[惡搞無極限] 就係咁，我同幾個豬朋上左大陸獵金: ３９５　去除陰影

我望住眼前緊抱緊住自己既阿妹，只係覺得佢好似好無助咁，但係，我幫唔到佢。

而夢魔係旁邊見到阿妹咁，就話：「你做過Ｄ咩整到佢咁？」

真係好笑，我先想問你點解令到我阿妹變成暴走，而家到你反問返我點解令到阿妹變到抱住自己係度叫？

我當然無理佢啦，而阿欣見到阿妹自己抱住自己，有左空擋既機會，就同花木蘭以及勞斯萊斯一齊夾擊夢魔。

「你地唔好望佢對眼就無事架拿。」花木蘭同勞斯萊斯以及阿欣話。





「知道！」兩個人既回答後，三個人就同時上。

不過，夢魔身手都唔錯，佢一個人對三個人應付到，唔怪得碇司令要招攬佢。

而係旁邊既我、阿倫同阿輝，就慢慢接近阿妹。

「妳……妳無事嘛時興隆？」阿輝走到阿妹面前問。

「你多傻既，你見到佢咁就知道佢有事啦。」阿倫答。





而當我行到阿妹而前，「阿妹……」「啊！！！！！救我！救我！」阿妹佢一望到我條鏈，就好似發動左某Ｄ野咁。

我呢一刻只係諗到一樣野，條鏈，可能可以幫到阿妹，「花木蘭！！！我想知陰影既野可以點解決！？」