[校園鬼故事系列 2] [又係你呀陳生] 十不思議事件: （四）
「喂，陳子鋒，起身呀！陳子鋒！」我在睡夢中突然聽到有人在叫我的名字。
「咩事呀？好眼訓呀！」我用手擦拭著雙眼，然後勉強睜開了。
「陳子鋒！你捨得起身呢咩？」在我前面站著一個人，但周遭的環道卻很模糊。
我定睛一看：「小詠？你唔係同天命叔去左中山咩？點解係度架？」
「死蠢，你望下周圍啦，白濛濛咁，一睇就知係夢啦！」小詠雙手撐著腰部對我說。
「乜野呀，鬼知咁多咩，我訓緊覺架，你搞乜鬼又入我個夢呀？」我打著呵欠詢問，雖然，在夢這種意識世界裏，我並不會真的感到累，但也是要裝裝樣子，才能配合現在的氣氛。
「仲好講，你今日做過D咩黎呀？」小詠略為焦急的問我。
「我今日？無呀，咪返學食飯放學囉。」我不解的回答。
「真係？你知唔知，我係中山果陣，都感覺到你好似遇到危險呀！」小詠抓著我的臉說。
「吓？咪住，唔通係今日晏晝單野？」我突然醒悟，然後把今天遇到的事告訴了小詠。
「原來係咁，最衰我同天命叔都唔係香港啦，如果唔係可以去你學校睇下！」小詠擔心的道。
「咁又唔駛擔心，我又感覺唔到學校有奇怪嘅磁場，應該無咩事嘅！」我雖然這樣說，但心裏卻也不是十分肯定。
「唔擔心就假啦，自從天命叔將我同你嘅意識連埋一齊，呢幾年我就成日感覺到你有危險。你一早拜天命叔為師咪無事囉！」小詠用近乎咆哮的語氣責罵我。
「咩……咩者，係個維園阿叔D脾氣太難頂，我先唔肯拜師Ja！同埋我無拜師者，都有幫佢手同跟佢學野架！係學得少D者……」沒有錯，各位讀者恐怕要失望了，我並沒有向天命叔拜師，因為道教的師徒關係實在有太多不合理的規距，我實在無法忍受。
「你果D嚴格黎講唔叫學野，你係側邊望下學下咁，呢D叫偷野！唉，你地兩個，都唔明點解唔可以一人退一步，其實天命叔都有心教你，如果唔係唔會成日係道壇或者做法事講得咁詳細啦！」小詠看來對我們不能成為師徒，確實有些不開心。
「唔緊要啦，我地兩個性格，咪盞火星撞地球！依有家有你做佢徒弟咪好囉！」我只好這樣說。
「唉，人鬼殊途，當日如果唔係個咒術，佢都唔會收我做徒弟啦，同埋始終有好多野，我係做唔到架！算啦算啦，今次入你個夢，都係睇下你情況者，晏晝果陣，突然間感受到你果邊有一D好強嘅靈力，嚇到我呢！」小詠關心的說。
「我應該無事嘅，我雖然無正式拜師者，但靈感力呢幾年都有進步，暫時我都感覺唔到學校有D咩奇怪！今日學校見到D異像可能係D小鬼同我開下玩笑者！」我確實不認為學校有甚麼危險，除了坑口村那邊的奇怪視線外。
「好啦，咁你自己小心D啦，我係呢邊都應該有排搞，無咁快返到黎。」小詠又擔心起來。
「吓？你地去中山搞咩呀？都去左幾個月啦？唔係有麻煩野卦？天命叔佢無野呀？」雖然他們經常會去其他地方，但這次感覺總令我有點不安。
「唉，總之麻煩啦。今次過黎係因為天命叔D師兄弟要求，我都唔識講。不過你放心，呢度無人有凶相，唔會有咩好嚴重嘅野。你自己好好照顧自己啦！我走啦，入你個夢都用左我唔少力，我要返去叉下電啦！」小詠說完後，身影慢慢變得淡薄。
「好啦，我會小心架啦！你返到黎我整D靚嘅沉香俾你，等你叉下電啦！」我笑著對她說。
「好，到時食窮你，我走啦，＃＄％＠＃」她的聲音漸漸遠去，而我的意識也慢慢變得薄弱。
鈴鈴鈴鈴！鈴鈴鈴鈴！
我睜開雙眼，看了看鬧鐘。
「屌！八點鐘！大撚鑊！」我馬上起身梳洗，才發現父母已離開了，桌上放著我的早餐。
「怎樣也叫不醒你，自己弄熱來吃吧。 媽媽」早餐旁放著一張紙條。
結果我用了不到十分鐘，便成功由屋企離開。
「屌，今日真係遲到！」我直衝進校門，剛好是八時三十五分，遲了五分鐘。
「同學！企係到，你遲到喎！」又是昨天那個看似高級的老師。
「對唔住，我之前返觀塘區，預錯左時間。」我隨便編了個理由。
「同學，我林副校教書咁多年，你呢D藉口我聽到厭啦，其實你只要……」原來這位看似高級的老師便是林副校，慘了，以我的經驗，他最少要站著跟我說教十分鐘。
我只好強裝精神的看著他，看了一會，突然一陣強風掠過，使我都睜不開眼了。
然後，我便感到那厭煩的說教聲消失了。
「咦？副校呢？點解咁鬼暗架？」我環視四周，發現身處的環境雖然一樣，但副校不見了，周遭也變得昏暗。
