[惡搞無極限] 就係咁，我同幾個豬朋上左大陸獵金: ３９２　阿妹又回憶（三）

我永遠都會記得果一個朝頭早，因為果一日，係我一生以來最唔開心既一日。

「可兒！快Ｄ醒！可兒！快Ｄ醒！」媽媽既叫喊聲，我張開睡眼望住面前好慌張既媽媽。

「早晨……」我同媽媽講，而佢就好慌張咁抱起左我話：「我地要快Ｄ走，唔係就走唔切架拿。」

「走去邊啊？」我問，但係媽媽無答我，只係急步跑向門口。

但係呢個時候，「你地快Ｄ將所有既人捉出黎，我就唔信搵唔到果個女人。」門外面既聲音，令到媽媽停左腳步，媽媽係門逢望出去望左一眼，然後就行到大櫃果邊同我一齊匿埋。





一入到個櫃，頭先大叫既女人就走左入屋，係櫃門既逢望出去，見到個女人巡視緊間屋，行到我地匿埋既大櫃果陣時，媽媽摀住左我既口，佢驚我發出聲音令到個女人發現我地。

個女人望住個櫃，笑左一下後就走左出屋，而媽媽見到佢走左出去後，就好似鬆左一口氣，不過，原來……

「我地黎呢度係搵一個女人！」個女人走左出屋後就大叫起黎，而櫃門既逢正好可以望到屋出面。

「我諗我要搵既果個人！都知我係邊個派黎既！佢一定會知道如果搵佢唔到！果個人會點做！」個女人拎左一把刀出黎，「我已經將呢度住既所有人都帶到呢度！表現Ｄ野比妳睇！」

一刀，係其中一個被捉既人頸上面劃左一刀，血不停噴出黎，「呢度都幾多人住下，妳未慢慢匿埋囉，我殺晒Ｄ人先再搵黎。」個女人話，而媽媽就望住被佢殺既人開始係度喊。





「媽媽？」我望住喊緊既媽媽，而佢摀住左我雙眼，「可兒唔好望。」佢將放左係衣櫃既ＥＥＹＯＲＥ拎左比我，「一陣妳攬住ＥＥＹＯＲＥ，記住有佢陪妳，妳要等到出面無晒人，妳先可以出去，知道未？」

「知道。」我點一點頭。

「一陣媽媽要出去，妳記住，當我一出去，妳就要抱緊ＥＥＹＯＲＥ然後閉上眼睛，唔可以望出黎，直到無晒聲先可以張開眼睛望下出面，知道未？」媽媽吩咐我。

「知道。」我又點一點頭，「但係媽媽點解要出去？」

媽媽望一望我，然後又望一望出面，「媽媽無辦法……」佢錫左我既額頭一下話：「記住媽媽所講既野，一定要好好聽話，知道未？」





「知道。」我第三次講呢兩個字。

「媽媽永遠都愛妳。」媽媽喊住微笑咁同我講，然後，就打開左個櫃門。

係媽媽同我對話既期間，原來出面個女人已經殺左好多個人，佢一見到媽媽後第一句就問：「妳終於出黎拿。」

而我就聽媽媽既說話，佢一出去我就閉上眼睛，緊抱住ＥＥＹＯＲＥ以及爸爸同爺爺送比我既鏈。