依家日日帶住粒玉，阿媽話粒玉開左光，應該唔會再咁易再遇到D古怪野！」雷少的遭遇，感覺和天賜有點相似，但比較幸運的，是雷少沒有一個強行逼他學法的父親。
 
「但都解釋唔到點解你入到去，仲要救埋你朋友出黎架？」雖然我能理解他的說話，但心中的疑團還是沒有解除。
 
「呢層，坦白講，我都唔知點解！老實講，我帶左粒玉之後，真係好少撞到古怪野！不過，又咁講，果班黑色嘅物體，我又唔係好感覺到有惡意，亦感覺唔到好似D鬼咁害人！」雷少摸了摸頭，大慨他也不知道為甚麼會這樣。




 
「咁點解你又會話我知，佢地唔歡迎外人？」我還是不明白。
 
「哦，呢個係我地學校非常之出名嘅傳聞黎，只要係度讀書，土生土長嘅學生，都一定聽過！我地學校有名嘅怪談，十不思議事件！」雷少想了想告訴我。
 
「十不思議事件，唔好呃我喎，日本先用呢D名架喎！同埋人地都係作左七個者，你唔好以為作十個就好似好勁咁喎！」我不太相信地道。
 
「我鬼知咩咁多咩，可能個名有改過卦，不過果十件怪事一直都無變過，依然係呢十個！而頭先你問嘅，就係坑口村黑夜事件。傳聞話，坑口村其實有兩個，一個就係平時見到果個！而另一個坑口村，就淨係得夜晚，無日頭，無陽光！而係入面住嘅村民，全部都只係黑影咁，唔會見到樣。佢地會捉住一D非將軍澳區嘅人，困佢地係入面，同佢地玩，玩夠先放返走。」雷少說著的時候，也不禁震了一下，大慨是想起那時候，圍著他朋友的黑影吧。
 
「係咪咁堅呀？我又感覺唔到有野喎。」慘了，不小心說漏了嘴。
 
「感覺唔到有野？咩意思呀？」雷少一臉疑惑的看著我。
 
既然雷少也把這麼多的事情告訴我了，我只好也把我自己的故事告訴他！
 




「哦，原來係咁，唔怪得我見到你硬係有種奇怪嘅感覺啦，原來你都有學道！」雷少驚訝的看著我。
 
「唉，有學道又點，咪一樣中左招兩次，同埋問完你，都係唔知呢件事點搞！」我苦惱地抓了抓自己的頭。
 
「其實，你點解要咁上心呢？其實呢一兩年都真係少左發生呢D神秘事件，我始終覺得唔理佢係上策！」雷少用誠懇的語氣說。
 
「依家唔係我想理，係佢地搵埋身，咁都無計架！」我不滿的道。
 
而且，這幾年經常到道壇幫手，不知不覺間，我也對一些奇怪事上了心。
每每遇到時，總是想尋根究底，不知道是沾了一些正氣，還是那維園阿叔又對我施了甚麼咒術，讓我有這種想法。
 
「好啦，都晏啦，我地都係走啦！」雷少提議。
「咁好啦，唔該晒你，小心D！」說罷我們便離開商場，然後我便到地鐵站去。
 
而此時，我還不知道，雷少正在地鐡站外看著我，像是有甚麼東西要說似的。