[惡搞無極限] 就係咁，我同幾個豬朋上左大陸獵金: ４０２　暗角

阿爸呢一封遺書，可以更加肯定呢條鏈係拎到阿爸留低比我地既其中一樣重要既野，如果係咁既話，我同阿妹一定唔可以整唔見呢條鏈。

而睇完呢一封遺書後，花木蘭就話：「等左咁多年，終於可以完成呢件事。」佢微笑咁同我講。

我同阿妹向佢道謝，然後阿妹就帶我地走出呢個地方。

不過係走左呢個地方既時候，我記起果個女仔，果個叫白雪公主既女仔，如果佢再出現既話，　我一定會叫佢比封遺書我。

走出去後，又回到熱鬧既大街，所有野都好似好平常咁，而阿妹佢突然行到我面前話：「阿哥，多謝你。」





我諗阿妹呢一句多謝，係因為頭先夢入面既果田回憶。

「如果唔係你出現，我都唔會……」「傻啦。」我輕拍左阿妹一下，阿妹呆左呆進住我無再講落去，而我話：「大家一家人，唔駛講咁多野。」

係呢一刻，我地都覺得好幸福，但估唔到既係暗角既一個地方，我地一直都比人監察住。