[惡搞無極限] 就係咁，我同幾個豬朋上左大陸獵金: ３６４　再遇飛伯

又係勞斯萊斯果架粉紅戰車，只不過開車既唔係勞斯萊斯，而係花蘭。

點解？因為勞斯萊斯少女懷春咁款，根本開唔到車，就以為頭先喊晒口係ＭＡＮ姐面前話唔應該去玩，而家就……

「我地去邊啊？」阿欣問，佢同我係後座好乖咁坐住。

「頭先我都講左，我地去搵飛伯。」花木蘭答。

「其實，點解要搵佢？」我問。





「因為飛伯係呢件事入面其中一個關鍵人物。」花木蘭笑笑口話：「而且同你好有關。」

「有關？」佢講到咁，我既好奇心更大。

「去到既時候，你自自然然就會知道。」花木蘭一直開，一直開，直到開到去一個荒廢左既大樓前，「我地到拿。」

講真，我真係唔知點解係我眼前果幾座大樓，咁大幢但點解可以無咩人氣可言既，望入去空無一人，就好似無人住係入面咁。

花木蘭行到我身邊話：「咩事企係度啊？驚啊？呢Ｄ鬼城大陸大把啦，Ｄ人起要但係周邊咩野配套都無，所以無人會搬入黎住，只有怪人先會。」





「怪人？」阿欣好興奮咁走左過黎問：「佢好唔好玩架？」

「妳都見過架，妳覺得飛伯好唔好玩？」花木蘭反問返阿欣。

「好玩啊，佢上次帶我飛……」突然間，一個黑影係我地上空出現，我地抬頭望上個天，「睇黎飛伯已經知道我地黎左。」

果個係我地頭上面飛緊既人，就係飛伯。