然後，我望向牆上的照片，這次，他們沒有再望著我，亦沒有發出笑聲。
正當我稍感放心，校門那邊傳來一下又一下的腳步聲，我看著大門，準備迎接那詭異的身影時，那腳步聲停止了。
等了好一會，四周仍是一片沉寂，仿佛那腳步聲從不存在似的。
我實在忍受不了，我跑到校門的位置，鼓起勇氣的走了出去。
我看了看四周，沒有！甚麼也沒有！
不可能，校門外便是馬路，馬路後便是坑口村，不可能有地方躲起來的。
我看著那坑口村的牌坊，然後在牌坊後，有一個黑色的身影在晃動。
直覺上，這黑影和我昨天看到的應該是同一個人來的。
我馬上跑到牌坊的位置，卻看不見任何人！
「頂，又俾佢走甩左，究竟係咩人？夠膽跟踪我！」我對著坑口村內大叫。
忽然間，我又感到自己意識開始變得模糊，然後腦海裏想起了雷少的說話：「條村唔太歡迎外人」。
我嘗試結起手印，再次使用降伏心魔指印，這次卻沒有效果！
「無可能，呢個係我第一個偷學返黎嘅指印，明明次次都有效架！」我又試了兩三次，卻完全沒有效果。
意識愈來愈模糊，我用自己的意志力，慢慢走回學校！
就在進入校門後，我暈倒了！
當我清醒後，我發現自己正躺在床上，隱約看見一立女老師和副校長。
我慢慢的坐了起來。
「咦，同學，你醒返啦？你記唔記得發生咩事？」那女老師問我。
「我……我好似今朝遲到，之後副校同我講野，之後……呀，我個頭好痛！」我扶著我的頭，感到異常痛苦。
「你訓返低先，你有無D咩長期病或者食緊D咩藥咁？」女老師讓我平躺在床上。
我搖了搖頭表示沒有，在接觸到枕頭的一刻，我感到痛苦稍為緩和了。
副校長看了看我，用奇怪的眼神望向我：「陳同學，你無事嘛？頭先同你講講下，你突然擰轉去後面之後就暈左啦！係咪有D咩事？」
我看了看他，卻發現這位副校，好像有點不同，到底是甚麼？
「阿鋒！你要修道，就一定要有一套對鬼嘅諗法！即係話，鬼對你黎講，究竟係D咩黎！」天命叔對我說。
「鬼係能量，基本上鬼可以做到任何野，不過，鬼無肉體，所以佢地同人最大的分別，就係無辨法掂到我地！」我回答。
「嗯，岩一半！我問你，點解人會感覺到有熱，有凍，同有人掂自己？」天命叔指導著我思考。
「因為我地有五官，有感覺！」我想了想回答。
「唔係！係因為你個腦，基本上，如果一個人嘅容器，即身體無任何缺憾，所有感覺都係由腦部話俾你知，然後你先有反應。記得以前睇過D書，如果一個人，明明無俾火燒到，但如果切斷佢其他感覺，例如視覺同嗅覺，再不斷暗示俾佢聽，依家有火把係佢面前，透過佢自己嘅想像，甚至可以做到燒傷嘅效果！」天命叔更正了我。
「所以，你要記住，無論咩宗教都好，點解都要強調一個信字。講穿左，只係令到人有足夠的信任，從而產生足夠的信念，去對抗所謂的鬼！所以，一旦你真係見到鬼，基本上你透過肉眼，甚至觸碰，都唔會分辨到佢係人係鬼，因為佢係直接影響緊你腦部，令你見到佢，同埋以為摸到佢！如果你有懷疑，記住心要定！集中自己的精神，以精神力去對抗！只要你精神信念足夠，比對方強，就算無任何符咒法印等等，你都可以睇穿對方！降伏心魔指印，係用黎安神定心，你學識左，就算無辨法除靈，最少可以保你平安，分辨真假！」
不知道為甚麼，天命叔的說話此刻正在我腦海中顯現出來！
我馬上在床上，結起手印，再嘗試用降伏心魔指印！
「定！」我閉上眼，然後在心中大喊！
只見剛才那女老師和副校在我面前消失了，眼前還是剛剛那個坑口村的牌坊！
而且，剛剛那個黑影，此刻更站在我的前方，眼中射出綠光，望著我。
看來是在疑惑著，為甚麼我還能清醒的站在這裏。
「你究竟係咩人？點解三番四次影響我？」我對著這黑影大喊！
只見他笑了笑，然後消散了！
「總之呢，你今年已經係重讀生，一定要把握好今年嘅時間，唔好再遲到啦！明唔明呀！」面前站著林副校，剛好完成了對我的訓話！
我呆呆的看了看他，然後又看了看牆上的時鐘！
才八時四十五分，不會吧，我失去了意識十分鐘？
「陳同學，你有無聽我講野呀？」林副校再對著我說，想確認一下我是否清醒著。
「哦，有，梗係有啦！我反省緊自己，點解會咁差，遲到俾藉口自己！我唔會再犯架啦！」我隨便回應著，然後他便吩咐我回去隊伍中。
剛剛的不是幻覺！但我真的感受不到靈體的力量，究竟是甚麼盯上了我！