[惡搞無極限] 就係咁，我同幾個豬朋上左大陸獵金: ３９３　阿妹又回憶（四）

呢條鏈，有我地全家最幸福既時刻係入面，我捉實條鏈，好努力咁忍住唔喊，但係出面既女人所講既野，不停痛擊我既心。

「過黎跪低。」我唔知媽媽又無咁做，我剩係知道過左一陣，個女人又話：「妳睇下妳，累到幾多人死，妳早ｄ出黎未無事囉，妳睇下佢地而家點樣睇妳，佢地係用怨恨既眼神望妳啊，怨妳點解咁遲先出黎啊。」

唔好……唔好欺負我嫌媽媽……

「我而家是但捉過人問？就你啦，係未因為佢充遲出黎，先搞到你地咁啊？」

「係……係……」





唔好啊……

「如果佢一早出黎，就唔駛殺左你老婆啦，係未啊？」

「係……係……」

有邊個可以救我地啊……有邊個可以啊……

「你而家係未想殺左佢啊？」個女人呢一句重重打左係我心上面，唔得！我係唔可以比我媽媽有事架，正當我想衝出櫃門既果一刻，我聽到媽媽既大叫：「係我累到你地咁既！我死左就會咩事都無！係唔係？」媽媽妳點可以問ｄ咁既野架，我係唔可以……「砰！！！」一聲槍聲後，我衝左出個櫃，見到既係有一個女人企左係媽媽面前，而媽媽已經訓左係地上面，媽媽手中仲半握住支槍。





原來頭先媽媽搶左其中一個人既槍，向自己既頭開左一槍。

媽媽佢頭部既血仲慢慢流緊，而個女人就微笑咁望住我，「原來仲有一個人匿埋左。」個女人，係著住一身紫色既衫。

有邊個可以救我地……有邊個可以救我地……有邊個可以度我地……我喊，但唔敢出聲，我驚，驚到只係緊緊抱住ｅｅｙｏｒｅ不停問：「有邊個可以救我地啊？」

突然，一把聲音係我腦入面傳出黎，「我可以救妳。」

「你係邊個？」我問。





「我係ｅｅｙｏｒｅ。」果把聲答我，然後，我就眼前一黑。