[惡搞無極限] 就係咁，我同幾個豬朋上左大陸獵金: ３９１　阿妹又回憶（２）

點解？點解呢度黑晒既？呢度係咩野地方黎架？我不停咁望住四圍，都只係見到黑色一片，直到，我見到一團光衝去我……

「可兒，已經好晏仲未訓醒，快ｄ起身啦。」媽媽既聲叫醒左我。

「……知道。」我攬住ＥＥＹＯＲＥ行到媽媽既身後面，「……早晨。」

「快ｄ去洗面，然後食早餐。」媽媽話，而我無先去洗面，我走左去媽媽既房度，望一望後，就返出去問媽媽：「爸爸呢？」

媽媽微笑地望住我話：「爸爸走左拿，佢要去做野。」





我扁咀咁望住媽媽話：「爸爸咁快又走既……」

媽媽佢好溫柔咁摸我既頭，然後話：「只要可兒乖既話，爸爸一定好快就返黎既。」

「次次都係咁講……」我攬到ＥＥＹＯＲＥ好實。

「快ｄ聽話啦，妳洗完面，食完早餐後，媽媽先會將爸爸要送比妳既野交比妳架。」我聽到媽媽咁講，即刻好開心咁問：「係咩野黎架？」

「妳快ｄ聽話去洗面先，媽媽而家就去拎比妳。」我即刻衝左去洗面刷牙，然後再衝返去媽媽度，呢一刻我見到既，係一條鏈。





「呢樣就係爸爸同爺爺送比可兒既鏈拿。」媽媽幫我戴起左條鏈。

呢條鏈，好靚，而且入面仲有我地既全家福。