[惡搞無極限] 就係咁，我同幾個豬朋上左大陸獵金: ４０１　第三封遺書

賢仔、可兒：

其實我唔知你搵到阿妹未，又或者可兒搵到哥哥未，但我想確保一件事，阿爸留比你地既野，一定要你地兩個一齊先可以開到，你地要好好諗下，我比左ｄ咩野你地？

好可能，果樣野就係打開果道門既重要物件。

係啊，阿爸留比你地既野，係放左係一道門後面，如果無呢樣野，呢道門係無可能會打得開。

可能你地會問，如果就係搵唔到阿哥，又或者搵唔到阿妹，得自己一個人可以點做，阿爸比兩個方法你地，第一就係努力繼續搵返阿哥或阿妹先，第二，就係想方法去飛。





我唔係講笑架，真係去飛架。

我諗到時你地飛起果一剎那，一定好開心，其實，阿爸我最想帶你地去飛。

阿爸　字

睇完呢封遺書後，我諗阿爸所講去飛，一定係去搵飛伯，而佢叫我地好好諗下翜比左ｄ咩野我地……

只見阿妹係呢個時候拎起左條鏈，然後話：「唔通，爸爸所講既野係呢樣？」





我記返起飛伯講過，呢兩條鏈係可以打開阿爸留比我地既野，我諗阿爸遺書入面講既野，一定係條鏈。