[惡搞無極限] 就係咁，我同幾個豬朋上左大陸獵金: ３９０　阿妹又回憶（１）

「阿媽，妳睇下爸爸送左個公仔比我啊。」我好開心咁攬住呢隻紫色既公仔，同眼前忙緊既媽媽講。

「妳又扭計叫爸爸買野比妳啦。」媽媽繼續忙緊佢既野。

「咁佢真係好得意嘛，妳快Ｄ睇下佢先啦，佢成身紫色好好睇架。」我舉高左隻公仔。

媽媽佢回望左我一眼，「係ＷＯ，好得意ＷＯ，咁妳記住唔好整爛佢拿。」

「嗯！知道！」我好開心咁攬住隻公仔。





「可兒，快Ｄ出黎睇下爺爺買左Ｄ咩比妳。」聽到爸爸既聲音後，我就衝左出去，見到爺爺買左好多零食比我。

我望到Ｄ零食後好開心咁話：「係未時興隆黎架？」

「當然係啦。」爺爺話，然後又笑我：「你個傻女似似見到時興隆都笑到傻晒咁。」

呢Ｄ，就係我現時既幸福，我真係覺得我係一個好開心，好幸福既女仔，「爸爸，呢隻公仔叫咩野名啊？」

爸爸好慈祥咁望住我，「佢叫做ＥＥＹＯＲＥ。」