[惡搞無極限] 就係咁，我同幾個豬朋上左大陸獵金: ３８０　破獄

聽完佢地既說話後，我心人面覺得好扎實，原來呢兩位兄弟咁幫我。

佢地解左我落黎後，我地三個圍埋住住講最緊既事，我將已經拉左四個大寶要我拉既人，佢地聽到都好開心，而佢地就話我知，「我地都唔差，都搵左其中一個。」阿輝一副好得戚既樣子。

「係邊個？」我問，而佢地就答我：「白雪公主。」

聽到佢地咁講後，我更係問最後果位要搵既人係點樣架啦，只見到佢地兩個成個咸濕樣，然後話：「白雪公主真係人如其名，佢皮膚好似雪咁白，樣真係好似公主咁靚。」

「真係？」睇黎係個大美人ＷＯ，搞到我都想睇下佢係咩野樣。





而佢地就話：「而且佢好得意架，性格好似細路女咁，好可愛。」阿輝講講下面都紅晒：「搞到我有少少鐘意左佢。」

見到平時搞怪既阿輝竟然有咁既一面，我都好驚奇，而阿倫就話：「放心啦，兄鈔鍾意既一定會諗方法比你追到佢既。」

阿輝聽到阿倫咁講後，好開心係度傻笑。

見到佢地咁，無奈地都要搵返個認真ＭＯＤＥ先，「咁你地有無問佢遺書既事？」

「有啊。」阿輝好快就答左：「不過佢地話我地兩個唔係收信人，所以唔會比我地兩個。」





又係咁既情況，不過咁都好，證明當年大寶所搵既人都係可信之人，「咁而家最重要既，就係要返阿妹先。」

我企左起身，係呢一間密室入面行左一陣，「呢度只有四面牆，咩都無，真係要走到唔易。」

「係啊……」阿輝企左起身後唔知搞咩原地係度不停自轉，「不過會有人黎送野食。」

「送野食？」我問緊不停自轉緊既阿輝，然而，阿輝自轉到跌左落地下，我望住佢無奈左起黎，而阿倫竟繼續，「係啊，所以如果要走出呢度，就只有果個時間先有機會。」