[惡搞無極限] 就係咁，我同幾個豬朋上左大陸獵金: ３７１　第五個女人的名字

「咁你知唔知阿爸留低左Ｄ咩野比我地？」我向飛伯問左呢個問題，但係飛伯就話：「你真係咁想從我既口中得知你阿爸留左Ｄ咩野比你，而唔係你同阿妹去搵出黎？」

無錯，如果係我同阿妹一齊搵出黎，意義一定仲大，竟然飛伯咁講，「飛伯，你講得岩。」

飛伯好欣慰咁笑左出黎，然後話：「地址已經比左你地，你地可以去搵時興隆，我等你地既好消息。」佢講左呢句後，就唔知飛左去邊。

而剩低我地幾個後，我第一時間問花木蘭，「點解妳會知道黎呢度可以搵到阿妹既消息？」

花木蘭就話：「就好似之前所講，我地『正正』都係情報收集，點都會知道好多野，而最重要既係我想搵一個人，而果個人同你地，以及同飛伯有關。」





「搵邊個？」我問，而花木蘭就答我：「白雪公主。」

聽到呢四個字後，我心突然一陣悸動，需然未見其，但係大寶要我地搵既果五個女人，都可以話貯齊晒。

「咁妳知佢係邊？」我問花木蘭，但係佢搖一搖頭，「白雪公主同還珠格格一樣都係神龍見首不見尾，佢地自己出現，比起搵佢地更加容易。」

「咁姐係點？」我聽得一頭霧水。

「姐係我地而家就未有白雪公主既情報，不如去左搵你阿妹先，到時我見到你阿妹，就可以比返封遺書你。」花木蘭話：「咁當然你可以搵我叫你幫我搵果三樣野啦，可能會快過你搵阿妹架。」





我聽到佢咁講只係乾笑左幾下，因為我真心覺得搵阿妹一定易過搵佢果三樣野囉。