[惡搞無極限] 就係咁，我同幾個豬朋上左大陸獵金: ３７２　不夜城

直指目的地，搵到阿妹既地方，所以搵阿爸遺書既事要暫事停一停先。

花木蘭同勞斯萊斯睇一睇個地址，見到呢個地址又唔係好遠，所以提議我地即時動身，咁我都無所謂既，而且可以快ｄ搵到阿妹都係一件好事，所以我地就出發。

但係唔遠還唔遠，都要成五六個鐘既車程，坐左咁耐車，一落車第一時間個頭就有ｄ暈。

「阿賢你無野嘛？」扶住我落車既阿欣問，我真係暈到想嘔所以答佢唔到。

等我休息左一陣，先發現我地而家身處既地方，係一個幾繁華既都事，車水馬龍，人來人往，最重要係已經入夜都咁多人。





「呢個地方出名係不夜城。」花木蘭同我地講：「有時都唔可以睇少碇司令呢個人，因為佢，本身呢個死城先可以變到而家咁熱鬧。」

我聽到佢咁講後，就問佢：「呢個地方係碇司令既？」

而花木蘭就點一點頭，「無錯，係國內數一數二出名既夜遊地方，同我做緊果間『正正』有得ＦＩＧＨＴ。」

咁其實我都預左搵到阿妹既地方係碇司令既勢力範圍，不竟阿妹係比佢捉左，但係面前既都市，果一種熱鬧真係同其他大都市一樣，我以前只係覺我碇司令係變態既人，但估唔到佢都可以做就出呢Ｄ都市。

勞斯萊斯佢拎住個地址，左顧右盼咁搵緊路，「都唔知要係邊度開始搵好。」





而花木蘭就話：「邊行邊搵啦，船到橋頭自然直，更何況黎都呢個地方，而且有兩美相伴。」花木蘭突然攬住左勞斯萊斯同阿欣話：「我地一齊行街街好唔好啊？」

被咁樣一問既二人，好受落咁話：「更係好啦。」

而我係邊旁見到佢地咁，真係為之則目，阿欣係我女朋友都係咁講架拿。