[惡搞無極限] 就係咁，我同幾個豬朋上左大陸獵金: ３６３　搵阿妹

「搵阿妹先……」我吱唔地講左幾次後，確定自己既意向再大聲叫左出黎：「搵左阿妹先！」

花木蘭聽到後微笑左一下話：「呢度醫院黎架，唔好咁大聲。」佢用食指放係我咀上面，示意叫我唔好講野，然後將塊臉靠得好近話：「呢個係我想聽到既答案。」

點解！？點解我ＦＥＥＬ到我塊面熱熱地，仲有下身好似有一個地方充晒血咁既？我唔係對呢個花木蘭動左心掛！！！

唔得，要推開佢先得，因為我感覺到有一陣殺氣擁緊過黎，係阿欣。

「但係……但係我想搵阿妹，都唔知係邊度搵？」我問。





「放心，我黎得呢到係想幫你，而想幫你既話就一定有方法。」花木蘭由想靠到塊面好近我，而今次阿欣就行左過黎推開，然後話：「妳講就我啦，唔駛靠咁埋。」

花木蘭笑左笑後話：「你地見過飛伯未？」

飛伯？好熟……我記得拿！果個帶我飛既伯伯！我即刻對住花木蘭不停點頭。

然後花木蘭又笑左笑話：「果然，呢個多時既阿伯。」

「妳識佢？」我問，但係花木蘭無答我，只係同我地幾三倨講：「要搵你阿妹既話，就跟住黎啦。」