〈是咁的，我是一個童貞魔法師〉: <Pokemon GO>
Pokemon GO？咪就係傳說中開發咗好耐都未推出果知隻萬人齊捉超夢夢既電話遊戲？到底會係小智拎到冠軍先定順利出到個遊戲先呢？
咦？咪住！但係點解又會同魔法師有關既？
阿賤見我hang晒機既樣就知道我諗到頭都大埋，佢笑咗陣之後繼續向我解釋：
「其實魔法師既組織比你想像中勢力同影響都大，雖然魔法宜家係現實中毫無作為，但係仲有一大班人研究緊點樣從另一個次元中釋放返魔力元素到呢個世界。咁為咗呢個目的，同意定唔同意都好﹐雙方都努力不斷培養新既魔法師，而魔法師既人唔單止遍佈世界各地，仲遍佈各地政府機構同勢力。」
「嘩！咪住先？乜呢個世界同我所認知既爭咁遠既？到底係咪真架？又關隻game咩事呀？」
「其實Pokemon GO前身係Ingress，不過你都係無玩架喇。簡單黎講隻game入面設立咗好多據點，咁玩家一開始就要揀是旦一個陣營，之後係街開住隻game搵據點，之後去佔領佢。其實隻game既真正用意係等魔法師們有個籍口同場所係街外對戰，唔使再係條街度追黎追去伏黎伏去咁。但由於隻game實在太毒，玩親既都係堅毒既毒撚，起唔到原先有掩護既作用。於是佢地基於Ingress上開發咗Pokemon GO，希望一隻老少咸宜既game可以打破呢個狀況。」
嘩屌！突然之間我覺得呢個句世界好可怕，再無乜野可以相信，好多野我都要從新去認識，包括坐係我對面既阿賤…
係果晚之後阿賤佢無再搵我出黎，淨係叫我小心，特別係隻Pokemon GO面世之後，佢話今年好多野都好似有更大既陰謀係後面，只不過佢都唔知道咁解。
算，我都係專心讀埋個master，同繼續同艾薇佢地建立下更深厚既感情算，嘻！
跟住落黎我又回復到返工放工返學放學既日子，唯一唔同既係：間中同黑魔法師戰鬥，以及每逢星期六日都同艾薇佢地一齊返學校溫書。
艾薇佢地同我一樣都係考埋呢科就畢業﹐唯一唔同既就係佢地既GPA平均都係2到尾，想GPA過3就靠呢科拎到3.5或以上先有望。眼見佢地係呢一學期每一堂都終於專心上堂，而且次次放學後都圍住教授問要訣同埋希望問到貼士，不過教授都十分口密﹐完全不為所動。所以佢地既希望都放晒係我身上。
為咗唔令佢地失望，我每一個晚上都做定晒筆記，再係微信度發晒畀佢地，之後到星期六日再同佢地講解複習。但就因為咁樣，搞到自己有長期疲勞既跡象，而且開始反映係自身既魔力上：係戰鬥時越黎越覺得可用既魔力少咗。
但係同一時間，我既桃花運好似越黎越好咁。
同班同學中有個女仔叫Jenny，佢同我一樣都係少數既香港學生之一。佢之前做過一年空姐，之後先決定再進修。個樣有少少似鄧麗欣既佢有晚放學後係艾薇佢地圍緊教授既時候﹐走埋我身邊坐底同我講：
「我知道你同緊班大陸富二代做免費補習，乜咁樣做真係好咩？佢地自己平時唔專心上堂先搞到成績咁差。你去浪費自己時間幫班富二代做乜？人地讀完拍拍蘿柚就返大陸過佢地既幸福生活啦，你有時間就顧掂自己先好，到時你最後一科先失手拎唔到獎學金時無人可憐你呀！」
明明咁耐以黎Jenny同我都無兩句，做乜突然同我講咁多野關心我既？我知喇，佢一定係妒忌！
「放心喎Jenny，我會搞得掂。其實如果你有需要，我都可以同你一齊溫書架！」
「痴線！我唔想你畀班大陸人過橋抽板咋！你自己諗清楚啦！」佢講完之後就嬲爆爆咁走咗去。
唉，女人既妒忌心真係可怕，口是心非既本領亦都係一流。
我無再諗咁多，因為我趕時間去wahtsapp另一位重要既人：Sally。
六年以黎我慣咗keep住whatsapp佢，唔係問候下佢就係同佢講下自己近況，自從上年佢知道我讀master以黎回覆既次數多咗，由一兩個月一次到兩三個星期一次，唯一無變既係佢依然唔肯唔我出街。不過就算宜家我有艾薇佢地，我依然唔會忘記佢。
如果佢知道我咁長情﹐佢一定會好感動啫﹐嘻！
「Sally呀！我好快就畢業架喇！宜家形勢大好，連同學都搵我一齊溫書。如無意外我應該可以直上PhD，到時我就唔使再擔心生活既問題喇！」
之後直到我返到屋企﹐都仲未見到雙藍剔。
之後到第二日起身，就見到佢回覆：
「嗯，加油。」
都話我呢期桃花旺架啦。
係被眾女圍住係中間既日子過得特別快，轉眼間就到考試前最後一個星期六。
果日起身時已經覺得周身唔舒服，但係又應承咗艾薇佢地作最後兩日沖刺，唯有掙扎落床換衫出門返學。
果然我既決定係無錯既，隨著天氣熱黎越熱，艾薇佢地亦著得越黎越性感。
艾薇同愛麗莎一樣著住件低胸既小背心，舉手投足間時不時露出小蠻腰，再對落就只有一條牛仔短褲，短到前面露褲袋，後面係行路間連股邊都約隱約現果隻。高挑既愛麗莎配合呢身打抄對長腿簡直可以把玩足…
唔得唔得，我唔可以咁諗。
再望一望艾琳同米蘭達，長髮既艾琳配上貼身既背心裙，長髮時不時在胸前的事業線上搖來搖去，令人心神彷彿。而短髮的米蘭達則簡簡單單一件背心配上legging，健康的身體曲線配上一身健康膚色，簡單得黎又性感。淨係同佢地坐埋一檯，已經令到附近所有男性雙眼透露出艷羨既目光。
「Wing同學～這題我不會解啊！」坐在我右手邊的艾琳捉著我手臂邊搖邊嬌嗲地問。
「Wing同學你看，這道題更深，你要幫幫我啊！」左手邊的艾薇一樣捉著我手臂，只眼他雙手捉著我左手，胸前兩團肉夾得緊緊地擠出一條事業線。
天啊！我快要噴鼻血了！
如果係果刻係發緊夢，我真係希望唔好咁快醒。
因為，樂極生悲。