[惡搞無極限] 就係咁，我同幾個豬朋上左大陸獵金: ３７９　阿妹的安排（補返更新）

望住阿倫同阿輝，我都好出奇佢地點解會係度，果陣佢地話唔陪我去搵金，講真心入面都有少少覺得呢兩條死仔無義氣，但係而家見到佢地，唔通，佢地係背後一直跟住我？

但係頭先阿倫先話早我半日入黎，姐係……佢地自己去搵！？諗住兩個人分左就算！？

阿倫係鎖住我既鐵鏈上面搞左一輪後，條鐵鏈就咁就斷左，被解開既我就問佢：「你地係度做咩？」

「我地比人追左囉。」阿輝好直接咁答我：「你都係比人捉左先黎到呢度啦。」

佢咁樣一問，整到我好似問左個好白痴既問題。





「我係想知點解你地會比人捉？」我再問清楚，而阿倫就拎左一部電話出黎，開左個ＷＥＣＨＡＴ比我睇，果Ｄ對話，點解咁似果陣阿俊比我睇到果Ｄ既？

「呢Ｄ係？」我問阿倫，而阿倫就直接話：「其實你阿妹一直都驚阿俊係無間道，所以就叫我地做左場戲，話唔想再同你去搵金，但實剛我地係去暗地裡查，我地一直都有同你阿妹聯絡。」

我再睇一睇部電話，再確認呢Ｄ對話一定係果日阿俊比我睇到果Ｄ。

「果然比你阿妹估中，阿俊係無間道但係佢係被碇司令迫先咁，我地仲查左碇司令叫左個人返後專門對付你阿妹，好似話只要將佢心入面最怕既陰影拎出黎，佢就會變成令一個人，碇司令就有方法令時興隆佢聽聽話話。」阿倫既說話，令我覺阿妹好偉大，原來佢一直做左咁多野都無人知。

「前果幾日我地突然收唔到時興隆既回應，我地就諗係未佢出左事，而佢先前有同我地講過，如果有一日佢咩野回應都無，就要黎呢度搵佢，但點知一黎到就比人捉住左。」阿輝話。





而我就望住眼前呢兩位兄弟講：「真係辛苦晒。」

係呢一刻，我諗返起阿爸遺書入面講過既一句話，記住信你身邊所幫你既人，我而家知道係點解拿。