[惡搞無極限] 就係咁，我同幾個豬朋上左大陸獵金: ３９６　催眠我

「點解你咁樣問？」花木蘭問。

「我想試下我所想既野係唔係正確，如果我諗得岩既話，好有可能幫到阿妹脫離佢暴走既人格。」我用好肯家既語氣同佢講。

「但就算講你知，你都可能唔識點候做ｗｏ。」花木蘭又話：「不如你話比我知，然後我幫你整啦。」

我望一望佢地果邊既形勢，然後話：「阿欣，勞斯萊斯，你地兩個先制住夢魔先，我同花木蘭要處理ｄ野，果邊靠你地拿。」

「無問題～」佢地兩個一齊講後，花木蘭就行左過黎問：「你想點做？」





而我，就捉住自己條鏈話：「頭先，我條鏈一撞落阿妹手上邊果陣，阿妹成個人就變成咁，我覺得呢條鏈就係可以令阿琪從佢陰影入面走出黎既物件。」

「所以？」花木蘭了問。

「妳可唔可以催眠阿妹講點解條鏈咁重要，甚至，可唔可以令到我進入佢既催眠世界？」我咁樣一問，花木蘭臉帶難色話：「可以係可以，但你千其唔好係入面亂做任何野，因為話晒係時興隆既潛意識，搞亂左就好麻煩。」

「無問題，我只係想幫阿妹將佢既陰影搞好。」我話。

「好。」花木蘭講完後，一拳打左過黎，我有少少暈問佢：「……做咩……咁做……」然而，花木蘭就係我耳邊話：「你而家就好似企左係一塊好舒服既海綿上面，好舒服……好舒服……」慢慢，我就進入沉睡既狀態。