[惡搞無極限] 就係咁，我同幾個豬朋上左大陸獵金: ３７８　佢地又再出現

一齊行既話，咁就要揀好一條路，而花木蘭已經企左係其中一個通道前面，唔好煩，就果條啦。

我地四個一齊行左入呢個通道入面，而呢個通道好奇怪，只要我地每行到某一部份，果一部份既燈就會開，一離開既話就會熄，咁我當然覺得係因為有Ｄ探測器先可以做到咁啦。

但如果有探測器，亦姐係話我地既行蹤已經係某Ｄ人既觀察之下。

而我地一直行一直行，行最前既阿欣係最唔驚果個，不過佢原嬲都係咁，所以見怪不怪，而花木蘭同勞斯萊斯都只係怕會突如其來既事發生，所以戒心都幾重，而最驚果個當然係我，因為我行最後果個，都唔知會唔會無啦啦比人捉左，而且我行最後，比人捉左佢地三個可能會唔知……

唔好咁多心啦，一定唔會好似我咁諗既。





但係世事就係咁……突然一個黑影係我眼前出現，然後就用個手臂好用力箍住我條頸後然後向後拉，我就係咁比人捉住左。

我當然想爭扎啦，但當我一爭扎，頭部被一個重擊……咁就暈左……

醒返果陣我已經係一個囚室比人用鐵鏈鎖住，而我見到眼前有兩個人蹲左係地下度，係到唔知講Ｄ咩，而講講下佢地突然望左過黎，我一見到佢地兩個既樣都嚇左一跳，然後話：「阿輝！阿倫！點解你地兩個會係度既？」

「阿賢你終於醒拿！」阿輝佢行到我面前話。

而阿倫就慢慢行左過黎同我講：「我地都係早你半日入左黎咋。」





無錯，我見到既就係阿輝同阿倫，果陣話唔會再同我一齊去搵批金既人，但點解佢地而家又會出現返呢？