[惡搞無極限] 就係咁，我同幾個豬朋上左大陸獵金: ３２６　重要的物件

我望住飛伯伯將還珠格格送落地面後，就飛返過黎，而阿欣已經好興奮咁話：「係未到我拿？係未到我拿？」

佢望住阿欣點一點頭後，阿欣竟然一下就放手，向外一跳，就咁墜下，我見到佢咁做真係Ｏ晒咀。

飛伯伯當然接到阿欣然後送佢落地啦，跟住，就到我，我真係好期待，不過，我係未要好似阿欣咁跳落去呢？

當飛伯伯飛返黎果陣，佢望住我，問左我一個問題，佢唔係問我準備好未，亦都唔係問我要唔要跳落去，而係……

「小子，你的鏈子，是從哪兒得來的？」佢真係好認真。





而我望一望自己條鏈，就答佢：「係我阿爸留比我。」

佢飛近左我，用手好細心咁拎住條鏈，好好咁睇左一輪後又問：「以我所知道的，這鏈子應該是一對，另外一條呢？」

「……係我阿妹度。」我答佢，而我心中就有一個疑問，點解飛伯伯知道呢條鏈既事。

「過了這麼多年，保存的不錯，小子，好好的守著這一對鏈子，這會是拿到你爸的東西最重要的物件。」老伯同我講。

「老伯，你知道我阿爸留低比我Ｄ野係咩？」我問，但佢無答我，然後，佢就捉住我話：「小子，起飛了。」





係空中既感覺，不斷落下既感覺，風係我既臉上刷過，我展開雙手，第一次係天空上面飛，估唔到唔至帶住自由既感覺，而且仲帶住滿腦子既疑問。