[惡搞無極限] 就係咁，我同幾個豬朋上左大陸獵金: ３７０　鎖匙

究竟點解阿爸叫飛伯整呢仔鏈呢？而呢條鏈飛伯講到可以知道阿妹係邊，有無咁勁啊。

而飛伯拎住條鏈同我講：「呢條鏈，係你阿爸特登叫我做比你地兩兄妹。」佢行到一張臺前面，張臺下面，有兩個孔係度，睇落個孔同條鏈既形都幾似。」

「點解阿爸會叫你整呢條鏈架？」我問飛伯。

飛伯無先答我既問題，佢只係聚精會神咁望一望條鏈，「呢條應該係呢度。」然後將我條鏈放左落其中一個孔到。

當鏈放左係孔上面，孔就發出左一個藍光，而藍光好似蜘蛛網咁係將臺度四散開去，然而，其中有一個紅點係蜘蛛網入面閃下閃下。





「呢個網狀咁似……」「係地圖。」飛伯未等花木蘭問完就答佢，「依我所見，你阿妹而家應該係……」飛伯拎左紙同筆，寫低左一個地址比我。

我接過左張紙，然後繼續問飛伯：「可唔可以話比我知呢條鏈既事？」

飛伯只係笑左幾聲後就答我：「呢兩條鏈，係你當件阿爸叫我特別整比你地兩兄妹，一來係當有人捉左你地，佢都可以搵到好方便咁搵到你地，二來呢兩條鏈係關於你阿爸留比你地既野。」

「關於阿爸留比我地既野？」我聽到飛伯咁講後就問：「係Ｄ咩野？」

「呢兩條鏈如果同時放左係呢兩個孔上面，臺上就會顯示出你阿爸留比你地Ｄ野既位置，而且呢兩條鏈，仲係一條鎖匙，用黎開你阿爸留比你地既野。」飛伯呢個答案真係好有用，而且好震驚。





我用手捉實條鏈，心諗好彩有保貯到而家，而且有成日戴住係身，如果唔係就搵唔到阿妹，同埋搵唔到阿爸留比我地既野……等等！

「咁阿爸留比我地果五封遺書？」我問，因為當我知道我可以用兩條鏈就搵到阿爸留比我既野，咁我點解仲要咁辛苦去搵果五封遺書，我直接搵返阿妹同佢黎呢度就得啦。１

而飛伯聽到我咁問後就答我：「我相信你阿爸留低左五封遺書，一定有佢既原因，可能，係開門既方法。」

「開門既方法？」我又不解，「你頭先唔係話只要有兩條鏈，就可以開到咩？」

「呢兩條鏈只係鎖匙，但要有特定既方法先開到。」聽飛伯咁講，點都係要搵晒阿爸既遺書先我。